زوارتج لاهلج بعد زواجج !

[كويتيه واقعيه]

السلام عليكم ورحمه الله وبركاته ..

حياكم الله حبايبي منورين الصفحه ..

كل وحده متزوجه تذكر لنا موقفها اول مره زارت اهلها بعد زواجها ..

بعد كم يوم من زواجج رحتي لاهلج ؟؟
وشلون هو قالج يلا اوديج بيت اهلج ولا انتي قلتي له ؟؟
ولما جيتي تنزلين من السياره بعلج العزيز شقال لج واذا نزل معاج شلون موقفج مع اهلج بوجوده اول مره ؟؟
وشلون ودعتيه يعني اكتبوا كل شي بالتفصيل الممل وشلون موقفج اول مره شفتيهم وشنو احساسج احد قالج شي تعاملهم كل شي لاتخلون شي بقلوبكم الصراحه انا احس اني بموت من البجي مادري ليش : ( لوول




تفضلوا المايك لكم : )

 

[زوجة عزيز]

اتصدقين ما اتذكر !

 

[توتا حمرا]

عن نفسي ثاني يوم من زواجي رحت لاهلي بس دقايق عشان آخذ شغلة
وعااادي كان الوضع طبيعي​

 

[om 7sony]

هو اول مره شاف اهلي في بيتنا كان ثاني يوم من الملجه... يا بياخذني عشان نطلع ,, ونزل يسلم...
وانا سافرت مع ريلي ثاني يوم من العرس... رجعت بعد اسبوع وكانوا كل اهلي ينطروني بالمطار

اي وخل اقولج... كانت اختي الصغيره حااااقده عليه لانه خذاني معاه وخليتها,,, هو بعد كان يكرههااااا لاني اموووت عليها ويقولي ماخذتج مني ... امبيه كانوا يغارون من بعض
وما سلمت عليه اختي لم شافته ,,ههههههه
وثاني يوم رحت بيت اهلي ... امي تحاتي : شلونه معاج؟ زين ولا اذاج ومن هالسوالف
وابوي بعد يحاتي وكل شوي يسال ,, وخواتي وحده حاقده علينا ووحده مستانسه ... وعيال اخواني الصغار مستغربيييييين... عمتي ليش راحت معاه:eh_s(10): وليش قاعده يمه, وليش مو لابسه حجاب هههههههه

 

[Habibat Abooha]

رحت لأهلي ثالث يوم
دشييت وانا مستحيه مادري ليش هههههههههه
اختي قالت لبنتها الصغيره روحي لماما عوده
وخدتني على ينب كنت توني داشه ماخذيت خمس دقايق
قعدت تطالعني وتضحك قالت لي ها شصار
انا من النوع الى ماحب اتحجى بهذي الامور ضحكت وقلت لها
ماراح اتحجى لاتحاولين
قالت مايحتاي اتحجين امبين عليج لوووووول
طلعت تقول لأختي الثانيه تقول لها وييييع يا كره المعاريس اليديد رفليين هههههههههه
عقبها
دمعت عيني بوقت ماتصل قالي يلا بابا انا بره
لأن بيوم ثاني كنا بنسافر فماظليت وايد عند اهلي
واااي صج شعور مادري شلون

 

[PuPa^^SWeeT]

هممممممممممممم يمكن بعد 5 ايام جذي


لازم اطل على امي هههه

 

[كويتيه مـزيونه]

انا دقت علي اختي قالتلي تعالي اليوم بيت اهلي وانا كنت مستحيه اقوووله ومستحيل اكلمه قلت حق اختي خلي امي تدق عليه وتقووله يجيبني هههههههههه كان خامس يوم عررسي ويووم رحت بيت اهلي تقريبا ع السبع وكان الشششعب كله ينطرني هناك عماتي وخالاتي واخواني وخواتي وامي وابوي هههههههه والخدمات ينطرون بالللحووووش خخخخخخخخخخخخخخخخ قعدت عندهم لي الساعه ٩ وطلعت وبسسسسس كانت ايام حلوووه

 

[! بــدويه وآآيــد !]

،


يااحلوهااا من ايام
رحت لهم ثالث او رابع يوم عرسي
اهو نزل معاااي وقعدنا وكنت مستحيه وخواتي قاعدين بالصاله الثانيه لما دشيت عليهم لموني ويصرخون ههههههههه قعدنا شوي بعدين دزيت له مسج واحنا قاعدين هااا تبيين اروح معاك والا اقعد عندهم؟ دز لي براحتج قلت لا ابيك ابي اروح معاك< هههههههههههههههههههه امبيييه مادري شلون كنت بايعتها مع ان زوجي ماكلمته وقعدت معاه الا بيوم عرسي

ياحلو اول ايام العرس

 

[الـــغـــلآ]

موضوعج عجيب

الله يستر

 

[زين ودلال]

ههههههههههههههه يالهوييييييي ماذكررررررررر

 

[قسوة الزمن]

اب اب مو متزوجة اهى

 

[بانانا]

مااذكر

 

[كويتيه شقرا]

اب اب اب اب اب

 

[++صدفة++]

كان عادي لأن مو أول مرة يي بيتنا
أيام الملجة كان مطيح عندنا
كان نفس اليوم اللي ردينا فيه من شهر العسل ردينا الصبح بالليل رحنا تعيشنا عندهم

 

[ريم خانم]

انا شفت اهلي ثاني يوم ببيت اهل زوجي مسوين لنا عشاء وكان في خالاته وبناتهم وخواتي استلموني تحقيق هههههههههههههههههههه وامي تغمز لنا بعيونها وحنا ميتات من الضحك بس تفشلت لان صدري كان باين وابوي قال يابنيتي ارفعي بلوزتس يمممممممممممه بغيت انتحر مو مطلعه صدري عمد > شكل ابوي قال هذي من اولها خربتها هههههههههههههه

 

[shak!shoka]

رحت لهم ثاني يوم من عرسي كانت مسائيتي و امي طلعتني من الصالون و رحت بيت اهلي البس ع راحتي
شفت ابوي وكان طبيعي ما يحب يحرجني
ما عندي اخوان بس اخو واحد و صغير ٤ سنين شلع قلبي و بس دشيت و شفته بجيت واهوا مو مستوعب ليش داري فاضيه كان متعود ينام عندي
و انا البس نفنوفي دشوا خواتي يايبين لي هديه جان ابطها بجيه و خرررربت المكياج !
بعدين ضبطته و مكيجت خواتي بعد هههه << عروس متفرغه

بس صج والله عانيت اول جم شهر ابي اروح بيت اهلي كل يوم و مشتاقتلهم ع طول و حاقده على زوجي ما ادري ليش و ادور اي عذر بس بروح لهم

بالنسبه للاحراجات ماكو
امي و ابوي يقدرون و فاهمين
انا اكبر خواتي ف ماكو وحده تمون تسألني
بس اختي الي تحتي ع طول كانت تتسأل و ذابحها الفضول بس ما كنت اعطيها ويه ! و اجعمها و ازفها

الحين طبعا بعد ٣ سنين و ياهل ،،اهيا بعد جم شهر عروس و راح اعطيها دروس ؟!! هههههههههه

 

[وردة الدوحه]

أنا أول مره زرتهم بعد شهر العسل
أول مادخلت البيت شفت أمي لميتها قالت لي يالقاطعه ما تسألين سافرتي ونسيتيني
قعدت أصييييح
فديت أمي وكانت اختي موجوده وقعدنا ويا بعض وراويتهم الصور وسوالف وضحك
وعقبها بساعتين ياني ريلي زعلت لاني ماطولت عندهم ولانه ياني بسرعه
بس الحين وبعد مرور سنه وشوي ع الزواج صرت ما روح لهم الا بالاسبوع مره واكون عيزانه حدي بعد ههههههه

 

[عروسة خالد]

بعد كم يوم من زواجج رحتي لاهلج ؟؟
بعد اسبوع من عرسي
وشلون هو قالج يلا اوديج بيت اهلج ولا انتي قلتي له ؟؟
قالته مثل الجاهل خلودي ابي امي مشتاقتلها
ولما جيتي تنزلين من السياره بعلج العزيز شقال لج واذا نزل معاج شلون موقفج مع اهلج بوجوده اول مره ؟؟
قالي مافي نوم عند اهلج اوكي لاتدقين تقولون ابنام
وشلون ودعتيه يعني اكتبوا كل شي بالتفصيل الممل وشلون موقفج اول مره شفتيهم وشنو احساسج احد قالج شي تعاملهم كل شي لاتخلون شي بقلوبكم الصراحه انا احس اني بموت من البجي مادري ليش : ( لوول
يوم شفت امي لانه نقطة ضعفي بكل شي بجيت تعليقاتهم انتي احلى من العروس الثاني ساعتها احلى من ساعتج
ساعتج ماعجبتنا العروس الثاني جسمها يجنن وانتي ضعفانه وبس

 

[كويتيه مـزيونه]

هههههههههههههههههههههههههههههههههه


ياحليله ابوج ياريم خانم

 

[om al ghaleen]

مآ اتتذكر حسسافه

\\