زوجي جاي من السفر و ابي استعد له

[رمش العين]

السلام عليكم
كويتيات ممكن ضروري تساعدوني
زوجي بيجي من السفر و ماني عارفه شلون استعدله يعني ابي حركات و افكار وشرايكم اشتريله هدية او مو ضروري و بسرعه ضروري
بليز اللي تساعدني الله يوفقها و يسعدها مع زوجها آميييييييييييين

 

[ام فطوووم]

ممكن انج اتغيرين الفرشه ((كفر السرير))
تشترين لبس حلو بس لاتكررين باللوك مالج يعني خلي شكلج يديد
صبغي شعرج او غيري قصتج
اما بالنسبه للهديه شوفي شنو الشغلات اللي محتاجها كل ريال غير

ساعه..بوك..خامات.. ميداليه..عطر..ملابس..

بس انه افضل اسوي نيو لوك اهم من اي هديه اهديها له لان لو اقدمله ورده عى سلامته كافي
وانتي شوفي شنو الشغلات اللي ايحبها زوجج وسويها
والله ايوفقج انشالله مع زوجج

 

[رمش العين]

يعطيج العافية على ردك
و الله يجعله في ميزان حسناتك

 

[.. مـــلاكـ ..]

غيري الكفر وشكل الدار
و لبسي شي حلو وحطي ميك اب ناعم
وزهبي عشى سنع
وييبي له بوكيه ورد كبيرررر
والله يوفقكم

 

[توته كيوته]

سوليه جو رومانسي بالبيت ..
اشتري كفر ابيض من ايكيا .. و نثري عليه اوراق ورد جوري مقطعه او كتبي شي مثل : احبك .. حمدالله على سلامتك .. نور البيت ..
شبي شموع .. و حطي الشمع اللي يعطر ..
لبسي قميص يديد و شي ولا مره لابسته يعني نيو لوك

 

[بنت الارسنال]

غيري من شكلج قصي شعرج او صبغيه يعني نيولوك وحطي ميكب اول مرة تحطينيه وقميص ستايلة يديد عليج

 

[out of reach]

الله يرده بالسلامه

سوي نيو لوك للبيت ولج

انا لما كان مسافر وداني لبيت اهلي... على اساس اذا رد من السفر يرد ياخذني
ورديت انا لشقتنا بدون علمه واستقبلته هناك وكانت حركه حلوه

 

[هوفه]

يعتمد اشكثر امسافر

اذا فترة قصيرة نفس ما قالولج البنات

اذا طويلة المدة

سوي شئ قوي وملاحظ

حتى لو تطرين لصبغ الغرفة

 

[^om 3lawee^]

انا اقولج ياحلو ة:::
1_ تغيرين كلشي بالبيت بالصاله وبالغرفه تغيرين اماكنهم تسوين نيو لوك عرفتي
2_ الحمام قبل لا اييي ترسي البانيو ماي حار وحطي رغوة او نثري في ورد جوري طبيعي وترسي الحمام شموع
3_ رشي البيت عطر اهوه يحبه او اشتري من الشايع مرش بس مو على ماي ورد لالا اشتري اشياء حلوة يديده
4_ وغرفت النوم مثل ما قالو الحلوين الي قبلي غير الكفر حطي عالفراش ورد عم طبيعي هم ترسي الغرفه شموع وفي بدي شوب مثل فخارة صغير فوق تحطين فيها مثل سائل وتحت شمعه عشان يتبخر السائل الي على طعر ويطلع ريحه تهبل وااااااااي تينن
5_ولكا خلصين يا عسل تروحين ركض الصالون قوليلها بصبغ شعري وشيلي شيرة وحفي ووقصي شعرج غير فيج اشياء وااااااايد وحطي مكياج ولا تسوين شي بشعرج بس سشوار وشوي بــــف لا وراج شغل ههههههه



والله يخليك حق بعض انشاااااااااااااااااااااااااااااااااااااالله

 

[رمش العين]

مشكورين جميعا
و بصراحة انا مالي غيركم انتو تساعدون
و الله يوفقكم جميعا

 

[~ام خالد~]

ماشاءالله البنات ما قصرو
وعسى الله يرده لج بالسلامه
ويسعدكم طول العمر

 

[إنسانه وأكثر]

آنا ريلي مسافر الحين بس فتره طويله لمدة شهرين يمكن بغير فرش دار التلفزيون وبشتري كفر وبحجز بمطعم بس مو نفس اليوم بخليه من باجر علشان يرتاح طبعا وبوصي على بوكيه ورد وعشا معتبر وبكتب عبارات حلوه من يدخل من الباب لييييين الغرفه وبشتري وسايل وبقصهم على شكل قلوب حب وبصبغهم باللون الاحمر وبحطهم على الارض لين دار التلفزيون وبالحمام حشاكم بيكون فيه شموع وطقم فوط يديد لونه يششرح الصدر وبدار التلفزيون بيكون العشا وموسيقى سلوو وبوكيه الورد الكبير وطبعا طبعا طبعا نيولوك قصة شعر وصبغه حلوه ومي كب يديد علي وقميص جنااااااااااااان وان شاءالله يعجبه

الله يردهم لنا بالسلامه
والله يوفق الجميع

تحياتي

 

[Cherrrry]

افكار البنات حلوه


الله يهنيج حبيبتي

 

[شموخ العجمية]

بنات ماقصروا

 

[ملح مكتت]

الريال ياي يبييييييج لازم تكونين انتي احلى شي بالبييييت

 

[يحق لي الغرور]

الله يرده لج بالسلاااااامه ان شاااااء الله توني صغيره على هالشغلاااات ان شاء الله بالمستقبل انتي تساعديني

 

[الراسيـ؟ـه]

البنات ما قصروا

الله يخليهم لنا و ما يشوفون غيرنا :>

 

[الأمـــواج]

والله انا كنت ادور على موضوع جذي بس زيادة بنقش حنا لانها شغلة جديدة علي

 

[sweet barbi]

والله حتى انا ريلى مسافر صارله3 اشهر وانشالله انا بروحله وراح اسوى نيولك قوى اول شى بوح صالون بسوى تنظيفكو

حمام مغربى وشيره كامله وحف وحمام زيت وسبا وبدكير منى كير وبقص شعرى وبصبغه وبروح السوق بخذلى هل بديات

وهل سوالف الطيبه حتى عيادة لأسنان ما سلمت منى حجزت بسوى تنظيف وتبيض وتلميع وطبعا خذيتلى هل عطورات

ولوشنات اشحلاااااااااتهم وخذيتلى هل قمصان العمليه والحلوه حق المطار وادعولى