زوجة المدخن

[خليجية]

السلام عليكم ورحمة الله وبركاته . . .
كيف حالكم يا بنات .
كيف تتعامل زوجة المدخن معاه؟ وخصوصاً اذا كانت لا تحب الدخان؟
بالذات الزوج اللى صعب انه يقلع عن التدخين ؟

 

[عروس الحب]

ماتسوي شي
غير الدعاء
الله يعطيه بغضه ويكرهه في التدخين اللهم اميييييين

 

[خليجية]

شكرا اختي عروس الحب
اي والله اللهم امين
والحمد لله نزل الموضوع ممكن التفاعل
شلون تتعامل معاها في الحياة اليومية
اقصد في طريقة خاصة

 

[iLLuMinaTion]

خوش موضوع

 

[am_kshaa]

المدخن له طقوس خاصه بوقت التدخين
فى رياييل يحبوها اول مايقعد من النوم او بعد الاكل يمزج فيها
وطريقه التعامل لاتحاولين تقولين له لاتشربها خاصه بالوقت الى يحب يشربها فيه

 

[t.o.o.ot]

اب اب اب



الله يصددهم عن هالدخان يارب ........

 

[خليجية]

up up
نحتاج تفاعل أكثر
ان شاء الله الكل يتفاعل

 

[Patcholli]

زوجي مدخن بس من اول زواجنا اتفقنا ان التدخين مو داخل الشقه اهو من نفسه سألني وقتله ماحب ريحته وقدر هالشي

 

[خليجية]

زوجي مدخن بس من اول زواجنا اتفقنا ان التدخين مو داخل الشقه اهو من نفسه سألني وقتله ماحب ريحته وقدر هالشي

ماشاء الله عليه .
موفقة

 

[شادن33]

صح خليه يدخن برا البيت في البدايه و قوليله صدري يعورني من الدخان حسااااس
خليه يفهم انج تتاذين صج من الدخان

 

[Gifts&Occaions]

الله يعينج

 

[Abraaj]

انا اخذت شقه فيها بلكونه

ولما بدخن يطلع بره يدخن + بعد التدخين يتعطر

 

[Mrs Al-Nasser]

انا ريلي اول ما يقعد من النوم وقبل لا ينام وبعد ما ياكل اي شي انشالله حلاوه او لقمه وحده لازم يدخن بعدها
وانا فيني ربو ومو زين لي دخان الزقاير
بس احنا بعمارتنا ممنوع التدخين
كل ما يبي يدخن يطلع بره او يدخن بالحمام ويرش عطر
فـ افتكيت منها ماقمت اشم ريحتها

 

[كويتية بروما]

الله الهادي والله انا عيزت من اللي عندي جنه قطار 24 ساعه ماتطيح من حلجه حشى مميه مو زقاره
يالله يارب تكرهه بالتدخين عاجلا غير اجلا يارب

 

[حآلية الذوق ~]

هههههههههه مسس الناصر وكويتيه

الحال من بعضوو

بس انا حاول يقطعها ماقدر مرات يدخن عندي ومرات بالحمام خخخخخخ عشان لاتحوشني الريحه

من حملت جم يوم معصب علي مايكلمني لان ممنوع يدخن يمي

ههههههههه
كان من صجه معصصب

الله يهديهم يارب ويبعدهم عن التدخيين

 

[sara 2009]

الحريم اللي يدوخو ويشيشو زادو والله المستعان

 

[emiemi]

واااااي هاذي مشكلتي الازليه
حتن لمن نسافر بطياره عنده زقاره يشحنها ويدخن اففففففففف
متى يبطلها مادري يبيلنا بلكويت ماكن يروحون له عشان يبطلونها والله تعبت منه ومنها صج مصاصه مو زقاره ويحبها اكثر مني

 

[انثى عاشقة]

والله مابقى مكان ولا وقت مادخن فيه
قطيعة
صح يتعطر بعدها بس الريحة تلزق
عجزت القى حل
الله يهديهم ويصلحهم ​

 

[Mama Africa]

صج صج الله يبعدهم عنها مرات اذا معزومه واهوا بيقطني تهديد بالسيارة هههههههههه لا تصبغ ريحتي فشله ويشكون فيني مو ناقصين هههههه

 

[صمت المرافئ]

المدخن انسان قذر ...
ريحة جسمه ونفسه وملابسه خايسة
عديم الشعور ...
عديم الاحساس ... وما يحترم الغير ...
طبعا هذا رايي ... وما زال
وتزوجت مدخن :eh_s(16):
بس من البداية فرضت شروطي ...
ممنوع التدخين بوجودي وفي البيت ...
مكان واحد سمحت له بالبيت يدخن فيه ...
حمام منعزل قليل الاستخدام ...
آنا وعيالي سمحنا له يدخن فيه >>> العيال بصف أمهم
ويدخن برا البيت
وسنين آنا وعيالي ننصحه بترك التدخين
وندعي له ... :yaaaaaarb:
والحمد لله ... ترك التدخين له أكثر من 5 سنوات
وسبحان الله كره التدخين والمدخنين
​