للأمانه هذي قصه سامعتها إبرنامج ديني يقولون في ريال تزوج وحده مشيها بطال والعياذ بالله وكان زوجها وايد طيب المهم إهي ما كانت تبي تييب عيال وتبي تلعب بعرض هذا المسكين قام يحن عليها يبيها تحمل مو راضيه لين يوم ياته أمها وقالت له تبي زوجتك تحمل روح إشتر خروف لون وجهه أسود وعلى صدره بقعه بيضه وعقب ما تذبحه حذ الصيخ بعيونه وبطها وقص لسانه وحطه بحلجه ووزع باجي اللحم المهم الريال المسكين سوا إلي قلت له عنه عقب الريال صار خروف أقولكم شلون صار خروف واحد من ربعه يقوله شفت مرتك طالعه مع واحد ماصدقه المهم رفيجه حس إنه مو صاحي ووداه عند شيخ في الخفجي قام عالجه ويقرا عليه لين إنفك سحرها الأسود قام الريال المسكين يسولف مع الشيخ وقاله سالفة الخروف وشلون تغيرت أحواله عقب هذي السالفه تدرون شنو رد عليه الشيخ قاله الخروف لون وجهه أسود وإنت لونك أسود وفيه بقعه بيضه على صدره وإنت قلبك أبيض وخلتك تبط عيونه عشان ما تشوف أفعالها الوصخه وخلتك تقص لسانه عشان تقص لسانك المهم قاله الشيخ حمد الله على السلامه بس توصل البيت طلقها أول ما وصل طلقها والحمد لله فكه منها ومن شرها وسلامتكم الله يكفينا شر السحر والسحره
