السلام عليكم ورحمة الله وبركاته
شخباركم عسولات وكيف صحتكم ..يارب تكونوا كويسين
انا متملكة على خطيبي لنا سنة وهو ظروفه سيئة كل ماجينا نبي نقدم الزواج يطلع ظرف اصعب من اللي قبله ..لكن الحمد لله على كل حال
زوجي عصبي جدا جدا جدا ولاعصب والله ينسى حتى اللي قدامه ولاهمه مين :eh_s(16):
هو بمدينة وانا بمدينة وعدد المرات اللي جاني فيهم ثلاث مرات بس والسبب ظروفه المادية ووضع امه
لانه ابوه منفصل عنهم في مدينة ثانية مافي احد موقف معه :eh_s(11):
الحمد لله على كل شيء
هالشيء مأثر جدا عليه ... لما أكلمه على الايميل او الجوال يفهمني غلط في بعض كلامي وانا والله مو قاصده ابدا واحلفله ويقول دايم تحلفي كالعادة ..
اخر مره حصل موقف مع انه مو غلطانة فيه وحاولت افهمه مقصدي بس حملني الغلط واني ليش ماوضحتله اني دخلت على الايميل اللي هو مسويه وفهم حركتي انها تسفيه وتحقير له واتمهني اني منافقة في حبه
واني مخادعة وكذابة :eh_s(11)::eh_s(11):
والله اني ارسلتله على جواله مسج اني ترا عالايميل تبعنا بس هو كان مقفل جواله وانا مادري
والله اني زعلانه حيييل بس ماعاتبته للحين وحلفلته انه مهوب قصدي وتأسفت منه ودست على نفسي واعتذرت وطلعت نفسي اني انا الغلطانة لاجل ما اخسره انا عارفه كمان انه يحبني بس لاعصب يخربها
هو زعلان مني للحين بسبب اخر موقف ارسلتله مسج اعتذار واعتذرت له في الايميل اكثر من مره
ولساته زعلان وشايل دايم يرسلي وردة ذابلة وارسلي مقطع قصيدة فيها كلمات عن الخداع وانه ماعاد يحبني بعد الحين ...وفي نفس اليوم طلب مني ادخل على الايميل وقعد يشتكي لي انه تعب نفسيا ومخه تعب وقعد يشكي ...انا فرحت بس كلامه كان خالي من اي عبارة غزل او دلع زي اول
تكفون بنوتات عسولات قولولي كيف اسعده ارضيه وانسيه همومه في نفس الوقت والله اني بحاجتكم
:eh_s(11)::eh_s(11):
