زوجي حرامي

[نونه الزعفرانه]

قوه بنات شخباركم والله انا نفسيتي حدها تعبت من زوجي

كل مره ابطل بوكي القا فلوس ناقصه بس اقول ياربي اكيد صرفتهم ونسيت
بس ذيك المره سحبت فلوس والا فلوسي ناقصه 600 دينار !!!!!!!
دقيت على البنك وقالولي ان الفلوس مسحوبه من فرع منطقه بيتنا الساعه 2 الفير وبهالحزه انا كنت نايمه واهوا قالي انه رايحه ديوانيه ...
سكت وعقبها طحت عليه ان ماخذ نقالي اللي بدون كاميرا انا مخليته بالدرج عشان اطلعه بس حزت العروس والا الاخ ماخذ نقالي وشاري خط ومركبه عليه ويكلم الدنيا كله

المهم تهاوشت معاه وقلت له انت لي متى جذي وليش ما تتسنع وقال خلاص انا بكون خووووش واحد وبس بهتم فيج وبالبيت
واعترف انه بايق الفلوس يقول واحد يطالبني !!!!!!!!!


بنات تعبت تعبت شسوي اتطلق والا اشوف معاه صرفه انا احس انه مريض نفسي في مرض بالجذب والبوق

 

[جـــواهر]

شكووووو يعرف رقمج السري ؟؟؟

انتي معطيته جوه

امن سالفة الخيانه للاسف مالها حل هذا بخيل وحرامي يعني بدال لايشتريله تلفون ويلعب فيه
لا ماخذ تلفونج ويلعب فيه كلف ع روحه الصراحه الله يعين اللي يكلمها شكله يبيها تصرف عليه
وي سليمه ماعليه حسووووفه

 

[نونه الزعفرانه]

شكووووو يعرف رقمج السري ؟؟؟

انتي معطيته جوه

امن سالفة الخيانه للاسف مالها حل هذا بخيل وحرامي يعني بدال لايشتريله تلفون ويلعب فيه
لا ماخذ تلفونج ويلعب فيه كلف ع روحه الصراحه الله يعين اللي يكلمها شكله يبيها تصرف عليه
وي سليمه ماعليه حسووووفه

اي يعرف رقمي السري لاني لما اطلع معاه مرات اسحب من خدمه السيارات يكون صوبه

 

[BiiShOoO]

لا حول و لا قوة الا بالله العلي العظيم


لازن تقعدين معاه قعدة صراحة

شلون يبوقج و انتي مامنته على نفسج وو واثقة منه ؟

 

[نونه الزعفرانه]

:eh_s(2): تعبت حدي

 

[ام شووووق]

رد : زوجي حرامي

كلميه مرة ومرتين وبعدين تصرفي

او غيري رقمج السري

 

[ام دليار]

رد : زوجي حرامي

احترامي للحرامي صاحب المجد العصامي
انتي قولي قدامو اكره شي الرجل الحرامي بيصغر بعيني
أدعيله

 

[جوديq8]

رد : زوجي حرامي

حبيبتي غيري رقمج السري وحاولي مايعرفه شنو وين قاعدين

اما بسالفه الخيانة فالله يعينج علية

 

[قطوه دايخه]

رد : زوجي حرامي

والله حرام أللي يسويه أذا مايخذه منج بطيب خاطر ماله طعم لاتسكتين وبطاقتج خشيها عندج بمكان وأهوا يحس علي دمه وقولي اذا بغيت شي قولي بس فلان أيدك لاتمدها أنت لك الحشيمه والكرامه بس تعبي ومعاشي ماكو داعي تمد أدك عليه وحاولي تكونين كثر تحفظ بشغلج الخاص مثل موبايلج وكرت البنك وأهوا أهنيه بيطلع معدنه الأصلي

 

[غير كل الناس]

غيري الرقم السري ولاتخلين فلوس بالبوك او انك تخشين البوك قبل لاتنامين

 

[’яęℓάx]

رد : زوجي حرامي

لآحول ولآقوة الا بالله

لآ حبيبتي لآتهدمين بيتك بيدك

(ابغض الحلآل عند الله الطلآق )

آنتي صآرحيه وفهميه آنك متضآيقه منه

وآدعي له ان الله يهديه وذا مآنفع معآه هدديه آنك بتقولين لهلك

وآنتي حآولي معه وجربي معه جميع الطرق مو ع طوول يجي في بآلك الطلآااق

.
.

موووفقه يآالغااليه :eh_s(17):

 

[انا انت]

رد : زوجي حرامي

الله يعينج

 

[M!sS_D!oR]

هدي بالج يبه لا تطلقين ولا شي ترى مانسوي تخربين بيتج عشان هالسالفه هدي الامور وكلميه بحب
وخليه بالكلمه الحلووه يترك هالامور وبالنسبه لفلووسج لا تعطينه البطاقه الائتمانيه وغيري رقمج السري وتنحل
ان شاء الله وعسى ربي يهدي سركم

 

[Queen nor]

رد : زوجي حرامي

لا تطلقين والله يصبرج ان شاءالله و يسخر رجلج لج ويهديه

 

[تعويذه الحب]

حبيبتي قووووويه انج تقولين عن ريلج حرامي وبايقج !!!!!!!

بس حبيبتي قعدي معاه وقوليله اذا بتاخذ شي قولي انا ماراح ابخل عليك بس لا تحسسني اني مغفله

يعني اول وتالي راح ادري انك ماخذ من حسابي فليش تسوي جذي !!!!!

وانا احترمك واقدرك فلا تشوه صورتك بنظري عطيه جم كلمه خليه يستحي من روحه

والله يعينج

 

[سوسو العصلة]

الله يعينج ياااارب

البنات انهم فاادوووج ويفيدووونج

 

[نونه الزعفرانه]

المشكله ان اللي متعود عالبوق راح يبوق مره ومرتين وثلاث واربع

 

[اضيع بعيون تركي]

رد : زوجي حرامي

الله يفرجها لج

 

[نونه الزعفرانه]

اب
اب
اب

 

[رحيل المرافيء]

رد : زوجي حرامي

شكووو تعطينه الكرت ويعرف رقمج السري
غيري رقمج ترى الغلط غلطج انتي مو هوو
هو لاقي فلوس على باردة مبردة تبينه يقول لاا محد يعاف
وخشي جنطتج عنه حطيها بالكبت وقفليه وخلي المفتاح عندج