زوجي ذبحني

[shdn]

الســــــــــلام عـــــــــليكم ​

:bbbiu:​

والله يا خواتي ماني عارفه من وين ابدا:bbbiu: ​

زوجي ذبحني 11سنه زواج وماني قادرة افهمه اذا انا زعلت ع طول يزعل انزين شكو طقني وبجى بحياته ما راضاني وذا سالته يقول انا ما غلطت شنو ملاك ما في احد معصوم من الخطا بقولكم الموقف وانتو احكمو قبل اسبوعين قلت ابي اروح السوق مع اختي طبعن رفض وقال انا اوديج وبعد نقاش طويل وافق بس بعد شنو ورحت انا معصبه وهوا معصب وبعدها نسيت انا الموضوع وصار الوضع طبيع يوهوا عادي يكلمني بس بختصار يتنرفز بسرعه قلت مسالت وقت ولمن شفت السالفه طولت كلمته قلت اشفيك علي قال ما تدرين اشفيني ما تسمعين كلامي قلت متى قال قبل اسبوعين رحتي لسوق :eh_s(10):صراحه بغيت ابجي انا ازعل وطق راسي بطوفه وانت سالفه صار لها اسبوعين مو قادر تنساها ورحت ونمت بصاله عادي كمل نومته واليوم هم حطيت افراشي بصاله قال بتنامين بصاله قلتله ليش عند مانع قال لا على راحتج وراح ونام احس كرامتي تعورني ما ني قادر اتحمل اساحله اشوي وعصب اشوي وهوا ولا داري ما ادري شلون اتصرف معاة ابي حل تعبت صراحه او على الاقل ابي افهم ليش اسوي جذي

 

[sorry25]

مادري شقولج بس حبيبتي انتي حاولي ما تعاندينه واذا اهو مو مهتم انتي بعد عشان صحتج ترى الانسان الي اعصابه بارده ما في امراض لا تحرين نفسج وبعدين ليش تنامين بالصاله جذي تيعود على فراقج ويصير عنده عادي بالمره لا تخلين مكانج فاضي

 

[miss_lymoona]

والله مادري حبيبتي ماقدر اقولج شي هذا زوجج انتي تعرفين شلون تساحلينه
بس طولي بالج وهدي شوي مدام سالج بتنامين بالصاله يعني انتي تهمينه
روحي وكسري الشر وقعدي معاه قعده حلوه ورومانسيه ولاتفتحين الموضوع
وسمعيه دايما كلام حلو ترى الريال مثل يالياهل بسرعه يتعلق بالكلام الحلو

 

[أم مرايم]

ماعرف شقولج
اممممممممممم
حاولي تتناقشين معاه وتقولين له اي مشكله تصير بيننا خل نحلها بوقتها ونتفاهم
موعقب اسبوعين يقولج ان من اسبوعين صار جذيه وجذيه
وبالنسبه لنومج بالصاله لاياقلبي شيلي قشج ورقدي عنده بس طبعا بعد ماتقولين له ان اي مشكله نتفاهم بوقتها ونحلها ونسكر الموضوع
اتمنى اني فدتج

 

[*معاالي*]

والله ما ادري شقول لج ادعي ان الله يهديه ويسخره لج

 

[بنوته86]

الله يعيينج حبيبتي
بس لاتعوديينه انج اتنامين بالصاااله
ترى الريال يتعوود ويصيير عنده عاااااااااااااااادي
11 سنه المفروووض عارفه احسن مني واذا قالج انا اودييج قولي الطلعه بتكووون احلى واحلى لاتخليينه يعصب على سوالف مالها معنا وتافها وقولييله الطلعه الاسبوع الياي بخلييها مع اختي بس دام انت بطلعني مااردك وضحكي ابويها صدقييني راح يستحي من ردج
والله يوفقكم ويهنييكم ...

 

[روح ولهــانه]

ياعمري انتي والله حاسه فيك الجرح واحد الله يكون بعونا الله يريحنا من همهم

 

[shdn]

الله لا يحرمني منكم يا كويتيات:hearting::hearting::e3: انا الحين ابيه يرضى مع اني مو شايفه اني غلطانه بس ما ابي عوار راس ابي ارتاح شلون اتصرف وهوا كلش مو مساعدني اهوا لا زعلان ولا راضي :eh_s(10):

 

[دالي دالي]

الله يعينج

راعي نفسيته

 

[محبة الاستغفار]

خليج احسن منه وابدي انتى واجعليه لوجه الله وصدقيني ما تندمين

الله لا يغير عليكم

اقهري الشيطاااان

 

[مس*فلحه*]

الله يعينج