زوجــي سايق البيـت؟؟؟؟؟؟؟؟؟؟؟؟؟؟

[امـ جوجو]

السلام عليكم , شلونكم بنات


ببدي بالموضوع على طول


بنات اول شي زوجي مو وحيد اهله في غيره 5 اهو الوسطاني بس ماشاء الله عليه حيييييل بااار في


اهله والمثل يقول اللي مافيه خير لاهله مافيه خير للناس

بنات انا بحياتي ماقلتله لاتوديهم ولاتجيبهم والله العظيم يشهد على ربي انه مرااات يقوول هذي مو حاله سرت سايق البيت الدائم بتقولون شنو المشكله

المشكله اي صغيره او كبيره تعال بوجراح ودنا بوجراح نبي اغراض من الجمعيه لاتروح اي مكان نبي هالشغله يعني السالفه مو باليوم مره لاااا الشغله يمكن باليوم 4 او 5 مرات وانا اذا بقيت اطلع انعفست الطلعه :ceaf32e183: وتطلعلهم الف شغله واظطر اني ااجل شغلي عشان لايقولون والله اهي ماتبي ولدنا يودينا وغيرت طبعه علينا وانا امي ماربتني ع الشغله هذي عودتني اجمع ماافرق :eh_s(22):

الحمدالله انا ابر فيهم عشان بكره اعيالي يبرون فيني وكما تدين تدان

بس الشي لازاد عند حده انقلب ضده

انا نوعيتي صبوره بس اهو يقول مو حاله قلتله انا مالي شغل كيفك معاهم هذيل اهلك

يعني اخوانه الثانين محد يكلمهم ولا يطرشهم واذا طلعوا بحفظ الله ليش لانهم طبعهم كله ان شاء الله ولايودون ولاشي واذا قالوا ودنا قالوا عندنا شغل واهم مكبرين المخده ومايودون الا بالسنه حسنه على قولتهم
وزوجي لو دوامه بعد نص ساعه قالوا ودنا قالهم حاااضر ومشكلته مايقولهم وين اخواني ولاشي واذا جاء عندي قال انا بجيب سايق لهم قلتله الكلام هذا لاتقوله عندي انا مالي شغل هذيل اهلك تحملهم شتسوي بعد قال ليش بس انا الوحيد وقعد يتحلطم عندي مادري شرد عليه بنااات انا مااحب انه طبعه يتغير بيبقولون والله مرته غيرته علينا واهم معاملتهم معاي ولله الحمد زينه وانا مابي اخسرهم بالخير هذول اهل ولدي

الحين بنات المطلوب ابي رايكم بالموضوع

ومن كان منكم يؤمن بالله واليوم الاخر فليقل خيرا او يصمت

ليش الحموله اذا عطيناهم وجه تمادوا اكثرر بدل لايرحمونا يزيدون علينا :23_asmilies-com:

 

[لمسه حزن]

رد : زوجــي سايق البيـت؟؟؟؟؟؟؟؟؟؟؟؟؟؟

مااشاء الله عليج

مبين عليج راقيه في تعاملج

وفعلا صبوره

الحل قاله زوجج انه يجيب لهم

سابق و يرتاح

من المشكله هذي

بس

وربي يوفقج

 

[[[ عيون جابر ]]]

والله انج خوش مره وهذا الصح اهو واهله ينيازون مع بعض
والافضل من رايي ان يكون في سايق بالبيت لأن موعدله يشغلون زوجج بطلباتهم بعد الانسان له طاقه

 

[مر الايام]

الله يوفقج ياقلبي

كلامج يدل على عقليتج الراقية وتعاملج.

تحملوا شوي ان شاء الله بتفرج .
والله يكون بعونكم .

لأن الأهل دايم الدوم يعتمدون على الولد اللي مايرفضلهم طلب ويقول ان شاء الله.

وبعدين زوجج ليش مايقولهم عندي شغل بودي اهلي اوتعبان لأن حرام المسكين مبين يتعب الله يكون بالعون وانتي حياتي خليج بعيد على قولتج احسن ولايسمعون منج كلام مني ولا منيه لأن الأهل حساسين من هالسوالف والله يوفقج.

 

[@فطفوووطه@]

رد : زوجــي سايق البيـت؟؟؟؟؟؟؟؟؟؟؟؟؟؟

ام جوجو ماشاء الله عليييج عقلج يوزن بلد لا اله الا الله صدقيني من كلامج عن مشكلة ريلج عندي احساس انج تقدرين تحلين مشكلة ريلج بروحج



بس هم راي من راي الخوات قولي لزوجج ييب لهم سايق ويفك عمره لانه على قولتج الشي لازاد عند حده انقلب ضده


والله يزيدج مثل ماانتي عليه

 

[امـ جوجو]

والله انتم الراقين من ردودكم حبيباتي

تسلمون عالردود الحلوه

 

[Adorable]

رد : زوجــي سايق البيـت؟؟؟؟؟؟؟؟؟؟؟؟؟؟

تقريبا نفس الحاله.. بس وحده من خواته قالت حق امه ما يصير جذي و خلتهم اييبون سايق اشوه انها طلعت من اخته و مو منه.. الله يعينج حبيبتي و انا نفسج مالي شغل مع ان الموضوع كان يضايقني و يدقون الف مره باليوم بس شنسوي نتحمل و الحمدلله انحلت المشكله

 

[جذابه بنت ذيابه]

رد : زوجــي سايق البيـت؟؟؟؟؟؟؟؟؟؟؟؟؟؟


ماشاء الله عليج


ونعم التربيه والله _03BA:

الصراحه هذي المره السنعه ,,


حبيبتي هو عطاج حل خل يجيب لهم سايق ,,


وترتاحين ويرتاح هو ومن ناحية ماتطلعين معاه حددي يوميا بالاسبوع لج لين ربي يفررجها



والصبر مفتاح الفرج وانا اختج

:tek:

 

[بولندية]

والله انا كنت داشة بقولج الي مافيه خير لاهله مافي خير للناس و كنت بقولج شي حلو بريلج علشان عيالج يبرونج

بس ماشاءالله عليج كفو و النعم التربية =)

الله يتمم عليج و بصراحة ماعندي رد لان عقلج اكبر بوااااااااااااايد من عقلي الله يتمم عليج

 

[الأميرة جوري]

رد : زوجــي سايق البيـت؟؟؟؟؟؟؟؟؟؟؟؟؟؟

ماشاء الله عليج وعليه ..وصدقيني تعبه ماراح يروح عياله بتشوفين باجر عيالج اشلون بارين فيج وفيهم ,,,بس احلي حل السايق حتى لو يدفع معاشه عالاقل يرتاح وانتى بعد...

 

[Dr.Nouf]

والله انج خوش مره وهذا الصح اهو واهله ينيازون مع بعض
والافضل من رايي ان يكون في سايق بالبيت لأن موعدله يشغلون زوجج بطلباتهم بعد الانسان له طاقه

صاجة!





خليقولهم يحطون سايق عشان اهوا مو دايم لهم وعنده التزاامات ثانية ودوام ويمكن عيال وجذي

 

[اشتياق]

زين تسوين
اهو واهله ينيازون
ومرده بيتعب وبيملون!

 

[امـ جوجو]

خواتي ماقصرتوا والله خففتم شوي عليه انا من طبعي مااحب اشكي لاحد

بس قلت مالي غيركم خواتي يشوفون لي حل وزوجي يرتاح وانا رتاح بعد

بس شكلي بقوله يجيب سايق ويريح نفسه شوي عالاقل


شاكرتلكم مروركم يالغاليات

 

[noo7a]

اذا لقيتي حل قوليلي

انا مرات خالتي ولا عمي يكونون طالعييييييييييييييين تخيلي اهم طالعين
يدقون على ريلي اييب لهم شي من الجمعيه ولا الصيدليه ولا ولا ولا
انزين انتو الله يهداكم بطريجكم ييبوه معاكم
و حتى خواته نفس الحاله لان تعودوا يطلبون منه و ما يطلبون من امهم او ابوهم

 

[امـ جوجو]

noo7a يعني مو بس انا بروحي

يالله ماعليه على قولة امي دايم تردد هالكلام تقول " ان سكت انجرحت وان تكلمت انفضحت "


والله انا ماخذه الصبر من امي شنسوي بعد انا مابي اقوله لاتوديهم وتجيبهم بكره الدنيا تدور علي ومابي اسكت واشوف زوجي متضايق قلت كيفه يطلع منه اهوو ولايطلع مني هذي حال الدنيا وانا اختج

 

[FeShinGoOo]

رد : زوجــي سايق البيـت؟؟؟؟؟؟؟؟؟؟؟؟؟؟

نفس الحاله بس شتقولين ماتقدرين تقولينله لاتودي اهلك انتي بتطلعين الشينه بعينه وبعيونهم
انا بعد ساعات اعصب واطفر بس اقول ميخالف اهله وزين انه لاهي فيهم ولا يلهى باشياء ثانيه

 

[Sweetq8]

حبيبتي شوفو سائق وهذيل هم اكثر من الهم ع القلب

والله يسخرلج زوجج ويكملج بعقلج

 

[فيونه المزيونه]

حبيبتي انتي بقيت انصحج بشغله لا تفكرين بالناس شنو بيقولون غيرت ولدنا ماراح يقولون حتى لو قالو اكيد ولدهم بيتغير لانه عنده بيت ومره وعيال ومسؤليه انتي فكري براحتج وراحت زوجج زقولي لريلج ييب سايق للبيت ترى بر الوالدين مو بالطلعات والروحات لا هذا استقلال