زوجي حلف علي ان مايكلمني

[بزه المرتزه]

:eh_s(16):
بنات قلبي يعورني والله ومادري شسوي ساعدوني عفيه
انا تنزلي فلوس كل سنه من دوامي وبالصدفه درى زوجي انهم نازلينلي من الاسبوع الي طاف واناا صراحه متعمده ما اقوله
لما درى عصب وايد وقال انا ادري من الغريب مادري من زوجتي
وانتي تخشين عني وانا اقولج كل شي
انتي مو واثقه فيني وعبالج باخذ فلوسج
ووايد عطا الموضوع اكبر من حجمه
انا وايد انصدمت
لدرجة ان حلف ان ماراح يكلمني وبيعاملني جني غريبه وان مو راضي علي (اخاف من هالكلمه وايد)
والله مادري شسوي
حاولت افهمه اني نسيت وجذي ماصدق
الحين شسوي قولولي
ارد اكلمه والا احقره لما يطخ ويحس ان الموضوع واااااايد خذا اكبر من حجمه

 

[*E.B.D.A.3*]

حبيبتي
شنو السبب الحقيقي الي مخليج ماتقولين؟؟

 

[عبالي حبيبي]

انتي ماسويتي شي غلط

وكونج ماقلتليه بكيفج او اناسيه هم هالشي من حقج

اشتريله هديه بسيطه وراضيه وقوليله اج نسيتي او كنتي تبين تخشينها حق سفره او شي تبينه مفاجاه

انتي خذي الموضوع ببساطه ولاتعطينه اكبر من حجمه حتى لوزعل

موفقه

 

[دنيا جديدة]

انا اشوف من حقة يزعل على الا قل كان كتمتي على الموضوع كلش
وماخليتي احد يدري مراعات لمشاعرة
بس اقولج راضية بطرييقتج
انا ماايدج بالكذب لكن شتسوين
قولي توة نازل لي ماداني اقولك كل يوم بقولك وانسى من هالكلام
او قولي عند امي دين وبخلصة وبعدين اقولك انا عندي لاني مستحية منك
دعواتج

 

[ElN00R]

قعدي معاه وقوليله كل السالفه بهدوء وبيرضى واذامارضى خليه بروحه يطخ المهم توضحين نيتج

 

[قطوووة]

شوفي هي مو حلوة يدري من الغريب

بنفس الوقت هذا حقج .. بس انتي ادرى بريلج وبتصرفاته المادية

كلمية وقولي نسيت او اي عذر عاد

 

[ام كوثر2007]

تصرفج غلط حبيبتي .. خصوصا انه ريلج من النوع اللى ما يخش عنج شي


ويقولج كل صغيره وجبيره .. ليش خشيتي عليه . من حقه يزعل ويشيل بخاطره بعد ..


الله يعينج صراحه حاولي انج تراضينه بأي شي تشوفينه مناسب ..

 

[كربون امها]

ريلج كبر الموضوع حيل وانت بعد الله يهديج ليش تخشين عنه
حاولي تراضينه وتعذري وقوليله نسيت لا اقوللك رقعي السالفه

 

[مولاي الفرج]

شوفي كل الرياييل جذي بيعرفون كل صغيرة وكبيرة من لسانج حتى لو يدري من وراج

انتي قوليله وكسري الشر

شخسرانه

 

[أم عزيـز]

بصراحه مو حلوه بحقه يعرف من الغريب

بس انتي ليش متعمده ما تقولين له ؟ شنو السبب ؟

 

[tbola]

مممم مادري صعبه يسمع من غريب صح
بس قوليله ماتوقعت ايهمك الموضوع واخر مره ماراح اعيدها

 

[Gifts&Occaions]

انا اشوفها عادي واهو ليش يدخل بمعاشج وبيعرف متى ينزل ويسالج شيبي فيه

 

[أحلا اثنين]

انت ليش ما خبرتيه؟
واذا هو متعود يخبرك كل شي معه حق يزعل انك خبيتي عنه
والادهى انك حاكية لغيره
راضيه واذا حالف يمين عادي بيطلع كفارة
والله يوفقكو

 

[صادقة بكلمتي]

حبيبتي انتي ماكتبتي السبب اللي خلاج تخشين عنه اهو صج حقج بس المشاركة حلوة يعني يعني هذا بيتج وهذا ريلج حتى لو اهو مو مقصر بلقاها حلو منج لو جزء بسيط من فلوسج شاريتله هديه وقوليله الباجي لي اكيد ما بحاسبج بس تزيدين من حبه لج لان لن بعض الريايل مثل اليهال عقلهم انا ما انصحج اجذبين لانج جذي شككتيه فيج ترضين ياخذ اضافي مثلا وما يقولج ولا يخشه وتكتشفين حتى لة ما كان مقصر عليج اكيد بتزعلين انا ما بقولج جذبي لكن ان يعز عليج زعله وما تبين تكبر السالفه اكثر قوليله كنت باخذلك هديه وخشيت عنك ليما اقدر اروح السوق وجذي لكن ان كان ريلج من النوع الاستغلالي والجعص وعلشان جذي خاشه عنه سالفه فلوسج خلج واضحه معاه وقوليله بس باسلوب ابي اخشهم بسوي شي بسافر بشتري بشترك بنادي ولا ااااا اي شي وما بغيتاطلب منج وازيد عبك انت ادرى بريلج ونوعه والله يسخركم حق بعض

 

[ريمي اميري]

اسفه ........ بس انا اشوف من حقه يزعل

انتي خليك من انه ياااخذه ولا لا هذا موضوع ثاني ..!! الموضوع انك مخبيه عليه ،اكيد
بيضن انك شاكه فييه ولا هو مصدر ثقه بالنسبه لك .. وهذا شي يزعل صراحه

الموضوع بياخذ وقت اعتقد ,,, بس انتي خليك بواجباتك ولا تقصرين معه وحاولين
تفهمينه انك غلطانه ومن حقه يزعل ,, وحاولي تراضينه بس بعد فتره ,,,, (( يمكن كلامي غلط مدري بس حطيت نفسي بمكانك بسوي هيك)

 

[سنفوره8]

اممممم شوفي ادا المبلغ محرز قوليله كنت مسويتلك ماجاه بسافر معاك
او كنت بسوي لك مفاجاه بغير شي في البيت

 

[سكوون انثى]

طيب شنو السبب اللي يخليج تخبين عنه ؟

 

[sosowaty]

مع ام كوثر

 

[زوجة عزيز]

ماله اي حق يزعل على هالشي الصراحه اهو الغلطان

 

[بزه المرتزه]

اهو الصراحه انا ماقتله خفت يحط عينه عليهم ادري فيه كله بيفتك من مصرفي ومن كل شي انا تفاهمت معاه تدرون شقالي خشيهم حق سفرتنا بالصيف! اناماعندي مشكله احط معاه بالسفر بس الي انا مضايقني مابيه يفرض علي هالشي صج منبطه جبدي