زعلانه عند اهلي لان زوجي يسهر برة زيادة عن اللازم

[** ام ملك **]

السلام عليكممشكلتي بأختصار وع السريع هي سهر زوجي مع اصدقائه للصباح مع العلم ان توني عروس لي 4 شهور بس تخيلوا بس اصدقائه هم دنيته مع انه يحبني


يجي ياخذني من بيت اهلي وينزلني شقتي ويتركني يقولي نامي انا مو متاخر واصحى اصلي الفجر مالاقيه تخيلوا


تعبت معه يتعدل يوم يسكتني بس ويرجع لسهره


اللي صار حاليا وخلاني اكتب لكم ابي رايكم بموت قهر والله
انا نزلت ببيت اهلي ع اساس دوامه يتطلب يبقى يومين فانا خذت ملابسي واغراضي معي وقررت اقفل جوالاتي واتركه يعرف غلطه وياايتعدل يامع السلامه
هو يدري اني زعلانه طبعا بس كل مره كلمتين وارضى اقصر الشر خايفه تتوتر علاقته مع اهلي
بس هالمره لااااااا خلاص تعبت. تعبت تعبت
يرميني بالشقه لانصاف الليالي ولا يعطيني حتى اتصال يتطمن علي حيه ميته
يعني يطلع لربعه من 9 الليل الى 5 الصباح تخيلوا وهو معهم
ومره امه كلمته الفجر قالت شكلك توك راجع قال لاااااااااا من زمان يكذب وهو توه راجع خايف من امه
ساعدوني هل اتركه واكلم اخته الكبيره افضفض لها بمشكلتي واخليها تقول لامه
لانه ممكن يخبي عن اهله اني تاركته لان مايحب خصوصيات تطلع ابد

 

[PuPa^^SWeeT]

الاغلب من الرياييل اول الزواج جذي


يبون يثبتون للربع انه المرة ماتغيرهم


ويبدون ينسحبون


ودامه ماعلم امه انتي بلغييها بهدووء و قولييلها اللي حاصل




وانتي اشغلي روحج عنه طلعي ويا صديقاتج و خواتج


ولا اتقولين له طلعني


اهو مع الوقت بيقووول هذي شفيها نستني

 

[Perfume]

حبيبتي خلي مشاكلكم بينكم
اذا مو سوالف طق وخيانة وخرابيط حلوها بينكم بالتفاهم افضل

 

[رنيم الروح]

حبيبتي ماله داعي الكل يدري انه انتي زعلانه لانه الموضوع مايستاهل وماله داعي تتركين البيت وتاخذين ملابسك وتقولين تعبت توكم متزوجين وش راح تتركين لبعدين ومشاكله و لانه بداية الزواج الرجال كلهم يحبون السهر وقعدت ربعهم وبعدين لو مشكلتك اكبر من السهر مثلا خيانه ولا طق وسب او حقران وش بتسوين كل السالفه اتكلمي معاه وفهميه وبدون مشكله اهو يبي وقت عشان يتعدل ممكن يعتدل مره ويرجع بعدها بس مع الوقت بيتغير ولا تقولين لا حق اخته ولا غيرها لانه اسمحي لي الموضوع مايسوى ينقال حق اهله او اهلك والله يهديه

وانتي بس اتخيلي نفسك لما يسألونك وش مزعلك يافلانه او ليش ماتبين تردين بيتك ؟ اهم ماخذين الفكره ان الموضوع كبير وماينسكت عنه -يكون ردك يسهر

 

[Patcholli]

حبيبتي اذا انتي واثقه فيه وعارفه انه سهراته وناسه وبس ماعنده خرابيط ولا سوالف بطاليه
انصحج تكلمينه بهدوء وتخلين اهلج يكلمونه بكل هدوء وتفاهم بدون عصبيه او كلام جارح
بالعكس خل يحصصونه انهم يحبونه بس خايفين على بنتهم من قعدتها وسهرها بالشقه بروحها لي وقت متاخر بدون ريال
لا سمح الله طب عليج حرامي ولا احترقت الشقه ولا صارت مصيبه انتي شراح تسوين لازم ريال عندج بالبيت ..

حبيبتي صدقيني اذا ريلج يحبج وزين بيتغير
انا ارفيجتي تعاني من نفس مشكلتج وصارلها 4 سنين على هالوضع لانها كانت تسكت السكوت مو حل صحيح
والفرق بعد ان ريلها مايحبها
بس انتي قلتي ريلج يحبج واكيد يحترمج لاتخلين حلول مشاكلج بالزعل والعناد ترى ماكو احسن من التفاهم اتفاهمي معاه وبعدين شوفي شنو راح يقرر وخلج صريحه معاه وكلميه بكل وضوح

ترى روحتج حق بيتج اهلج يتعدله اسبوع اسبوعين شهر بالكثير وبعدين بترد حليمه لعادتها القديمه اهو تعود على جذي
مايقدر يتغير بيوم وليله بالتفاهم خليه يتغير بالتدريج
بدون مشاكل وزعل
وانتي بعد حببيه بالقعده معاج
خليه يحس ان بيته يسوى هالسهر وقعدته مع ربعه
وان وجوده معاج احلى واقيم واهم من وجوده مع ربعه
طبعا هاذا من خلال الكلام الحلو والاجواء الرومانسيه ويوم مساج ويوم سينما بالبيت ويوم دلعيه نفس الياهل اخذي قلبه خليه مايشوف غيرج بالدلع بحيث ان حتى لو سهران مع ربعه بيشتاقلج وبيحاول يتهرب منهم شوي شوي عشان يستغل وقته معاج
ترى مو صعب
بس انتي وشطارتج
ونصيحه وخري عن النكد والعناد ترى بيعاند زياده وبتلوع جبده الريال مايحب النكد والزعل والله
اتدلعي عليه ولاتزعلين زعل جايد وحمقي خلي زعلج على دلع
الله يهديه ويسخره لج يارب

 

[iLLuMinaTion]

الله كريم

 

[جنوبيه رايقه]

حبيبتي الموضوع سهل وكلنا مرينا فيه بس خليكي في زعلك صاارمه واذا طلع مع اصحابه دقي عليه وقولي له اني مشتاقه لك مره ثانيه قولي له اني خايفه وصدقيني مع الايام راح يتركهم بس لاتدخلين احد في مشكلتك لانها بسيطه وراح تتعودين تطلعين اي مشكله ثانيه واكثري من الدعاء والاستغفاار

 

[Gifts&Occaions]

الله يعينج

 

[Um Tuki]

رجعي بيتج

انتي بتصرفج هذي قاعدة تكبرين الموضوع و مثل ماقالت لج اختي بوبا يبي يثبت لربعه انه ما يغيره الزواج و انه مو سكانه زوجته
عرفتي شلون
ف انتي عطيه على جوه و زعلي بس عاد مو تمصخينها
مابنقول زعلي بعد خل نقول تغلي
كلمي امه او اخته بس قوليلهم امانة لا يدري اني انا موصلة الخبر لان بيزعل و بيكبر الموضوع
خل يقولون ان ناس جايفينه و بس
و ان الحين صار عنده بيت مسؤول عنه مو مثل قبل عزابي

 

[manoooram]

دام عارفه ان يحبج ويحترمج ردي بيتج كلميه بهدوء وسايسيه
توه متزوجين وأدري فيك تحب ربعك بس هذي أحلى أيام عمرنا ومن هالكلام
وحببيه بالقعده معاج حاولي تجذبينه بسوالفج وحركاتج بشقتج
وبيني له تخافين لي قعدتي بروحج ومو معقوله أروح طول الوقت عند اهلي
ولا تعودين الريال على ان اعتمادج بمشاويرج وطلعاتج على أهلج
راح يتكيسل ويشيل ايده من الموضوع ولي قلتي له طلعني
بيرد عليج رد سريع روحي مع أهلج !
والسالفة يبيلها وقت يا قلبي مو بيوم وليله
والله يسخر لج ريلج

 

[M!SS.LOBY]

اذا الله أكرمكم ورزقه باليهال بي يتعدل ويصير خووش ريال

 

[مدّهره !]

مااتوصل تقولين لأخته ^^

خصوصاً إنه ماايحب أي شيء يطلع لأهله ...~

 

[معزوفة عشق&]

نصيحه لا تتركين بيتك وتعودينه ع كل مشكله والثانيه تروحي لبيت اهلك
اتحمليه واصبري وافتحو قلوبكم لبعض تفاهمو تناقشو ... وحاولي قد ماتقدري مشاكلكم بينكم لاحد يتدخل فيها
والله يسخر لك زوجك ويرده لك ردا جميلا
ادعي ربي واستودعيه الله ولا تخافي

 

[اقماري]

ياهلا ياهلا تقولين ريلج دوامه يومين انا هم ريلي دوامه يومين ونص الفرق ريلي بداية الزواج يطلع من9الصبح وايرد5او 6 الفجر والله كنت ازعل وانقهر بس شسوي اذا اهو هذي حياته ماقدر اغيره بيوم وليله التغيير صعب اهو اكيد خاطره يتغير بس صعبه ابسرعه كنت الهي عمري بالطبخ والكروشيه والرسم والنت اكتب واقرا قصص ؟؟
اذا اهو ايحبج ومو مقصر ابشيء بس هذا عيبه مالج الا الصبر حرام تخسرينه ونفس الشيء صارلي بس ابدا ماقلت حق احد واهو بعد مايحب كللللللش احد يعرف عن خصوصياتنا شيء وكنت اقعد بشقتي دايما..

اللحين صارلنا 7 سنوات تغير حيييييل صار ايطلعنا نتمشى واليهال يلعبون ونتقهوا قبل لايطلع وايرد قبل الـ11 احيانا مايطلع هاشيء يجي بالتعويد لاتصيرين انتي مصدر مشاكل بالنسبه له وربعه اهم وناسته وسعادته بالعكس خلج الحنونه اللي ايجيلج عقب ازعاج الشباب واصواتهم الخشنه وفوضاهم واكلهم المخربط السامج استقبالج له بحب شيء راح يبهره ترتيبج وهدوئج وتنظيمج واكلج وصوتج وشغلج المرتب راح يآسره وايحبه وحبه حبه راح يتغير بدون لا ايحس الانسان ايميل حق الراحه والهدوء بدون احساس منه راح ايقربلج شوي شوي والله ايتمم عليكم حبيبتي وطوووولي بالج وادعي بالتوووووفيق..

 

[قلب الزعابي]

اول شي اكبر غلط انج سرتي بيت أهلج
احتمال تعيبه السالفة
والله انه ريلي من اول ماردينا من سهر العسل كان يسهر لين ثلاث واربع وكنت نفسج اتضارب وأتهاوش معاه
بس كنت أتواصل معاه واعرف وين يروح
على فكره كلهم جي
ومثل مقالات وحده مايبي يبن لربعه انه حرمه تمشيه وهذا كان كلام ريلي على فكره
منو ما يسهر الحين
خليه يروح وانتي اشغلي نفسج ونامي ومارسي هواياتج صدقيني بييييييييييييييييمل
أأم ريلي كانت تعرف عن السهر وكانت تهاوشه أتي تواسيني وتقولي ماعليه ووووو كنت اقول عادي وخل يروح
صبرت وصبرت وكنت انااااااااام وشغلت عمري بأشياء احبها ويوم شاف أني طنشت السالفة زادت ساعات السهر كان يتريا أتهاوش او حتى اعاتبه
بس عطيته الأذن الصمخه ههههههه
الحين ماشاء الله الساعه وحده بالكثير ثنتين هو فالبيت واحيانا ما يطلع كلش وعنده الويكند يسهر لين ثلاث ويرد
صدقيني التطنييييش أحسن وسيله وهو من نفسه بيرد
بس اهم شي أتاك دي مأسوي خرابيط
وربي يوفقج

 

[ام دليار]

نصيحة كبري عقلك لاتشكي لأي حدا بعدين بيكرهك لانك خبرتي أهلو ماعاد يأمن لك بشي
يجوز رفقاتو بيعلقو عليه أنو بس تجوزت ماراح تقدر تسهر بتخاف من مرتك بتعرفي تعليقات الشباب

خليه يطلع يسهر مو مرا وحدا ينقطع عنهم
قوليله بدي يومين بلسبوع ألي
بعدين بلاقي قعدة البيت أريح شوي شوي بيتعود
بس تكبري المشاكل مابنصحك
الله يوفقك

 

[سميتكـ _ غلاي]

الله يفرج همك
اكثري من الاستغفار والدعاء والصدقه





اربع كلمات تعادل في أجرها ساعات من الذكــــــر

http://www.safeshare.tv/w/UavpxhYNVX

 

[ديانا سبنسر]

مع الوقت يتغير اصبري توج عروس ورايحة لبيت أهلج زعلانة موحلوة قدام أهلج وأهله. والناس. وبعدين. خلي زعلاتج. القوية على سوالف مصيرية مو هالموضوع. اللي ممكن ينحل (بالتفاهم -تشدينه لج. بليالي رومانسية- دلع وشوية عيارة مثل قولي أخاف بروحي اسمع أصوات بالشقة وشوي راح يجي )

سؤال خارج الموضوع يروح الدوام سهران ؟

 

[كنوستي]

حبيبتي موضوعج كلش ما يستحق انج تهدين بيتج ونصيحتي لج اي شي بينج وبينه يتم بينكم لا تهدين البيت انا ادري انه الموضوع مضايقج بس انتي فكري فيها اهو كان حر طليق وبعدين تزوجج مايقدر يتغير بيوم بليلة فأنتي لا تحسسينه انه البيت صار سجن اهو ان شاءالله من نفسه راح يتغير مع الوقت بس اصبري الصبر زين وانتي حاولي تشغلين نفسج لا تخلينه محور حياتج والله يسخره لج

 

[نـعـومـه]

اول شي شوفي وين يروح !!! موليش سهر !!

يروح من 9 لي 5 ماعنده دوام ؟!؟

كلميه قوليله موحلوه جدام الجيران اسهر اطلع بس عاد لي 5 وكل مره !!