زفنـي دكتور الحكومة :"(

[مشتطـه]

السلام عليكم

بنات تدرون ان اغلى ماعند الام ظناها ولما تشوفه مريض ماتقدر تستحمل
و ودها تضحي بأغلى ماتملك عشان يشفى


السالفة وما فيها


ان ولدي يتله حراره قويــة حيل ... رحت الاميري الساعه * بليل لما حسيت يتنهد واهو نايم لمسته والا يطبخ فجأة !!!!!

رحنا الاميري وعطوه تحميلة و مضاد شراب .. اوقمنتين

حرارته كانت 39.5

وعطوني بروفين و ادول تحاميل
نزلت الحراره ... وردت ترتفع والولد ويهه تغير من المرض والحراره تطلع عيون الام من المحاتاة
ماا انام ونزلت كيلو ونص ب 4 ايام ما اكل خير شر .. نفسيتي صارت اكس .. ابجي وتخنقني العبره على طول

هالكلام قبل 4 ايام الاحد الفجر ..... نمت عند امي لان الاثنين عندي موعد الصبح ما يتأجل مهم شغله مصيرية

المهم الاحد تنزل وترتفع يعني لما 38.5 لما ظهر الاثنين

قالت امي امشي المواساة حرام ولدج حرارته مو قاعدة تنزل من الادول


والمواساة قالولي لازم نسوي تحليل ددم .... وعطوه مغذي وابرة مضاد

وعطوني تحاميل فولترين مع بنادول شراب مع فيتامين دال نقط لمدة شهرين مقوي للمناعه سعره ب 10 استغربت شوي انه مو ضروري وقلت ياللله فدوة لعمر وليدي


الثلاثا الفجر وصلت الحراره 40 متتتتتتتتتتتت صبت عظامي واطير الاميري بس قبلها موعد تحميلته حطيتها ورحت الاميري ونزلت لما 39 عندهم

وشكل الولد يقطع القلب ..



المهم قال الطبيب مااقدر اضيف شي شاف كل ادويته وقال بس كمليهم


واذا وصلت 40 سبحيه وكمديه

المهم ابر المضاد اليوم الاربعا كانت ثالث ابره عطيته ياها بالمستوصف عندنا

لان اقرب لي
دشيت عالدكتور يوقع لي عليها والا كويتي عمره تقريبآ 29 مو اكثر

زفني شخلني وانا شكلي هبله نتفه وداشة مع ولدي انصددمت

قالي تؤ تؤ تؤ تؤ ؟؟؟

انتو ليش تروحون للخاص حرام عليكم خافو ربكم هذول يهال
والابر واااايد عليه قوية حيل


ترى كلها حراره

قتله فيه بكتيريا وبالتحليل مبين وقالي قوية ومرتفعه شي جذي

المهم قتله وحرارته 40 توصل مت خرعه
قالي اذا وصلت 40 ردي الاميري وقولي مانفع العلاج


الخاص ما يخافون الله يبون فلوس وبس
وشكو معطيج فيتامين !! هذا اكبر دليل انهم يبون فلوس

وقالي لو بتذبحين نمله تذبحينها بصبعج والا مسدس قتله صبعي ؟ قال انتي الحين لما رحتي لهم جنج ذبحتيها بمسدس


قلت واااي لا تخرعني شنو لا يكون بتأثر على ولدي قال لا بس قوية وايد عالحراره هالابرة

تصرقعت ورديت وقتله امانه تاثر والا لا

قال لا بس الافضل انه ما ياخذها

قتله خلاص ماراح اروح للخاص

قال الاميري احسن علاج ولا تققولين مايفيد لان يمشون معاج شوي شوي اذا مانفع بلشو بالقوي

هذول سيده يبلشون قوي

المهم قالي الحين كملي ال5 ابر ومره ثانية لا تطيعينهم

اكتأبت يا بنات

اهي ابر مضاد تنعطى من ورا
عمر ولدي سنة و 4 شهور عسى الله يحفظة ويششفيه يارب


بنات امانه قولولي منو تعطي ولدها ابر مضاد واهو صغير وطبيعي ؟

ومنو عندها فكرة عن الابر وهالعمر

حدي حاسه بتانيب الضمير :bbbiu:

 

[رانس]

ياحيااااااتي الله يخليه لج
والله ماعندي فكره عنها اول
مره اسمع فيها بس الدكتور صاج
الخاص بس يبون الفلوس بس
فيتامين دال ماراح يضره بالعكس
زين له

 

[عاشقة الاسلام]

اختي الله يخلي ولدج لج ويشفيه يارب
ماعندي اي فكره عن الابر
حطي اسم الابر بقوقل وشوفي شكاتبين اذا زنين لطفل او لا

 

[مشتطـه]

تسلمون عالدعاوي

وان شاءالله ماتجربونهم من غير شر يارب

بشكل عام بغض النظر عن ابر ولدي هل ابر المضاد فعلا قوية على الطفل ؟

 

[فـراوله]

حبيبتي يمكن انتي استعجلتي عالخاص لانه بنظري الحكومه وايد أفضل من الخاص
للاطفال يعني صج يهتمون فيهم وأنا شفت بنفسي ​

أنا عيالي الاثنين اتعبوا مع بعض واحد بالليل وواحد الصبح وديتهم الصبح المستوصف وخذيت
تحاميل وأدول ومع الكمادات وعيالي كانت الحراره 41 عالمغرب الحراره صارت 39 وبعدها ردت ارتفعت
رحت الفروانيه وسوا لهم كمادات وعطوهم تحاميل والدكتور قالي لا تحاتين الحراره بتقعد 3 أيام بس استمري
عالعلاج وزاد عليهم مضاد وبروفين لانه فيهم بكتيريا وطبعا 3 أيام عيني ما غفت كنت أنام ساعه وأفز من الخوف
من هالحراره تدرين ثالث يوم يالله صارت 38 واستمريت عالادويه والتحاميل رابع يوم عالظهر حرارتهم 37 قلت
الحمدالله وبالليل صارت طبيعيه 36 وطبعا ما وقفت الادويه استمريت 5 أيام بس للي قطعته التحاميل لانه مو زينه
ياخذونها وما فيهم شيء وأنا رابع يوم عالعصر جاني هبوط واغمى علي من التعب الحراره كانت قشراااا وقلبي
مقموت بسبتها وبس أبجي هالشيء صار بالكل قالوا بكتيريا منتشره بالجو ​

المهم المضاد ما أتوقع بيضره لانه اهو في بكتيريا فطبيعي ياخذ مضاد بدون مضاد ما راح تروح بس يمكن دكتور
الحكومه يفضل الشراب عن الابر وفيتامين دال ما منهم مضره بالعكس زينه ​

والحمدالله أيام وعدت على خير ولا تحاتين ماكو الا العافيه ​

 

[شفايف كرزيه]

نفس ولدي حرارته مو راضيه تنزل وكل اربع ساعات احطله تحميله واكمده وسبحته ومحطينه مضاد شراب بس سالفه الخاص كنسلتها لان نصب وعلاجهم قووي فتحمل ادويه الحكومه لانها مع الله زينه الله يشافيهم ويخفظهم وصاجه قلبي يتقطع علي ولدي وعيوني تدمع وتخنقني العبره ع حالته بس عسالله يشافيهم

 

[روعة خيال]

المفروض يعطونج مضاد شراب مو ابر!!! انا بنتي عمرها ٦ سنوات و كانت تتعب وايد بعمرها ما عطوها ابر مضاد!!!!!

الحراره علاجها كمادات و تحاميل و شراب غيره لأ!!!

الحراره اتم ٣ ايام اذا مانزلت هني تعطينه مضاد شراااااااب بس!!

انتي بالمضاد ماتخلين مناعته تشتغل

ما الومج ام و ماتدرين شتسوين بس هالمره تعلمتي

عسى ربي يبلغج فيه معرس يا رب

 

[مشتطـه]

فراولة انا بجرية واول طفل لي واول مرة من يبته تقعد الحراره هالمدة وترتفع هالارتفاع


كانت تييله حرااااررره يومين بالكثير وتنزل وتثبت


هالمرة طولت وكله ترد ترتفع وترتني

زوجي نصحني وحن علي بس ماطعته ورحت للخاص

 

[مشتطـه]

روعه خيال اي ويمكن لاني بجر مادري شسوي وخايفه واول مرة اعيش معاناة الحراره المرتفعه حيل
والمستمرة وماتنزل

ف قلبي يرجف والله

تكرمين اسهال حاشني من الخوف ومااكل كلش

بس تعلمت من هالدرس وبّإذن الله ماترجع وان رجعت بروح الحكومة دايما لان فعلا علاجهم احسن


شكرآ ياقلبي على مروركككككككم

 

[مشتطـه]

شفايف اي والله زين تسوين الخاص خذو 80 دينار ب 3 ساعات شدعوة عليهم

خلج عالحكومة احسن

والشافي رب العالمين سبحانـــــه

 

[مشتطـه]

رانس وعاشقة تسلمون نورتو

 

[ام الحلوااات]

مــــايـــشـــوف شــــــــــر ان شـــــــــآء اللــــــه

 

[صعبه]

بعد عمرري مايشوف شر ان شاء الله وترا كلام الدكتورر صح

اغلب الخاص يعني الاغلب هدفهم مادي عشان تدفعين اكثررر

طمنينــاا عليه :*

 

[مشتطـه]

الشر ما يجيكم
تسلمون

ان شاءالله

 

[ام رينـاد]

بعد عمري والله الله يشاااااااااااااااااافيه ويعافيه

 

[ريتااجي]

ماايشوف شر وآخر السوء

انا اطفالي اوديهم خااااص

بس مو اي شي اعطيهم اياه

المضاااااااد الحيوي الطفل اقل من ست سنواااات

مستحيييييل اعطيه وبدراسة امريكية ثبت انه خطر على الطفل قبل هالعمر

وغير كذا اذا حرارة الطفل مانزلت شكله ڤايروس وحاااولي اول ماتشوفين حرارته ارتفعت

على طول سبحيه بماي فاتر يعني لادافي ولابارد ولاااتخلي حرارته ترتفع تراها تأثر ع المخ

بعيد عن طفلج واذا طفلج اقل من سنة لااازم تعطيه ڤيتامين د

 

[@أم يوســـف@]

الله يشافيه ويعافيه ويخليه لكم والحكومه مانعين ابر المضاد انا قبل شهر فيني حراره والتهاب بلاعيم وقلت للدكتوره ابي ابر مضاد علشان كنت ما اقدر ابلع ريجي من الالتهاب وشلون ابلع العلاج وقالت لي ممنوعه ابر المضاد بالحكومه اذا تبين اشتريها من الصيدليه وانا من قالت لي ممنوعه خفت واذا كانت على الكبار ممنوعه شلون على الاطفال

 

[فـراوله]

ريتاجي معلومتج غلط عن المضاد أنا سالت وايد دكاتره بالكويت وبرا الكويت
والكل قال اذا الطفل احتاج لازم يأخذ المضاد خصوصا اذا الحراره طولت يكون فيه بكتيريا
بالجسم وما يقتل البكتيريا الا المضاد ​

سمعت انه للي أقل من سنه ممكن ما يأخذهم ومو كل الحالات للي محتاج يأخذ ​

كلنا أخذنا مضاد واحنا صغار وما فينا الا العافيه الحمدالله ​

وخصوصا قسم الاطفال بالحكومه دايما دقيق بالادويه والكميه يعني ما يعطون وخلاص ​

أنا تكلمت عشان البنات ما يخافون وللي خايفه تقدر تسأل أكثر من دكتور وراح يكون نفس كلامي ​

 

[ملح الكون]

انا بنتي سنه و6 شهور صار فيها التهاب وعطوني دوا الحكومي بس مانفع انتكست بنتي وقالو لي عن الشرقاوي الله يرحمه ووديتها له وعطها ابر4 مضاد اسرع مفعولها بين مو نفس الشراب ومافيه الا العافيه ياربي لك الحمد .. الله يخلي لج وليدج ويقومه بالسلامه..

 

[ريتاج_90]

مااايشششوفً شر ولدج
والله يققومه بسسسلاممةة

وفيتامين دال مايضر ٱ‏​نـِْ♡̨̐ـِْا اعطي ولدي ليما شهرين
بالعكس فيتامين دال يعطيج اياه لان ماتعرضين
ولدج للشمس والشمس زينه له عشان مايصير
فيه نقص هالفيتامين وماله أي ضرر