زوجي تعبني افكر اخليه

[شونغ هونغ]

سلام عليكم ماعندي احد افض فض له غيركممم!!بنات زوجي مهوووس باهله وخواته يلبي طلباتهم وطلبات عيالهم وكل يوم يدقون عليه جيب لنا وجيب لنا طيب ليه مايشوفون عير زوجي خوانهم شكثرهم وعزابييين بعد وكل وحد له سياره وانا اذا طلعت اتمشى طلعو معي ومايعرفون الا زوجي وزوجي يعيلهم هم.وعيالهم لان بعضهم مطلقات وبعضم رافض الزواج والله ادعيلهم ليل نهار يتزوجون ويريحوني ابي زوجي لي لحالي او انه يخدمهم فئ حدود خلاص تعبت تكفون ادعووولي

 

[مدمنة كوفي]

نفس حالتنا ابوي يحب خواته اكثر منه ولا يفوتج حافظ في التلفون اسماء خواته وعيالهم اما امي واحنا زوجته وبناته مو مسيفهم وكل شي يصير في البيت يروح يقولهم

امي تعودت على الوضع اما تتعودين على الوضع يا ما تكلمينه خواتك على عيني وراسي عمات عيالي وانا والعيال لنا حقك عليك وشوفي شنو يقول اذا مو قادرة تتاقلمين لازم تكلمينه

من خذتيه هو على الحال ما تعودتي , وحتى لو بتغير خواته ما بيخلونه في حاله هذا اللي فهمته من كلامج انزين ليش ما يخصص وقت طلعة يوم من ايام الاسبوع واذا اتصلوا في خواته يقولهم اسف اليوم لزوجتي وعيالي

كلمي باسلوب حلو يوم تشوفينه رايق تدرين متى الرجال يلبي طلبات زوجته وقت المعاشرة طليقي اذا ابغي منه شي في المعاشرة الزوجية لو شنو اقوله ما يرفض لي طلب

انا احس ان زوجج تعبان ضغط العمل وبيت والحين خواته حاولي تسوين له جو رومانسي مو بس انتي تعبانة يمكن حتى اهو بس ما يبين لاحد كل زوج في العالم يتمنى يطلع مع اسرته محد يشاركه شكله طيب وحنون ما يرفض لخواته واهله طلب مو معناته ما يساعدهم
بس حسسيه ان متزوج وهو بعيد وانتوا محتاجينه والله يدوم المحبة بينكم

 

[i'm so happy]

ما ادري شقولج الا الاهل الموضوع حساس مو اي واحد يتقبل ويتفهم الموضوع الصح
وشنو الواجبات اللي عليه واللي تخصه

ان كلمتيه بقول تغار وحاطه بالها على هلي وشفيهم هلي مو غريبين مني وفيني اصرف عليهم وووو...الخ
وان سكتي بضلين جي بس اتفرجين على زوجج اطلعهم ويصرف عليهم وملتزم فيهم وفيج ....

الله يكون في عونج حبيبتي فكري وان شاءالله بعض البنات يعطونج الحل

 

[زوجة عزيز]

تبين الصج انتي الزم يلبي كل طلباتج وتالي يروح لهم مويقصر عليج واذا على الطلعه خصصو لكم يوم بروحكم طلعو فيه وترا حتى اذا خواته مطلقات تمشي لهم نفقه اكيد

 

[الأميرة جوري]

اختي لا تخلين ريلج يكرهج إذا يلبي طلباتج مؤ مقصر معاج خلاص أهله محتاجينه وله الأجر والدعوة من خواته اللي اهو سندهم نصيحه لا تخربين علي عمرج

 

[شطانه طفله]

الله يفرج همج ويسخرلج زوجج

 

[M!SS.LOBY]

لا تغثين نفسج ما دام الريال يلبي طلباتج ما عليج منه اهو و أهله

 

[شادن33]

الله يعينج واللي ما فيه خير لاهله مافيه خير لزوجته

يمكن ريلج حبوب وطيب ويرتاحوله خواته حمدي ربج

باجر اذا يولج عيال بيتعلمون من ابوهم صله الرحم ويبرونج

 

[Patcholli]

مايصير زوجج لج لحالج انتي مو شاريته
ريال ومايصير اهله يطلبونه ويتعذر اذا يقدر ويقطه على غيره فشله ومو حلوه بحقه كريال ودام اهو راضي خلاص
طالما انه مو مقصر معاج صبري
واذا مقصر معاج ناقشيه بكل صراحه وقوليله مثل ما اهلك لهم حق عليك انا لي حق عليك

 

[pusy cat]

الله يعينج بس ماتوصل لدرجة الانفصال

خليجيبون سايق او انتي جيبي سايق وتنحل انشالله

 

[ReD&FoSHia]

مع باتشولي

 

[a7вĸ мσσστ]

نفس مشكلتك
ويتصلو علينا حتى 4 و 5 الصبح
وازعاج وطلبات
ولسل ماكمل ليا سنه متزوجه
وكل شهر امه او ابوه يتصلو ع اهلي يشكو مني ويحلف كذب
ضربني وبكا وسبقني واشتكى
واخر مشكله قبل اسبوعين
اتصلو يشكو مني وماتحبنا
ريحت حالي وانا عندي اهلي
ماكملت سنه وحامل
لاحول ولاقوه الا بالله والحمدلله ع كل شي
الحمد لله لاغلط بكلمه ولا بفعل

 

[اذوب بكلامه]

يا قلبي الي ما فيه خير لأهله ما فيه خير لزوجته
ومن غير زعل الزوجه بدالها الف وحده بس الاهل مايتبدلون
انتي لك حق وهم بعد لهم حق والله يعين زوجك
وانا ترى نفسك زوجي عنده سته اخوان غيره بس مايقوم بأمه وخواته غيره
بس الشهاده لله ماعمره قصر علي او على بنته

 

[انثى عاشقة]

اذا هو مقصر في حقك تناقشي معاه وكلميه مايصير هالشي يافلان
اما اذا مو مقصر بس متضايقة ان ماكو خصوصية بطلعاتكم
كلميه ان يخلي لكم يوم او يومين في الاسبوع تطلعون سوا

 

[لوكي وكلي دلع]

لا بصراحه اهم غلطانين المره طالعه مع ريلها تتمشى شكو رايحين معاهم
اكيد ما تاخذون راحتكم بعدين اذا اهله يبون منه وخواته واعيالهم ومرته ويبي حق عمره بعد وين يلحق المسكين
مفروض يستغلون اخوانهم العزابيه ولا هذا عشان متزوج حاسدينها
ما يمنع انه يخدم اهله بس المره تقول بشكل مبالغ فيه اكيد راح ينحرج ويلبي كل طلباتهم وطلبات اعيالهم
ويقصر على نفسه ومرته وينضغط بس حبيبتي اهم شي ريلج مبين حبوب مع الكل
لاتخسرينه على امور تافهه ولا تضغطين عليه بلعيها عشانه وحاولي تخصصين ايام لج
ولا تسمحين له يقصر عليج بشي وخل يقصر على عمره اذا اهو ملزوم بهله كيفه
اخذي حقوقج كامله وما عليج ولا تزعلينهم منج او تبينين مو عاجبج بعدين يحقدون عليج ويعاندونج وتبدا المشاكل تحملي الله يعين

 

[Pinky -cat]

حبوبه مو شي يديد هالشي انا زوجي اول فترة سوا فيني حركة طلعت من راسي قهرتني لي ابعد حد ، يروح اييب لخواته
من السوق وما ياب لي لا وشفت اللي يابه وانا هني ضغطي مليون انزين تبي تيب يب بس مو تيب لهم وانا لا ، وهم مرة
اخترت جم شغلة لي ولا يشوف بيدي شغله قالي حبي ذوقج حلو في لون ثاني لاختي فلا نه ؟؟ انا هني @@


انا اقول طوفي بس لا تخلين حقج غطي امورج وخلصي اغراضج اول باول لين يحس انه بيت اولى

 

[ريتااجي]

مثل حالتج. كنا في كل طلعة يرزوا وجيهم

لييين وقفت كل شي عند حده انا مااشوفك الا اسبوع ومن حقي تكون معاي

مايمنع انك تطلع خواتك بس اليهم يوم واحد تشوف مشاويرهم

وصار كل مرة يقولوا له نبي نروح مكان يقول اليهم فلانة اولى اني اخلص اغراضها

هيه وعيالها طبعا في البداية تضايقوا بس هوه رد عليهم انتوا تقدروا تخلصوا اغراضكم حتى لو

انا مو موجود بس زوجتي اخلص اغراضها في هالاسبوع فخلاص صاروا مايقولوا له كل شوي ودينا مشوار