زوجي اصغر مني

[ملامح جنونيه]

السلام عليكم

شخباركم يا بنات شمسوين

بنات في موضوع حلو و عجبني وحبيت نتناقش فيه

شرايكم بالبنت الي تتزوج رجال اصغر منها

و شلون تتوقعون حياتهم حلوه ولا فيها مشاكل

و هل تعرفون حريم متزوجين رجاجيل اصغر منهم

و هل تشوفون انه عادي ولا فشله الوحده تتزوج رجال اصغر منها مع ان بالدين مو حرام بس من ناحية كلام الناس وجذيه

و اتمنى اعرف رايكم بالموضوع ؟؟

 

[Queen nor]

رد : زوجي اصغر مني

شوفي اهوا لا فشله ولا هم يحزنون
وعادي جدا عادي اعرف ناس وايد متزوجين والريال اصغر من المره

اما بالنسبة لي فانا ضد اني اتزوج واحد اصغر مني
بس لاني مأبي بس مو علشان في شي يخرب الزواج

 

[دانة2]

رفيجتي ريلها اصغر منها بشهرين بس ومتضاايقه

 

[..فروحه..]

مادري

بس انا ما احب اكون اكبر من الي راح اتزوجه

 

[Miss McDonald]

,
وعليكم السسلآم وآلرحمه ,
..
عآدي مآفيهآ ششيء !
خآلي مرته آكبر منه بـ 2 ونص ,
ورفيجة امي اكبر من ريلها بـ 7 سسسنوآت < ماتترقع :dddds:
ومرتآحين ,
...
بالنسسبة لي افضل وآحد بعمري أو أكبر مني بـ سنتين كحد آقصى < تبي تفصآل لوووول !
.
Thanks ;Pp

 

[ايامنا الحلوة]

عادي يكثر بنات ماخذين اصغر منهم ومرتاحين وازوااجهم يموتون فيهم

مافيها شي مادام الفرق سنه اوسنتين

 

[الشهد كله]

الحياة عادية .......

وايد شباب صغار وعقولهم أكبر منهم وهم بسن العشرين ، بس في وايد رياييل بسن ال 40 وهم عقولهم

أصغر من الصغيرة ، وعلى جذيه ما نقدر نحكم بالعمر نحكم بالتربية والبيئة اللي عايش فيها الريال.....

أعرف وايد بنات متزوجات شباب أصغر منهم سناً وعايشين ، وأعرف بنات متزوجات شباب أكبر منهم

لاعبين فيهم لعب بالخرابيط وهمه كله ( آنا ريال سمعي كلامي ) حق التفلسف جاهزين :lkmnkl::lkmnkl:​

 

[توت و ككاو]

موضوع حلو =\

 

[FeShinGoOo]

رد : زوجي اصغر مني

ارفض اخذ واحد اصغر مني او اكبر مني بسنه ..
مافي سبب بس حلاته فرق العمر بين الريال والمره اقل شي 5 سنين

 

[Geisha]

انا ريلي اكبر مني بس رايي بالموضوع هذا اشوفه عاااادي انه المره اكبر بسنه سنتين ثلاث مو مشكلة اكثر لا ... ترى بالحياة الزوجية الاعمار تنقط ورا الظهر ولا احد ييتكلم فيها بس المشكلة انه المراة تكبر قبل الريال شكليا هههههههههههههه فلازم اللي تكون اكبر من ريلها تحافظ اول باول

 

[shwarveske]

انا حماي خطبتله خالتي ولم صار اليوم ألي يروح يشوفها قالتله خالتي ترا اكبر منك بثلاث ايام

قالها روحي انتي تزوجيها لو اكبر مني بثانيه مأخذها هذا راي احد الشباب

راي انها ماتفرق يوم يومين بس مو حلوه للمره اتوقع كله بذكرها انها اكبر منها

 

[ام حمادي309]

انه اشوف ناس وايد ما خذين رياييل اصغر منهم
وعايشبن عادي
بس انه كفكرة ما اقبله حق نفسي

يعني ما ادري ممكن فرق السن يسوي مشاكل بينكم
ويكون مو فاهمج وما راح يفمهج لانج اكبر منه
ترى هالامور تحصل

واالي عرفناه دووم انه المره تمشي على طوع زوجها
وعلى شووره واللي يبيه تسويه

بس اذا انتي كنتي اكبر منه ممكن حتى الامور اللي يبيج تسوينها
ما تقبلينها منه بحكم انج اكبر منه وافهم منه عرفتي ...
هذا رايي الشخصي

بس نه اششوف وايد ناس مسويينها وعايشين عاااااااااادي

 

[< قمر >]

رد : زوجي اصغر مني

كل شي يا بنات قسمه ونصيب

 

[mariam ali]

انا اكبر من ريلي بجم شهر بس عادي موحاسين بالفرق

 

[عادت ذكرياتي]

شي عادي ومو محل شماتة وما أتوقع له دخل بالمشاكل الزوجية
بس آنا ما أحب هالشي

 

[Meeesh]

انا عن نفسي ماحب انه يكون زوجي اصغر مني
مادري احس اني ماراح احترمه بحسه ياهل خخخخخ مادري شلون

بس في وايد اعرفهم متزوجين ريايل اكبر منهم وعايشين بسبات ونبات
الحياه حلوه بس نفهمها << شكو خخخخخ

 

[جذابه بنت ذيابه]

رد : زوجي اصغر مني


عادي لا هو حرام ولا عيب ..



بس يمكن نظرة الشباب تختلف عن نظرة الحريم

 

[DốǾốDї]

اذا اكثر من سنه لا

بس اذا شهور عاادي

رفيجتي ريلها اصغر منها بـ3 شهور وعاادي الوضع عايشين وما يبين اصغر منها

و ولد خالتي مرته اكبر منه بسنه ويهبلووووووووووون ما شالله واهي كتكووته يمه ما يبين انه اصغر منها

 

[أنفاسي دخون]

عادي مافيها شي الرسول عليه الصلاه والسلام زوجته السيده خديجه اكبر منه ويرجع التوافق بالعقل مو بالعمر بين الازواج

وبالنسبة لي ما افضل اني اتزوج واحد اصغر مني >> وجهة نظر

 

[حياتي فراغ]

رد : زوجي اصغر مني

أحس ان المره تكبر اكثر من الريال

يعني بعد حماله ولا اثنين .. بيصير ولدها مو زوجها

اللي تقول الرسول
الله يخليج رياييل هالوقت تشبهينهم بالرسول

اللي عندنا همهم الاول الفراش