زوجج طلب منج قرض ,شتسوين

[براونيز]

مساء الخير
حبيباتي فرضنا زوجج طلب منج تاخذين قرض وانتي ماتبين ,
او مو واثقه فيه , او انه مايستاهل , او لاي سبب كان .
شتقولين له بدون مايحس انج ماتبين وتخلينه يشيل الفكره من راسه ؟​

 

[هنـــــد]

رد : زوجج طلب منج قرض ,شتسوين




قولي ان أبوج محلّفج ماتاخذين قروض على معاشج
وتخافين يزعل منج ، وبجذي تسحبين عمرج من هالســــالفه


قال قرض قااال ؟
رجاجيل آخر زمن

 

[الأميرة جوري]

رد : زوجج طلب منج قرض ,شتسوين

اقول انى حرام وربا ..... ومعروف عقوبه الربا بالدنيا والاخره ...يعني عذرج يكون من الناحيه الدينيه ...

 

[LA TROO7]

قولي ماحب احط التزامات على راتبي احبه حرر

 

[براونيز]

حلوه بيجيب لج الف فتوى تبيح التراجع عن الحلف والخ

 

[براونيز]

حلوه بيجيب لج الف فتوى تبيح التراجع عن الحلف والخ
وين حبيبتي اصلا هذول ريايل اخر زمن اصلا ماتشوفينهم مايدورون الا الموظفه

 

[& ام سلمى &]

يؤ الله يعين حمدالله اني ماقدر اخذ قرض

 

[~LiBrA~]

رد : زوجج طلب منج قرض ,شتسوين

حبيبتي انا واثقه بريلي مليون بالميه واهو عارف هالشي

بس يدري اني مستحيل اسوي هالشي الا اذا شي يخصني انا معاه يعني اذا حق بيت

بس اذا شي حقه ابروحه او لعب قايلتله هالشي مافيه زعل انت من جقك تصر علي لو معاشي مليون محد يتدخل فيه واذا بعطيك شي يكون مني طيب خاطر مني مايكون اجبار


واذا بيزعل كيفه يزعل اسبوع او شهر مصيره بيرضى لما يعرف ان هالفلوس بخشهم حق صالحنا

 

[ﺂلعيوטּ ﺂلناعسـﮧ]

استخيري يا قلبي

قبل لا تعطينه

ؤالله يريح بالج يا غناتي

 

[Academiya]

رد : زوجج طلب منج قرض ,شتسوين

اختي دام أول مرة يطلب منج خلج واضحه وياه وقوليله ماأحب اخذ قروض حتى لنفسي وخلي نبرتج بالكلام جادة واذا قال جذي والا جذاك قوليله بكل حزم آسفه
لأنج اذا قعدتي اطلعين اعذار ثانية ماراح يسكت وبيرجع مرة وثانية وثالثة وعاشرة
الكويت متروسه بقصص بنات مسكينات حطوا على ظهورهم قرووووووض عشان السي سيد واخرته قط عليها ورقتها وتزوج بقرضها

 

[جـــواهر]

قولي ماقدر وبس هذا معاشج هذا شي يخصج وماله كلمه ع معاشج حبيبتي ..

قولي ماقدر وبس

 

[*ريما*]

رد : زوجج طلب منج قرض ,شتسوين

اذا مايستاهل لاتعطينة

 

[sweet fashion]

بالنسبه لي زوجي واثقه فيه ويستاهل ومتأكده ميه بالميه مايطلب منى 10 دنانير هالنوب قرض لا مايطلب مني ولو طلب وعندي مقدره وممبلغه معقول من عيوني البي له لان اذا الرجال مايقصر معاي اشلون اقصر معاه
اهني يبين معدن المراه وقت الشدايد

 

[هناديq8]

رد : زوجج طلب منج قرض ,شتسوين

ما اسحب ههههه

 

[براونيز]

بنات السالفه هذي ماصارت لي شخصيا الحمد لله
بس نتناقش بهالموضوع
بعدين اعرف لي وحده ياحرام خذا القرض منها ولعب فيه وهي ميته بحسرتها
المشكله انها تدري فيه بس قالت لي هو من كثر ماكان يحن ويزن ويتزعل ارتخيت انا ووافقت بس ابيه يفك شوي
ياربي شهالناس
انا قلت لها من قبل لاتاخذ القرض لا تاخذين قرض بس هي قالت مافي عذر يقنعه
اصلا هو من اخذها وهو طمعان فيها ولما كان يحاجيها ايام الملجه سالها اذا ماخذه قرض
بالله شرايكم

 

[براونيز]

رد: رد : زوجج طلب منج قرض ,شتسوين

اقول انى حرام وربا ..... ومعروف عقوبه الربا بالدنيا والاخره ...يعني عذرج يكون من الناحيه الدينيه ...

احس ان هذا اكثر عذر مقنع :friends:

 

[يازمان العجايب]

رد : زوجج طلب منج قرض ,شتسوين

اذا يستاهل اعطيه ماي عيني بس موحق سفرات وخرابيط
انا خذيتله قرض بس حق مشروع واول ماصارت امادية زينه راح دخلهم بحسابي
اهو مايقصر معاي ومحدعنده لااخوان ولاخوات سنعين ماعنده غيري
فداه روحي اذا يبيها

 

[ام خالدوعبود]

اذا يستاهل وثقه عادي بس الافضل من بيت التمويل لان المرابحه حلال


امااااااااااااا اذا مايستاهل قولي لاااااااااااااااااااااااء مابي اخذ قرض على معاشي عندي التزامات

 

[<<لمار>>]

اذا لبيت لى ولعيالى ليش لا بس اذا لة لا طبعا وبقولة مانى حاطة التزام ودين على ظهرى على شئ مانى مستفيدة منة ولايسوى اضيع سنين ادفع علشانة

 

[حلمي الأمومة]

والله اذا زوجي تحت ظروف معينه ومحتاج ماني مقصرة معاه لا بقرض او غيرة

شفايدة حياتي معاه اذا ما وقفت معاه وقت الشدة

بالعكس راح تكبرين بعينه وبيستحي وبيردهم لج

لا تسيرون جذي نظرتكم سوداوية