زهور الجلاش

[brbecan]

طريقه حلوه ولذلذه وسريعه وشكلها ينن حق التقديم

المقادير الاساسيه جلاش العادي من الجمعيه وزيت مازولا قالب الكيك المقسم صغار الدوائر الي جنه صينيه فيها 12 حفره عرفتوها :> ادري اني عنيفه بالتوضيح الله يعينكم علي

المهم نفتح الجلاش وندهن كل الطبقات بالزيت ونصفهم فوق بعض بعدين ناخذ 5 شرايح من الجلاش او 6 على كثر ونقصهم مربعات اكبر من الدوائر الي بالقالب وتحطينه داخل القالب عقب ما تدهنينه وتفقصينه باصابعج لين يصير عندج من الورده لان اطراف الجلاش راح تكون لي بره زايده عن حجم القالب وبعدين تحشينها بالي تحبينه وراح اقولكم خلطاتي الي سويتها

1- جبن ابيض مع نعناع طتزج
2- جبن كرفت مبشور مع نقانق مقصص دوائر وفوقه ملعقه صغيره حيل جبن قلاصات يصير شكله حلو
3- لبنه وزيت زيتون وزيتون مقطع وزعتر
4- نقانق مقصص دوائر مع مايونيز وكاتشب وخردل
5- حمسه بطاط

عاد انتوا وخلطاتكم وذوقكم
وبس تدخلونه الفرن بو 5 دقايق يعني لييييييييين ما تشوفين لونه صار ذهبي
وتصفينه بصحنج بطريقه حلوه


الكل الكل سالني من وين شاريته لان شكله وايد حلو
اي صج ترى القوالب في دوائر كبيره وفي صغيره الصغيره يطلع شكلها وايد اذرب واحلى الكبار يصيرون شوي دفش :>

وعليكم بالعافيه

 

[سجى]

الله يعطيج العافيه
بس لو فى صور يكون احسن

 

[جارة القمر]

مشكووووووووووووووووره

وتسلم ايدج

 

[Shestylet]

شكل طريقتج راقية ما شاء الله

 

[ضحـاوي]

حلوه الطريقه وواضحه

مشكوره

 

[brbecan]

كويتيه لي الفخر
والله ما اعرف انزل صور وبلوتوث جهازي خربان عيزانه اصلحه عشان انزل الصور انشاءالله مستقبلا

الله يعافيكم حبايبي ما قصرتوا عليكم بالف عافيه

 

[ضحكة الدنيا]

تسلم ايدج حبوبه خوش طريقه بجربها ان شاء الله

 

[لولي بوب]

الله يعطيج العافية حبيبتي بصراحة فكرة وايد حلوة واذا عندج افكار يديدة لا تبخلين علينا .مشكورة