زوجوه جود يعقل !

[آلـغـنـدَ ،]

السلآم عليكم

شخبآركم

مآ أدري شفيني هاليومين ع موآضيع الزوآج
بس في جمله سمعتهآ طآزآ .. فرششش
و قلت لآزم أرزهـآ هني

منو مآ سمعت جمله .. زوجوه جود يعقل :|
الي الترجمه لهـآ : زوجوه و أبلو آلمسعده فيه


الشآب الي يكون مستهتر و بآيع الدنيـآ بفلس و رآعي خرآبيط و مآ خلآ شيشه مآ شيش فيهآ مآ خلآ بنت مآ رقمهـآ .. حتى سريلآنكيه يرآنهم مآ سلمت منهآ ووآعدهـآ ~> تودي له نقصه من غدآ يرآنهم
ويآيب حق أميمته و عليه عليهـآ أنفصآم بالشخصيه و سكته قلبيه و جلطه دمآغيييه :/
وأبوه تلآقينه مآ خلآ شي مآ سوآه معآه ب طبيعه آلعآطفه الأبويه و يفتر من حل لي حل وآلولد مآ منه رجـآ
والحل أكيد / زوجوه يمكن يعقل و يترك خرآبيطه :/

زين شوفو ولدكم بالأول كفو زوآج ومسؤوليه ؟
أصلا الزوآج بآلعكس بيكبر من المشكله أكثر لأن 50% مآ يعقل

قآل سبحآنه [ إنك لاتهدي من احببت ولكن الله يهدي من يشاء ]
ليش ندور هدآيتهم ب آلزوآج و نوهق المسكينه الي تنطر الفآرس أيهآ ع حصآنه الأبيض مآ تدري أن بيهـآ عله من علل الدنيا


آلحين مربط آلفرسس و نقطه نقآشنـآ :

هل آلزوآج بيكون حل الأنسب لمشكلتنا العويصه ؟
والي أخوهـآ لآ سمح الله جذي بترضى تتزوجه و هي تدري انه مو كفو مسؤوليه ؟
ترضين تتزوجين وآحد جذي وتقولين بسنعه ورآ آلزوآج ~> أي خيرآت ي حلوه




يلـآ آلمآيك الحين لكم :eh_s(22):

 

[سفييره الكويت]

وهذا السبب في خراب كثير من البيوت يزوجون شخص مو مؤهل على تحمل المسؤوليه

 

[..rum rum..]

قوه بنات ..
أنا رافضه هالفكره تماما .. و مثل ماقلتي انه بزواجه بيزيدون المشكله اكبر
وبيوهقون بنت الناس فيه و هالشي غلط لأنه مو كل شي يتصلح بالزواج

 

[آلـغـنـدَ ،]

^ ^ ^

مشكورين حبآيبي ع آلمرور


و آلله يهدي شبآبنـآ آلدلوخ :| :| :|

 

[فطوم 84]

طبعا لا وماتشوفين الطلاق زايد يجي واحد متعود علي خرابيط وشقق وسكير ويروحون يخطبون له ويسوونه مصلي ويمدحونه يسوونه اسكت ياجماعه خافوا الله بهالموصوع اللي ولده مو كفو زواج وخربوطي لاتزوجونه انصحوه دخلوه معاهد دينيه دار القران والله الحل المناسب انه تخلونه يلتزم وبعدين زوجوه شكو تخطبون له واهو خربوطي ويقعد ويا البنت اللي يتزوجها اول فتره محترم وبعدها يحن ويرجع لرفيجاته لا لا لا لزواج الشباب الصيع لين يعقلون هالموضوع بذمه كل مراه بتخطب لولدها الخربوطي الله بيحاسبج انج وهقتي بنت ناس بولدج الضايع وسوالج انه هل اخطب لاخوي والله لو اخوي صايع والله ماادش اي بيت اقوله اسمحلي ما اخطب لك لانه انا بنت وراي جنه ونار واخاف الله نفس ماانا احب نفسي احب احب الخير لغيري وتبين الصج انا العكس اخوي والله ملتزم وبار بامي وابوي ووايد دورنا وللحين مالقيت البنت الملتزمه اللي تستاهله الله كريم ومشكوره حبيبتي عالموضوع

 

[دلوعة أبوهآ]

وهذآ أكبر سبب في رفع نسبة آلطلآق ..
لأن يبلشوآ آلبنت بوآحد مرآهق ومآيعرف للمسؤوليه آبد ..



آلله المستعآن

 

[آلـغـنـدَ ،]

طبعا لا وماتشوفين الطلاق زايد يجي واحد متعود علي خرابيط وشقق وسكير ويروحون يخطبون له ويسوونه مصلي ويمدحونه يسوونه اسكت ياجماعه خافوا الله بهالموصوع اللي ولده مو كفو زواج وخربوطي لاتزوجونه انصحوه دخلوه معاهد دينيه دار القران والله الحل المناسب انه تخلونه يلتزم وبعدين زوجوه شكو تخطبون له واهو خربوطي ويقعد ويا البنت اللي يتزوجها اول فتره محترم وبعدها يحن ويرجع لرفيجاته لا لا لا لزواج الشباب الصيع لين يعقلون هالموضوع بذمه كل مراه بتخطب لولدها الخربوطي الله بيحاسبج انج وهقتي بنت ناس بولدج الضايع وسوالج انه هل اخطب لاخوي والله لو اخوي صايع والله ماادش اي بيت اقوله اسمحلي ما اخطب لك لانه انا بنت وراي جنه ونار واخاف الله نفس ماانا احب نفسي احب احب الخير لغيري وتبين الصج انا العكس اخوي والله ملتزم وبار بامي وابوي ووايد دورنا وللحين مالقيت البنت الملتزمه اللي تستاهله الله كريم ومشكوره حبيبتي عالموضوع

عيــن آلعقل .. وكلأآمج صرآحه آلمفروض نطبعه و نوزعه ع كل ام ولدهـآ ع أعتاب الزوجيه :eh_s(4):


مشكوره حبيبتي ع المرور

 

[* ليــــدي *]

اي مو ع اساس البنت كتاب فقه سنه

 

[لحظآتَ]

حبيبتي

الحين أغلبية الشباب ما يتحملون مسؤولية , فهل يُعقل يتمون كلهم بدون زواج ؟

سواء بنات او شباب , مااعاد يتحملون والدليل الخدم والحشم اللي بكل بيت حديث النشأه ؟

يعني مره ساكنه ببيت حمولتها ماعندها الا رضيع وجايبه خدامه !

وأكلهم كله من مطاعم !

وينامون بالنهار ويقومون بالليل ؟! كأنهم مُراهقين؟؟

وحياتهم سهر ولعب وطلعات ومطاعم ,, بتقنعيني ان الاثنين قد المسؤوليه ؟؟؟؟؟؟؟؟؟؟

لا والله , هذي سمة مشتركه تجمع شباب الجيل الحالي الا من هَدى الله !!


,

فـ خنكون واقعيين شوي وعادلين , مو كل شيء نقطه عالشباب حتى البنات فيهم عيوب الدنيا !!
وربادة وكسل ورفالة الدنيا !!

هذي نقطة ,


أما الإجابة عن التساؤلات ,

ما أتوقع بيكون حل بالعكس النوعية اللي تتكلمين عنها مشكلتها متفاقمه ,
أتوقع الزواج بيزيد فداحة الوضع وبيعتقد ان المرأة قيد , وان الاهل مقيدينه بهالزوجه ويجننها وتزيد مشكلته اصلاً !!
هذهِ ع الأقل من وجهة نظري !


,

بالنسبة للسؤال الثاني ,

أكيد برضـآ ازوجه شسوي بعد ؟
اذا اخوي طبعه جذي , بخليه طول العمر بدون زواج , بحجة انه مايتحمل مسؤولية ؟
مثل ما تفضلتي [ إنك لا تهدي من أحببت ] .. لذلك ما فيه مفر !

,


السؤال الثالث ,

70 % صفات الزوج الحقيقه ما تظهر قبل الزواج بحكم ان زواجنا غالباً تقليدي بحت !
فلو اكتشفت انه شخصيه تافهه وسطحيه بعد الزواج , شسوي بعد بحاول والشكوى لله
وان ما نفع , مفيش غير الصبر ولنا الجنه ان شاء الله

 

[Eva-SS]

هالمقولة قد تنطبق على البعض

يعني انا شفت ناس من محيطنا صايعين ضايعين بس تزوجوا قلبوا 180 درجة يعني صياعتهم قبل فراغ بس تزوج عقل

يمكن هالشي ماينطبق على الكل لكن انا شفت حالات تزوجوا وعقلوا

 

[عادت ذكرياتي]

ومثل ما قالوا البنات لذلك نسب الطلاق مرتفعة ...

 

[cba girl : )]

وهذا سبب بزياده الطلاق بالكويت عاد تعالي شوفي الحالات النفسيه الي تصير بالبنات وعليا يعني انتو يا الاهل تدرون ولدكم جيي راعي خرابيط وسفر وسهرات برا البيت وتزوجونه وتبلون بنت الناس فيه ليييش!! ايي حرام

انا ماايد هالشي نطري لمن اهو يقولج يما بتزوج هني صج عقل وفكر بالاستقرار وطلب الشي بنفسه مو مجبور علييه

 

[قمر بيت أبوها]

ياكثر اللي يقولونها حتي البنت زوجوها كود تعقل بعد هههههههههه
أخواني الحمد الله ما مااحد فيهم كذا
بس المفروض اللي خربان ولدهم يربطون بحلقة قرآن عشان شياطينه تطلع وعقب يزوجونه

 

[manoooram]

هالمقولة فاشلة وماعمري اقتنعت فيها
شنو ذنب بنت الناس على اساس ان زوجوها واحد ضايع من الاساس
خذاها وتالي طلقها
ليش البنت مو بشر تبي تعيش براحه وبهنا
اعتب على الأمهات اللي تفكيرهم جذي سطحي همهم ولدهم بس ومافكروا ببنات الناس
قوموا سلوكه ولمن يصير قد المسؤولية زوجوه
!!

 

[بيلسسان]

آلحين مربط آلفرسس و نقطه نقآشنـآ :

هل آلزوآج بيكون حل الأنسب لمشكلتنا العويصه ؟
في شباب يستاهلون ان اهلهم يزوجونهم وشباب لا

والي أخوهـآ لآ سمح الله جذي بترضى تتزوجه و هي تدري انه مو كفو مسؤوليه ؟
انا اخوي الحمدلله الله يخليه ويحفظه ,, الحمدلله لا يدخن ولا يشيش ولا يسكر.. بس من شباب الوقت هذا ,, يعني مو توب اخوي بس فيه مميزات احسن من غيره

يقول بتزوج .. وامي تقوله انا مازوجج الا لما تعقل
واهو عاقل
بس شوي مستهتر واستهتار شباب عادي اعتبره

ترضين تتزوجين وآحد جذي وتقولين بسنعه ورآ آلزوآج ~> أي خيرآت ي حلوه
لا انا ماسنعت نفسي علشان اسنعه كاااااااااااااااااك

:d:d:d

 

[الزورق222]

آلحين مربط آلفرسس و نقطه نقآشنـآ :

هل آلزوآج بيكون حل الأنسب لمشكلتنا العويصه ؟
لا
والي أخوهـآ لآ سمح الله جذي بترضى تتزوجه و هي تدري انه مو كفو مسؤوليه ؟
بالنسبة لى اكيد ماارضى على بنات الناس لكن هناك قرار من جهة اخرى لن تستشيرنى فى امور الزواج بالذات زواج الاخوان ليش شنو فيه !!
ترضين تتزوجين وآحد جذي وتقولين بسنعه ورآ آلزوآج ~> أي خيرآت ي حلوه
مااقدرت عليه امه راح اقدر عليه انا ههههههههههه راية استسلام الزوج لايسمع كلام اى زوجه مهما كانت الا اذا ربي هداه

ليش متعبه نفسج بالموضوع الاشكال هذى مشكلتهم ترجع لسبب هو سن العقل ماطلع عندهم هههههههههههههههههههه

 

[آلـغـنـدَ ،]

^ ^

كآك وآلله ضحكت من قلب ع سن العقل

منوريني بنآت و صح مثل مآ قآلو البنات في بنآت بعد مو قد المسؤوليه و ريلها يكون ريآل و نعم فيه بس أهي قآطه شغلها كله ع الخدآمه .. يآ جآنتي شيلي و يآ ميري حطي
بس نسبتهم أقل من نسبه الشباب .. بحكم ان البنيه شايفه امها اختها خالتها عمتها و في أحد يحاسبها ع زلتها عكس الريال