زوجي جنني شسوي معا ساعدوني

[عنيد]

السلام عليكم

بنات زوجي جنني بتلفون حاطه رمز سري حته اذا تكلم بالوتساب مايخليني اشوف
واذا اخذت الفون يجن ويهاوشني
مرا قلت له ابي اشوف الفون هاوشني وقال لي لا محادثات ربعي مابيج تشوفينهن
شسوي بنات مرا قلت يانا يالفون. قال يالله شيلي اغراضج تعبت نفسيتي شسوي

بس اللي عقدني عنه واحد بالوتساب انك نيم حقه اذا كلمه. عند حماتي مثله

شسوي بناااات شلون اعرف اذا يكلم او لا


واتمني تساعدوني وتفيدوني

 

[أحلى قصة]

اااااااب

 

[كليـ دلعـ]

حبيبتي واضح بعد ماايبيلها فكاكه وذكاااء

ًدام حاط رمز ويتنرفز ويخششه وقالج شيلي قشج

واااااااااااااضضضحه


خلاص تبينه!؟

تبين بيتج؟!

تغااضي وعيشي!

ماتقدرين تعيشين بهالووضع وحاارج ومنغثه

زعلي وروحي لهلج خرعيه بس

جوود يخاف ويرراعي!


مع اني اشك في ذلك لانه ماجادل معاج

قال لج شيلي قششج معنااته مختار الفون باللي فيه!!

شاوري نفسج وشووفي

ياتغااضين وتبلعين والله يعينج

ياتحطين لخماله حد وماترضين بالرمادي

ياابيض

يااسوذ

والله يعينج

 

[PuPa^^SWeeT]

شنو يعني النك نيم ماله عند حماتج ؟؟؟؟



الوتس اب مافي نك نيمات ؟؟؟

 

[بولندية]

امبيييييييييه شكو شكو اذا فيه رقم سري معناته عنده خرابيط


ريلي حاط رقم سري وادري عنه بس اهو يقول يحب يحط

اذكر عضوة من خواتنا بهالمنتدى قالت اهيا حاطه رقم سري ور يلها مو حاط

و اكيد مايبيج تشوفين بعدين نرفزتيه انا ما احب وانا اكلم احد بالواتس اللي يمي يطلطل حتى ولو كان ريلي

مع ان اكلم وحدة ماكو شي اخشه بس تلقين حزتها سالفة حساسة شوي عائلية و لا تخص الحريم

لا تحسسينه انج شكاكة الريال ما يحب اللي تشك فيه



وسعي بالج دام انج ماشفتيه عليه شي و لا تين الحين تقولين انا شايفة لو شايفة جان كتبتي بموضوعج
وانتي ادرى بريلج لا يخربون حياتج الحريم

 

[Mryosh]

رأي من رأي الأخت بولندية
ياما حريم خربوا بيوتهم على هالسالفة
وبعدين تذكري حديث الرسول عليه وعلى آله وصحبة السلام لما قال "ولا تجسسوا ....."
صدقيني التجسس بيفتح عليج أبواب جهنم شك وحرق أعصاب وكآبة وأمراض
ليش كل هذا؟!!!!!!
خوذي الامور ببساطة وصدقيني اذا فيه شي راح يبين فليش خابة عمرج على شي ماله وجود الا ببالج
عطي زوجك كامل حقوقة وبالحب والمسايرة والذكاء أخذي حقوقج بدون تشنج وتجسس ومشاكل
عطي زوجج مساحته واحترمي خصوصيتة راح تلقينه اهو من نفسه يفتح لج قلبة ومايخش عنج شي
احترمي ذاتك كأنثى وإنسانة لج قيمتج صدقيني راح تكبرين بعينه ويحبج اكثر
عزي نفسج يعزج ولا تذلين نفسج بسوالف الشك شتسوى عليج يوم قالج" يالله شيلي اغراضج "
تري مايشك الا اللي فاقد الثقة بنفسة
صلحي علاقتج بربج بتصلح لج دنياج ترى القلوب امرها بيد رب اصحاب القلوب
وتذكري الطيبون للطيبات 'لا تخافين ولا تحاتين لانه مبين عليج من الطيبات ان شاءالله
وأخيرا بقولج تري الرجال مثل الظل اذا هربتي منه لحقج واذا لحقتيه هرب منج
وعاد انتي اختاري

آسفة اذا بكلامي شي زعلج

 

[فتاة أعمال]

اذا تبين صج تعرفين شنو صاير وياا .... اخذي رقم جديد ع اساس شخص جديد و كلميه بالوتس اب و سو بروحج وحده حرمه كيوتو شذي يعني و اهوه ما يعرف و شوفي شنو سوالفه .....

 

[سلطانة الاحساس]

شنو يعني النك نيم ماله عند حماتج ؟؟؟؟



الوتس اب مافي نك نيمات ؟؟؟

من قال حبيبتي الواتس اب فيه نك نيم :eh_s(4):

 

[Patcholli]

مايبيج تقرين سوالفه الخاصه وين المشكله ؟؟

 

[احلا المزايين]

الله يهديج كلي دلع شكو اتشيل اغراضها واتروح لاهلهااتشيشين المرة بتهدمين حياتها
وخير ان شا الله حاط رقم سري انتي شكو
الشك يدمر الحياة وينحش الزوج
تغافلي ثم تغاضي ثم تغابي
سيد قومه المتغابي
اشتري راسج لا اتدورين وراه بتتعبين واتطفشين زوجج
انشغلي بنفسج بعيالج اهتمي بزوجج بحدود المعقول
مو اتنبشين وراه اتقي الله بنفسج لا اتدمرينها

 

[رنيم الروح]

حبيبتي الواتس مافي نك نيم وبعدين اذا مايبي تشوفين المحادثه معاه حق انا وحده اذا بتكلم ولا بسولف في الواتس ماحب احد يطالع فيني احس انه مراقبه علي
وبعدين عادي الرقم السري مو كل من حطه انه عنده خرابيط في ناس اتكون متعوده

 

[ميـريام]

اللي تتجسس على زوجها مع احترامي امرأه غبيه

 

[oorccia]

لا توسوسين وش ها الحياة بشك و وساوس مثل ماترضين انه هو يشك فيك لا تشكين فيه

وتعوذي من ابليس

 

[عنيد]

النك نيم اذا كانتي مصكره الوتساب واحد كلمج يطلع لج

هو يحبني ويموت فيني وحبيب ما اظلمه بس عيبه. مايبي يخليني اشوف الوتساب

وانا خايفه والله


ابي بيتي وزوجي

ابي حل

 

[PuPa^^SWeeT]

لا مافيه نك نيم الا لي سكرتي الوتس اب


يطلعلج برة الوتس اب انه واصلج منه ايي



بس داخل الوتس اب نفسه ماكو نك نيم


شنو الاسم اللي انتي مسيفته




بسس


وبعددين اسم عند حماتج و اسم عند ريلج


؟؟؟


شلون جكييتيهم


انتي قاعدة تحرقين نفسج و اتقطين نفسج بالنااار


غلط اللي اتسوييينه



تعوذي من ابليييس



ترا الاغلب ممكن ساعات اتجيك على وتس اب ريلها



بس مو بالصورة اللي اجيك بوتسس ابه و وتس اب اخته

 

[PuPa^^SWeeT]

و اكييد ريلج مايبيج اتشوفين وتس ابه


لانه اكييد واحد ولا ثنيين من ربعه ولا من معارفه موده وسخ


يدزز نكت وسخة ولا صور ولا فيديوهات وسخة



مايبيج اتشوفين




و ياحبيبتي دامج تبين بيتج و زوجج



غضي النظر عنه

 

[عنيد]

النك نيم اقصد اللي

الحين مخزنه بفوني مثلا ام خالد. اذا دزت لي طلع ام خالد ونكها مثلا الغلا

جذي اقصد بنات

هو حبيب ويجبني وماشفت عليه شي


اللي حرني انه اختار الفون وخلاني

 

[PuPa^^SWeeT]

حبيبتي


توكم متزوجين ؟؟؟؟



اكييد ماراح يختارج الحيين



لانه الموضوع فييها فرض راي و سيطرة



و اي ريال بالدنيا ماراح يقبل



الحيين انتي عندج اسرااارج ويا اهلج


مشاكلكم و سوالف عن الدورة و عن الاسرار و النظافة



هل بتحبين ريلج يشووف انتي شنو اتقولين لاختج ولا لامج ؟؟؟



ولا يطيح على هوشة عندكم



مايصير بعد


ان اردت ان تطاع اامر بما يستطااع




يعني من البداية تبينه يختارج


صعبة صعبة

 

[دلوعجيه]

انا اشووف ان الموضوع عااادي واغلب الرجال جذي رقم سري ومايخلي المره تمسك تليفوونه امر طبيعي ومو يعني اذا حط رقم سري وماتشوفين تليفونه يعني عنده خرابيط عاااااادي ياااقلبي ً .. هذا اذا صايده عليه شي لاسمح الله معاج حق بس جذي عااااادي لاتحااااتين وربي اغلب الرجااال جذي ..

 

[نـــوفـــا]

تبين نصيحتي وعلى بلاط ياعنيد ...


انتي الغلطانة ...



ترا مهما كان العلاقات الزوجية كتاب مفتوح للاخر بيظل هناك صفحة مغلقة بينهم ..كل زوج عنده اسرار خاصة ..



انا صراحة ما احب لازوج ولا اخ ولا احد يقرب من جوالي نهائي وحاطة رقم السري ..




انا اخصائية اجتماعية وفي بعض البنات يدزون لي مسجات مشاكلهن ولا احب يطلع عليه ..



والحمد الله ماعندي خرابيط ولا شي ...






حتى الزوج يظل عنده اشياء خاصة وسر بجواله...



والي تسوينه اصلن حرام ومايجوز (( لانه من التجسس والتحسس )) وهذا الشي نهى النبي صلى الله عليه وسلم عنه ..


ومانهى حبيبنا عن أمر الا انها مضرة على الامة ..






ثم اسلوبج كلها اكس في اكس ..( شنو يا انا يا الفون ) طبيعي بيقول لج شيلي قشج واطلعي ..



هو مو طفل ولا ولدج عشان تخلين اوامرج عليه إلزامية واسلوب التهديد.. .. ترا الرجال مايحبون ها الاسلوب نهائي ..




وبما انج اعترفتي انه حبوب وطيب ..



فاهذا الاهم / ...
​