زوجي انصدم

[رق رق]

قوة بنات اول مرة.......
المهم بالبدايه بشرت ريلي ابحمالي الي كان ابشهر رمضان طبعا اول شي ما صدق الا لما صورت له التحليل ودزيتله بالمسج لان كان بالدوام وستانس حددده , وبعد ما كملت شهرين ودشيت بالثالت رحت مع ريلي اسوي سونار ووصل رقمي ودشيت وحط الدكتور السوونار على بطني وانا ماادري ليش مخترعه وريلي مسناااانس ويقوله ها دكتور شنو ولد ولا بنت....................



وانا اطالع الشاشه واشوف شي غريب هذا مو حجم الجنين في هذا الشهر (لان انا مشتركه ابمنتدى بيبي سنتر الي يحطلج كل شهر وشكل الجنين) والدكتور ساااااااااااااااكت وانا ساااااااااااااااااااااكته حسيت في مصيبه وريلي مايدري شسالفه يضحك ولا الطامه الدكتور يقول مافي نبض ............

اهوة قال جذي ولا ريلي ويهه اعتفس وانا لبست وطلعت من الغرفه وناطره السونار وريلي خرلص من الدكتور وطلع ابسرعه (لحق علي) ويقوم يضمني حييل ويقولي ميخالف واهوة مسكين كسر خاطري حسيته يبي يبجي بس قامتها .
واسمحولي اذا في اي بدليات ماراجعت الموضوعي..... مع السلامه

طبعا الي صار على كلام الدكتور ان لازم يطيح ابروحه وبعدين اروح المستشفى عشان التنظيفات وبعد اربع ايام بعد ما نقزت ابناقز والدارسين حسين ابعوار ونزل دم وطرت المستشفى .............
ريلي ما قصر معاي علطول معاي بالتلفول قبل ما ادخل العمليات (بعد ست ساعات) الله يخسهم مستشفى الصباح نقعووني ..
وصراحه على سوالف البنات عن اريايلهم احمد ربي مليووووون مرة ان هذا زوجي سج وقف وقفه ما انساها...
وصراحه وانا اطلق قاعده ادق على وحده عزيزة علي بس اهي زعلانه مني للاسف ما ردت علي وادعو الله يحنن قلبها علي ...:eh_s(2)::eh_s(21):

 

[~*~الملكة~*~]

الله يعوضج حبيبتي ان شاءالله

ويرزقج بالذريه الصالحه انتي وكل محرووومه ياااااارب

 

[ورد]

الله يهديج ويعوضج يا رب
بس ترى مو زييييين بالمرة الي سويتيه من مناقز ودارسين لو فيه البيبي شي بينزل بروحه
ترى ناس واجد النبض ما يبين عندهم في الشهر الثالث
تخيلي اختي قالو بينزلو البيبي لانه ما فيه نبض بس هي ما رضت قالت تبيه ينزل طبيعي وفي نهاية الرابع حست بالحركة ولا راحت المستشفى الي هي بنت والحين عمرها ٧ شهور ووش حلاتها ما فيها الا العافية
وطبعا تبريرات المستشفى انه الدكتورة كانت غلطان بسبة الجهاز !!!
وهو مو شرط البيبي بعض الاحيان صغير وما يصيدو نبضه على طول
وعلى الحجم مو شرط
انا طول الخمس شهور الاولى قالو لي البيبي صغير وصغير وكانه فيه عيب ولدت بنتي ما فيها العافية بس طلع خلقتها صغيرة ونعومة ما هي ضخمة
يعني مرة ثانية لا تتسرعين ما ابي احسسج بالذنب بس ترى الدكاترة يا ما غلطو ويا ما الاجهزة خربانة

 

[ورد]

ايه وتذكرت بعد
انا اول مرة رحت اسوي سونار قالو لي البيبي ما فيه نبض
توقعي شنو بعدين ؟؟
طلعت الدكتورة المصرية غبية مو منتبهة ان الجهاز ميوت ولا شكلها تعرف اذا القلب ينبض او لا من الشكل لازم تسمع ولا ما بتعرف

 

["*آآآنؤؤؤقهـ*"]

رد : زوجي انصدم

الحمدلله على سلاامتج والله يرزقج عن قريب............
ويخليلج زوجج يارب

ويحنن رفيجتج لج ويصلحكم ياااااااااااااااااااااارب .............

 

[.MiNi.]

الحمد لله على السلامه

وربي يخليه لج .. ويهنيكم يارب

وتعوضين خير ان شاء الله

 

[BANOTA.Q8]

عسى ربي يرزقج بالذرية الصالحة المعافاه من غير زيادة ولا نقصان

 

[سندبادة]

الله يعوض خير يارب

 

[haya20]

الحمدلله عالسلامه الله يعوضج يارب

 

[الـوايـلـيـة]

الله يعوضج ان شاء الله

 

[زامليه وافتخر]

الله يعووضج حبيبة قلبى...

 

[ضايعة بدنيتي]

رد : زوجي انصدم

ربي يعوضك ياقلبي ولا تتضايقين توكم صغار ولاحقين تجيبون الي تبونه بإذن الله . ربي يرزقكم بالذرية الصالحة البارة فيكم ويسخر لك زوجك ويهدي صديقتك ويحنن قلبها عليك .

 

[Nokia N95]

الله يعوضج .....

بس نصيحة .... لا تاخذين راي دكتور واحد مرة ثانية ....
و دام حملتي مرة ... بتحملين مرة ثانية ... انتي ارتاحي الحين وخلي الرحم يرتاح ....

 

[قآهرني بس آحبه]

رد : زوجي انصدم

الحمدلله على سلامتج

والله يرزقج بالذريه الصالحيه ويرزق كل محرومه يارب

 

[رق رق]

الله يهديج ويعوضج يا رب
بس ترى مو زييييين بالمرة الي سويتيه من مناقز ودارسين لو فيه البيبي شي بينزل بروحه
ترى ناس واجد النبض ما يبين عندهم في الشهر الثالث
تخيلي اختي قالو بينزلو البيبي لانه ما فيه نبض بس هي ما رضت قالت تبيه ينزل طبيعي وفي نهاية الرابع حست بالحركة ولا راحت المستشفى الي هي بنت والحين عمرها ٧ شهور ووش حلاتها ما فيها الا العافية
وطبعا تبريرات المستشفى انه الدكتورة كانت غلطان بسبة الجهاز !!!
وهو مو شرط البيبي بعض الاحيان صغير وما يصيدو نبضه على طول
وعلى الحجم مو شرط
انا طول الخمس شهور الاولى قالو لي البيبي صغير وصغير وكانه فيه عيب ولدت بنتي ما فيها العافية بس طلع خلقتها صغيرة ونعومة ما هي ضخمة
يعني مرة ثانية لا تتسرعين ما ابي احسسج بالذنب بس ترى الدكاترة يا ما غلطو ويا ما الاجهزة خربانة

انا رحت ثلاث مستشفيات وكلهم قالولي النبض واقف ونموه بعد صارله اسبوعين واقف عن النمو وانا خفت لا يصير فيني تسمم او تجلط بالدم عشان جذي شربت دارسين.

 

[ورد]

اوكي اذا تاكدتي من اكثر من مستشفى كذا اوكي بس لان ما ذكرتي في البداية والصراحة عورني قلبي
بس عـ العموم شغلات الي تحرض الرحم على شي غصبا عنه مو زينة
كل شي طبيعي احسن
ولو خايفة يصير لك تسمم ترى الدكاترة ادرى لو ان فيه خطر ما يخلونج تطلعين قبل ما تسوين التنظيفات ما يقوولون لك طلعي وتعالي اذا نزل لحاله
والله يعوضج ان شاء الله وما تمر السنة الجاية هالوقت الا عندك توم بنت وولد

 

[*peace*]

الله يعوضج ان شاء الله

 

[G!RLooNa]

الله يعوضج انشالله

 

[روحي ابوي]

الله يعوضج خير ياقلبي .. وان شالله تترسين البيت يهاال

 

[futooosh]

الله يعوضج حبيبتي بالذريه الصالحه