بقولكم سالفتى000000 تزوجت بسن صغيره وماطولت عنده وتطلقت 000وكملت دراستى وتوظفت وصادفت انسان طيب وحبوب اللى هو (الحروس) زوجى وحبيته وكنت انا اكبر منه 4سنوات بس الى يشوفنى معه يقول اهو اللى اكبر منى لان انا نعومه ورشيقه وانيقها المهم تقدم لى واخوانى كلهم ارفضوه بس انا اصريت لانى احبه وتزوجنا وطبعا اهلى قاطعونى نسيت اقولكم ان زوجى كان مطلق وعنده بنتين ومن تزوجنا وطليقته شبه يومى تدق عليه والحجه البنات واهنيه انا تقوم جنونى واتهاوش مع زوجى كل ماتدق لازم انتهاوش انا طولت ماحملت يعنى قعدت 3سنوات ماحملت وبدا زوجى يتملل واكثرت سفراته وطلعاته وكثرت زياراته لبناته واكثرت اتصلات طليقته واصر علي العلاج واتعاالج واحمل واجيب تؤام ولدين ويرجع لى زوجى مثل اول واحسن صج اهو عصبى وعنيد ومايتفاهم بس انا عرفت طبعه وتحملته واهو اعترفلى بلسانه قال انتى الوحيده اللى عرفتى طبعى وتحملتينى :eh_s(2):المهم يكبرون عيالى الحين عمرهم 4سنوات ودى احمل بس حملي صعب ولازم بعلاج ومتابعه ومثبتات انا ع الحين 38 واخاف صعب الحمال بهالسن واخاف زوجى يحن لطليقته ويرجعها وهذا الموضوع امسبب لى قلق والله صرت ماانام الليل وكله اوسوس وكله ادق عليه اتشيك وينه؟ صاارت مشكله قبل العيد بخمس ايام كان الوضع متوتر بينا بسبة اتصالات طليقته تخيلو تدق عليه ويرد اشكره جدامى:lkmnkl:امره رجع متاخر بالليل واول مادش عندى دق تلفونه جان اخطفه منه واللى رقم المحروسه طليقته قلت عطنى انا ارد عليها شكو داقه هالحزه قالى مو شغلج اناا سامح لها تدق اى وقت! اااهنيه انجرت وغصب عنى وصارخت وبجيت وقلت ليش! قال هذى ام بناتى واناحر وتهاوشنا ومد ايده علي وكفخنى والله بغيت اموت بين ايده!وقام واتصل على طليقته جدامى وقال لها انا برجعج علي ذمتى بكره لو اقول قهرنى شويه لو اقول ذبحنى هم شويه!اهو دمرنى وداس علي كرامتى انا ادرى انه عصبي ومايحب احد يعانده بس متوقعته بسوى جذى !بعد اللى صار اهو ترك البيت ومادرى عنه وطبعا انا مااروح بيت امه الا بالمناسبات وعلاقتى باهله رسميه جدا واهم من قبيله وانامن قبيله ثانيه!وجاء الغيد وخلص واول مابدت الدوامات رحت رفعت عليه قضية خلع ولما وصله البلاغ وبد غيبه اكثر من 22 يوم مادريت الا وهو جاينى البيت يترضانى قلت له مابى منك شى وبتنازل لك عن كل حقوقى الاعياالى قالي مستحيل اطلق انا احبج واللى تبينه اناحاضر قلت تدق علي طليقتك وتعتذلى جدامها وتقولها لاتدق عليك نهائيا والله نفذلى طلبي لاواتهاوش مع طليقته جدامى الحين انا خاايفه يكرر هاالسالفه مره ثانيه واخاف طليقته ادقدق عليه خو اهى ماكو حيا ولاكرامه وقلت له غير رقمك ومارضي بحجة ان كل ربعه يعرفون رقمه تكفون بنات افيدونى ابى ردودكم وسورى ع الاطاله
