زوجي حالف مااولد الا بالعدان

[جلنار الكويت 13]

السلام عليكم

السبب لأني بجر وبنفس الوقت هو مسافر موعندي يقول اخاف عليج من الخاص يلعبون فيج وانا احاتيج وبعيد عنج يقول الحكومي أأمن لج واول ولاده خليها بالحكومي وباقي ولاداتج لو تبين بالسيف دفعت لج .. طبعا راح يوصلني حجي وايد من اللي حولي ليش انتي بالعدان وبأخيس مستشفى و و و الله يعين

الحين العدان او الحكومي شنو آخذ بجنطة المستشفى؟
شنو الأشياء اللي مايوفرونها؟

والغرف الخصوصيه متوفره على طول ولا احجزها من قبل انا بالتاسع حاليا

انطر ردودكم

 

[Omsaad90]

الله يهون عليج يا رب الحكومه تدخلين الوضع لحالج بس اذا شافوج الدكاتره بكر بالعكس يهتمون فيج أكثر انا كنت والده عندهم بس قيصري والله العظيم ما خلوني لحالي لان كان معاي ضغط وزلال عالي

 

[انتيكا]

مادري عنهم بس السهاله من رب العالمين وكلي امرج لله وادعي ربح الله يسهل عليج حبيبتي ويفرحج بشوفه ضناج سليم معافى

 

[جلنار الكويت 13]

امييين مشكورين لردودكم

الله يسهل يااارب ويسامح ابوالشباب وألقالي غرفه خاصه

 

[naba6a]

حبيبتي سواء خاص ولا حكومه الولاده وحده اهم شي سلامتج وسلامه البيبي اخذي معاج جنطه ملابسج وملابس للبيبي وحطيله تكرمين حفاضات وحليب ومميات واغراضه حق الحمام وبالنسبه لج جنطتج وملابسج وكفرج اهم شي اخذي معاج فوط صحيه لان ملوتهم موشي واغراضج تكرمين للحمام لان غالبا ماتكون متوفره وانشالله البنات مايقصرون الله يهون عليج

 

[سيدة الذوق]

الله يهون عليج والله السهاله من الله اصلا الخاص لاسمح الله اذا شافوا حالتج صعبه حولوج حكومه
العدان شكثر يولدون فيه الحمدالله

اخذي شغلج كله من الي الان هناك مايوفرون

 

[glby7sas]

الله يهون عليج توني والده بالعدان حتى كاكملت الشهر
بصراحه عنايه فرق الممتازين ماقصرو معاي وله خلوني دقيقه لا من دكاتره ولا من سسترات
بالنسبه للاشياء اللي تاخذينها معاج هدوم البيبي وهدومج وانتي اخذيلج فوط الصحيه لانه عطوني فوط صحيه صغيره ماتصلح للوالده
بالنسبه للغرف انا اول يوم حطوني عمومي بعديها حطيت واسطه وقعدوني بالخصوصي
طبعا الوضع مو مال استقبال والسبب غرفتهم صغيره بعدين فيهم عيب الياهل عندج يعني ايولج الزوار والياهل عندج
بس اهم عنايه كافي احسن منهم بصراحه كنت متخوفه منهم بس ماهقيتهم جذي كلش