زوجي عدو نجاحي

[دلال الكويتيه]

بنات
تعبت من زوجي ومالقيت احد اشكيله غيركم
انا لي برستيجي كشيخه وماسكه وضيفه اد الدنيا ولي استقبالاتي وصديقاتي


مشكلتي زوجي يتعمد يهيني قدام الناس واذا قلتله ليش قالي احسن علشان اكسر شوكتج
مو انت (.....) اد الدنيا عندي تكونين خادمه واذا كنت كاشخه ورايحه معاه جمعه اهل يتعمد يفشلني ويضحك الناس وخاصه اهله واحس يتعمد يطيح بيني وبين اهله لان علاقتي معاهم زينه اوجب واسوي استقبالات وما اقصر فيهم ودايما يصرخ علي قدامهم وقدام خداماتي بعد وطلعني بدور الزوجه المسكينه زعلت فهمته ماكو فاااااااااايده يرد ويقولي اشكره بكسر شوكتج

بس المشكله لي صرت انا وياه بروحنا مافي احسن منه بس يشوف احد يعاملني كني جاريه

عقله صغير وماحب ارادده ودايما يسولف عنا وعن حياتنا لاي احد انا متهاوش مع ام فلان وقالعها لهلها وكله جذب يعني احس يغار من نجاحي وحياتي

والله مو فاهمه ماعنده اسلوب قدام الناس ومن نكون بروحنا مافي احسن منه تهقون قله ثقه بالنفس

 

[عسل سل]

اكيييد ماعنده ثقه بنفسه فيبيج اقل منه ...
او اغنه حااس انج اعلى منه بشهااده مثلا او انج احلى منه !! ههه يجوز

 

[over love]

طبعا ياحبيبتى ترى الرياييل يغارون من حريمهم الا من رحم ربي ,,,

أعرف وحده ذكيه خارقه الذكاء وطموحه وناجحه ريلها حطمممممممممممممممممها لين تقاعدت تقاعد طبي وهي بعز شبابها من الغيره والحسد منها تصوري !

شالحل؟ بالضبط ماتعاملت مع هالنوعيه عشان انصحج بس من رأيى لاتسكتين على تصرفاته واهانته لج ولاتسمحين له يحطمج أرجوج

 

[دلال الكويتيه]

انا ماخذته على قد عقله وصابره بس اخاف اطلع من طوري وخربه



وش الحل مع اني ماعمري عيرته ولا احرجته ودايما استشيره واساله واخذ برايه مجامله


ادعوا ان الله يهديه

 

[قاهره عذالي]

الله يعينج
مالج الا تصارحينه
واذا اهانج وسوى هالمواقف اللي فيها صراخ واهانه
تاخذين موقف
وتزعلين

 

[Beauty is Me]

الله يهديه انتي قوليله انا مرتك حلالك عمري مراح اشوف روحي عليك بالعكس انا اشوف روحي فيك استانس لي الناس قالتي فلانه مرت فلاااان لا تخلي ابليس يدخل بينااا ولي انت صرخت علي جدام الناس ترضا يقولون فلاااااان مو زين مع مرته انا ما ارضالك الشينه ابي الناس لي قالت فلااااااااان قاللللللللللللللوووووووووووووووووووووو والنعم يعني من هالحجي

 

[دلال الكويتيه]

هلا والله بيوتي نورتي موضوعي
شخبارج شخبار البنات ما عاد تجمعون مع ماركه
عموما شكرا على مروره الطيب

 

[زوجة عزيز]

الله يسخره لج ويهديه ان شاء الله

 

[Cute mama]

حبيبتي مبين انه يغار منج او يحب يفشلج يبي يلفت النظر حقه دايما لاتورينه انج احسن منه لاتبينيله شي

الريال مايحب المره تتفوق عليه

دايما حسسيه بهيبته حسسيه انه ناجح اخذيه على قد عقله

شلون يفشلج يعني جدام الناس ؟؟ يمكن غشمره عاديه بس انتي حساسه اذا جذي ماعليه شكثر ريلي يضغطني عند اهله بالعكس استانس وانا اقعد اضحك واضغطه ههه

بس اذا كان يفشلج انه يجعمج او يكسر فيج جدامهم هذي تناقشي فيها بينكم بهدوء​

 

[جولينار]

عنده عدم ثقة بالنفس

واحساس انه انتي زوجته اعلى منه واالمفروض من وجهة نظرة انه هو الاعلى مو المرة

يمكن احد يعايرة من اصحابه ؟


انا بنت عمتي دكتورة وزوجها معاه شهادة ثنوي فقط

ودااايم يقولها الطب حقكم هذا كلله خرابيط

ويقولها شمعنى انا من بين ربعي اللي اجي ولا القى غدا

بحكم انها تكون مداومه وتطلع متأخرة

واي تقصير يحطه براسها وعشانها موظفة


اتوقع زوجك يشابه زوج بنت عمتي

نصيحتي لك حسسيه انه الكل بالكل بالذات قدام الناس

وانك ماتطلعين عن شورة

داريه سايسيه تحببي له

قدام الناس


عشان يحس انه سي السيد

وتنحل امورك ان شاء الله

 

[اسيل الصمت]

أعوووذ بالله منه

الله يعينج حياااتي

 

[رومانس آيدياز]

يمكن المشكلة انج دايما تبينينله انج افهم منه
او انجح منه او اسلوبج احسن منه

عشان جذي يقول يبي يكسر شوكتج ويتعمد هالشي

بينيله انه الكل بالكل وانج تاخذين رايه ومعجبة بشخصيته

 

[ظل الياسميـن]

يمكن عباله انج انتي مغروره ومستواج الاجتماعي احسن منه
وهو عباله انه بهذي الطريقه يبعد عنج الغرور
فانتي ما شاء الله عليج امبين انج اجتماعيه وتحبين اتخالطين الناس
وهو لا فعشان جذي يحب يطيح شوكتج جدام الناس
الله يعينج

 

[Beauty is Me]

للأسف انا طليقي كان جذي كله يوقلي روحي روحي يا ال..... طبعا مراح اقول انا من اي كليه وطول الوقت حتى لو سالفه مالها شغل يقولي هاذا وانتي ....... يا حظي

كان معقد حده انا رضيت بواحد اقل مني قلت بيدللني بس للأسف معنه ما كنت اييب طاري هالشغله كلش

 

[أتراب]

يمكن أغار منج بعضهم جديه
​

 

[شطانه طفله]

الله يهيده انشالله صج عاد فشله بس لا حول ولا قوه
الله يعينج حاولي تقعدين معاه وتقوليله شهالاسلوب ليش تهيني جدام الناس كرامتي من كرامتك

 

[فوووفه]

الله يعينج ويسخره لج

 

[JANAA]

دائما الرجل ما يحي مرته تكون احسن منه باي شي الا المتدين
كيب انا امي تدرس بدار القران الكريم وابوي ماشاء الله متعمل تعليم عالي دكتواره وهم بعد متدين بس لما امي اتصحح له معلومه بالدين او القران يتنرفز ويقولها يعني انتي بتعرفي احسن مني ويعصب اهم جذي الرياييل عادي حبيبتي

بس انه يفشلك ويزعجك جدام الناس وخصوصا اهله لا ابدا لا مو حلوه قعدي معاه وتكلمي وبينيله انك متضايقه من الوضع لو المراه توصل اعلى الوظايف والشهادات اتحب اتكون ببيتها مملكتها عاليه كمان ليش الاحباط منه

الله يهديللك الحال ويغير زوجك واطباعه ويسعدكم ويبعد عنكم الشر

 

[سيماا]

الله يعينك عليه
والله ماعرفنا لهالرياجيل اذا كان مستوانا عالي حطمونا عشان مانغتر على قولتهم
واذا كان تعليم البنت موكامل فشلونا وقالو انت اصلا وش علمك

 

[بولندية]

البنات كفوو و فوو وقالوها يغار من نجاحج وحاط بباله انج اعلى منه و شخصيتج اقوى

وادعي ربج والله يكون بعونج