زعلان ومايرضى

[flower quen]

السلام عليكم
كيفك كويتيات

الموضوع ومافيه اني امر بمشاكل مع زوجي لي فتره
وكنت كارهته لدرجه اني مو متحملته يلمسني
ماقدرت اسيطر على نفسي وادري اني غلطت وغلطي كبير
وندمت الحين
بس عجزت ونا احاول ارضيه حتى اعتذار مو متقبله
والله ادري بالغلط والذنب اللي سويته
بس ابي حل
اللي بتكتب هالكلام تريح نفسها لأن اللي فيني مكفيني
بس ابي اعرف كيف ارضيه وانا كل شي سويته له

اللي عندها حل لا تبخل علي واللي ماعندها تدعيلي


ومشكورين

 

[ظل الياسميـن]

الله يهديه
الله يسخر لج ريلج ان شاء الله

 

[Miss Chanel]

الله يهديه ويسخره...

 

[flower quen]

بنات سوري تكرر الموضوع بالغلط

 

[أم توتو]

الله يسخره لج ويخليه يرضى عليج

 

[miss-toota]

كتبيله رساله طويله عريضه واعترفي بكل اغلااطج اللي صارت

وعطيه حل نهاائي ... وقوليله لا تعلقني وتحجي بأسلوب حلو ويحبه

ترا الرسايل تأثر يمكن يقراها مره ومرتين و 10 حدي قديمه بفكره الرساله بس جربي ماراح تخسرين شي

 

[نونه العازمي]

اعتذري برساله وبيني له انج ندمانه وتحبينه

والله يسخره لج يارب

 

[اشتياق]

لالالالالالالالالالالالالالالالالالالالالالا
اياني وياج تكتبين رساله ومادري شنو وتكتبين اغلاطج
ديري بالج يمسك عليج هالممسك!ويعيش الدور اكثر
اهم من غير شي شايفين روحهم!
قولي انا تسامحت منك وانت كيفك وامشي بانكسار وحزن
لبسي قمصان نوم وتكشخي<<هذي طريقتي اذا بقول اسفه خخخخخخخخ
ترى والله ان راضيتي يتغلون ويعلون القلب وان طنشتي عادي يرضا!

 

[كتكات احمر]

ليش بانكسار وحزن الا امشي رافعة راسي دامي اعتذرت ومارضى مايشوف شر بعد رياييل اخرر زمن

 

[MISS-_-FLOWER]

صح كلام اشتياق نفس ريلي بضبط انا كلش ما اروحله لين عارفه النتيجه قبل يومين غصبت نفسي و رحتله لان كنت مزعلته و كان نايم عل قنفه ويطالع فلم قتله بنام يمك قالي ماكووو مكان هههه كل مره كان في واليوم صار مافي عاد قلت بقلبي بطقاق و هديته و رحت افراشي ما اشووفه الا بعد جم ساعه يالي سويلي عشا ههه يعني طاح الحطب

 

[أُلَجّـۇۈۉهّـره]

سوري بس ليش جذي ردودكم على ازواجكم ,, بالطقاق ويولي حرام مهما كان هذا زوجج وابو اعيالج , انتي ماخذه موقف واهو ماخذ موقف , فاكيد بتتضايقون ماله داعي هالالفاظ على ازواجكم احسن لكم بالاول والاخير ,, اما صاحبة الموضوع من رايي تسوين له ليله مميزه بالبيت وقبل لايوصل تبلغينه بمسج ان اليوم ناطرتك عالعشى ,, واذا لي خاطر عندك لا تتاخر عن الساعه وحددي الوقت وغيري نظام بيتج ودارج وحطي شموع وقللي الاضاءه ,, واول مايدش بوسي راسه وتسامحي منه , عادي مافيها شي واهم شي حبيبتي حطي شموع فواحه بريحة الافندر لانها تهدي الاعصاب ,, وقبل لايدش اقري ادعيه بقلبج ,, وعسى الله يهدي سرج معاه

 

[كرستينآ]

الله يسخره لك وخلاص اعتذار واعتذرتي له ومن زعل من كيفه يرضى بكيفه لاتنزلين نفسك اكثر

 

[مطيرية والعزليه]

الله يهديه لج ويرده راغبا نادماً

بس لاشفتيه يصلي وخلص قبل لايقوم لميه من ورا وحلفيه انه مايقوم الا راضي لانه يكون توه مصلي ونفسيته طااااخه

 

[ام دليار]

أخذي الحل وأدعيلي بس لاتدعي عليا
سوي حالك مريضة ونامي بفراشك ولاتتطلعي من البيت عيشي الدور هههههههه
ولاتوكلي قدامه واذا ناداكي على الأكل قوليله مش قادرة تعبانة
الله يسخره لج

 

[flower quen]

أخذي الحل وأدعيلي بس لاتدعي عليا
سوي حالك مريضة ونامي بفراشك ولاتتطلعي من البيت عيشي الدور هههههههه
ولاتوكلي قدامه واذا ناداكي على الأكل قوليله مش قادرة تعبانة
الله يسخره لج

الله يرزقك بالذريه الصالحه يـــــارب
:yaaaaaarb::yaaaaaarb::yaaaaaarb:

 

[اشتياق]

الجوهره متزوجه؟؟:d

 

[أُلَجّـۇۈۉهّـره]

لا ياقلبي ,, ادري بتسأليني شدراج عن هالامور , انا من ملجت وانا احب اقرى اشياء كثيره عن الحياة الزوجيه , وطرق التعامل معاها , ومن خلال قرائتي الحمدلله توصلت لاشياء كثيره اقدر استفيد منها بحياتي الزوجيه ,, وعندي بنات عم الحمدلله قدرت اساعدهم بمشاكلهم اللي تواجههم ,, يعني عندي خبرة صغيره , ودام عندي نصيحه اقدر افيد فيها غيري ليش اتأخر عنها .

 

[flower quen]

لا ياقلبي ,, ادري بتسأليني شدراج عن هالامور , انا من ملجت وانا احب اقرى اشياء كثيره عن الحياة الزوجيه , وطرق التعامل معاها , ومن خلال قرائتي الحمدلله توصلت لاشياء كثيره اقدر استفيد منها بحياتي الزوجيه ,, وعندي بنات عم الحمدلله قدرت اساعدهم بمشاكلهم اللي تواجههم ,, يعني عندي خبرة صغيره , ودام عندي نصيحه اقدر افيد فيها غيري ليش اتأخر عنها .

الله يجزاك خير وربي دعيتلك

 

[Beauty is Me]

اوووف اشتياق صح كلامج لي رراضيتهم يتغلون ويعاندون بالزعل يعني تعالي راضيني واذا طوفتي السالفه يرد عادي لووووووووووول حبوبه صاحبه الموضوع انتي اعتذرتي عطيه مال يفكر بينه وبين روحه وشوفي شيصير ولي ذاك الوقت صيري حنونه عليه تدلعي دلعيه والله يسخركم لبعض

 

[Beauty is Me]

مال= مجال سوري بدليه