زعلانـــه بيت اهلي وانا عروس :(

[حطمۈكہ يآقلبي]

بنات حيرنـــي زوجي ونفس الوقت بط جبدي وكرهته :eh_s(16):


يبي وحده عصقوله يبي عصاقيـــــــــــل يقول لــي أبــيــج ضعيفه شدعوه عليك :gr4uu:
من يبي عصاقيل الحين
بنات انا جسمي يهبل فيني لحم ماني متينه حييييل وزني 67 مع طولي 165

كل من شافني قال اضعفي حطمني بنات حسسني اني ولاشي والله قمت احس ثقتي بنفسي ولا شي

كل مايكلمني سواء ابيت اهلي او بالجامعه شنو كليتي وشنو ماكليتي قاعد لي قعده
اذا انت عندك هالمرض انا شكو
تمرضني معاك بنات اول مره اشوف نفسه
من يتغدا او يتعشئ يوسوس انا متنان انا كثرت اكل بالعـــــــــربي عنده( فوبيـــا الاكل )
يقول لي راح اقعد لج قعدة بعطلة راح اراقب اكلج لين تضعفيين

أنــا ماهمني بسس مو حلو علي الضعف كلش وجهي بسرعه يضعف انا عاجبني جسسسمي
وكله يدقر بجسمي :eh_s(14):
قررت أنــــي اوقفه عند حده بس أمي اتقول لااااااااااااا زوجج عصبي وناااااااااار خليه اسمعي منيه وطلعي منيه وعطيه طاااف
مااقدر ابيه يحمد ربه علي النعمه اللي عنده والله من غير مبالغه الكل من اهلة انهبل علي
والكل يقول اني أنـــا احلي من العروس الثانيه من غير مبالغه والله الشاهد علي مازليت بكلمة
حتي اهــو بنات يقول لي ان ربعه يقولون ان اهلهم يقولون زوجتك احلي من العروس الثانيه
واخته اتقول شعليك كنت تبي زوجة بغمازات وشعر طويل وجاتك
يعـــني دام الكل يمدح فيني ليششش أنت يازوجي اتحطمني ...؟
ابي اقول له بسس اوقف كرهتني فيك كله تنقد علي شكلي وجسمي ليش عيونك رديئه اطالع العيوب
انت فيك عيوب بس انا ماني رديئه اطالع الجانب الزين اللي فيك واحمد ربك علي واذا كنت تبي الكامل ماكامل الا وجه
محد فينا كامل
وشوف اخوك ساكت وصابر علي اللي عنده وانت اتعفعف :rgewrg:


بنات تعبت وربي ومحد حاسسسسسس وفوق هذا كله بنات سوري اني تكلمت بس شسوي مالي غيركم استحي اقول لامي بنات زوجي مايكت فيني يكت براااا

ليشششششش ...؟ يقول ماابي عيال الحيييييييييين
أنـــا محتارة قلت له دام انه ع بر اذا انت اتعفعف ع شكلي وتكت برا شكلك ماتبيني مرتك ولا ام لعيالك طلقني

عصب انا احبج واموووت فيج وانتي الكل بكل انتي مو وحده من الشارع انتي زوجتي وام لعيالي ان شاء الله
انتي توج صغيرة وانا صغير وانتي تدرسين حرررررام اتحملين بسسرعه
بالعربي جنني معاه احس كل شغله يسويها فيني يختبرني فيهاا
ماادري شقول كويتيات عطوني حل يريحني

ع فكره انا صار لي عند اهلي اسبوعين تعبانه نفسيتي صفر
واهو يدق يتاسف وانه راح يهدي اعصابة ويصير خوش واحد معاي ويقول والله ياحطموك لو تقولين تعال بوس رجلي ابوسها بس ردي :eh_s(22): ليش كلامك غير عن افعالك هذا اللي اشوفه <<< اي صح انا بيت اهلي زعلانه لانه كل يعصب وكله يزعل من غير ولا سبب واذا في سبب تافه​

 

[كربون امها]

يازين القمازات عليج بالعافيه يامعوده شوفي رغبته وضعفي
داما حنان ماراح تفتكين منه الا لما تضعفين مدري شفيهم المتان والله يهبلون
هالرييايل مدري شيعجبهم سالفه العيال يمكن شايف ان فعلا تو الناس داما يحبج
لاتخافين منه الله يوفقج

 

[الحياة تجربه]

حبيبتي صلي عالنبي وارجعي بيت زوجج ماكو الا الخير وترا عادي وايد رياييل بدايه زواجهم مايبون الذريه توكم معاريس استانستو لا تفكرين بشي ثاني
اكيد يبيج ام لعياله لو ما يبيج جان ما ييه بريوله وخطبج وصرتي زوجته
وعلي موضوع جسمج هالشي الي صج انا حاسه فيج لانه مريت بنفس حالتج بالضبط
جسمي مرتب ومافيني شي الشخص الوحيد الي يقولي ضعفي ضغفي وانتي متينه زوجي! معنه وزني ٦١ بس اهوه جذي كان طبعه وظل يمكن قولي ٣ اشهر جذي وانا كنت اطنش
حتي كان نفسج لما اكل يقول لا تاكلين هذا يطلع خواصر
وكنت اكل واطوف لما ترك عادته
الحين نصيحتي لج
ردي بيت زوجج ماله داعي كل شي يصير ركضه علي بيت الاهل والله حرام تاركته بروحه وانتو معاريس.
اختج
الحياة تجربه

 

[كويتية222]

ماكو الا العافية ردي وضعفي كم كيلوووو

وانتي تدرسين تو الناس ع الاطفال ترى مسؤولية الدراسة والطفل

روقي كلنا بأول زواجنا نزعل بسرعة وحساااسييين لكن بعدها نتعود ع بعض ونطوووف لبعض

 

[sosowaty]

ماله داعي تزعلين لانه يحبج صارحج خلاص ضعفي عشانه عشان تحلوين بعينه اكثر

و مايصير اطلعين ااسرار البيت برا بيتج حرام

و مو كل صغيرة و كبيرة اتقولين حق امج

انتي عرووس و المفروض تستحين تقولين حق امج سوري يعني يقذف برا

و صح كلامة دامكم اثنيناتكم تدرسون نطروو

والله يوفقكم

 

[أحلى البشر]

صح كلامه شلج بالحمال والوحام وانتي تدرسين اعرف وحده بالجامعه من حمالها نزل معدلها وانفصلت مسكينه انتي لاتاخذين كلشي يقوله زوجج انه ضدج ومايحبج اهوا يبيلج الخير والراحه درسي ولاحقه على اليهال وازعاجهم وامراضهم استانسي توج عروس وبالنسبه للجسم الريايل اذواق في ريايل يحبون المتينه وفي يحبون العصله حيل انتي حاولي تخففين وتضعفين لج جم كيلو وراح يسكت

 

[hanan green]

الله يوفقج ويسخره لج
ماقدر افتيلج بس أنا أحس سالفة البيبي احسن يسوي جذي وطبيعي لأنه تو الناس

أما روحتج بيت أهلج وايد غلط مالها داعي زعلي وانتي ببيتج لا تطلعين منه لاتعودينه غيابج

 

[ياليتهم يشعرون]

والله انا مع ريلج حبوبه زوجج لو مايبيج مايحن عليج ضعفي لانه بخاطره يشوف الجسم الي يبيه فيج مؤ بوحده ثانيه والحمااال لاااااحقه عليه تعب وهم عيشي حياتج ربي يهنيج

 

[اخت خالتهم]

آنـا معـاج إنـج مقتنعـه .. آنـا كنت اقل من وزنج و نفس طـولج
وزوجي كان يقـولي انتي وزنج 80 !!!! وانا كان 64
اقوله انت شايف جسمي شنو 80 !!!
واللحين متنت بسبب ظروف وقام يقول اللله اي هذا الجسم

قطيييعه هههههههههههه احبه شسوي ريلي حبيبي
بس بضعف مو عشانه عشاني والا اهو ساااكت وعاجبه

فـ انـا اقول جدامه قولي اوكي بسوي وسكتيـه و اتفقي معـاه ان ما تتكلمون بالموضوع
وبتحطون لكم نظام غذائي وحتى لو تيوعين اكلي من وراه ما يدري
خشيلج اكل

 

[انا لها شمس]

ﺷﻜﻠﺞ ﻣﻜﺒﺮﺗﻬﺎ ﻭﺍﻫﻴﺎ ﻣﺎﺗﺴﻮﻯ
ﺍﻟﺮﻳﺎﻝ ﻳﺒﻴﺞ ﻭﺍﺗﺘﻲ ﺗﺘﺒﻄﺮﻳﻦ ﻋﻠﻴﻪ

ﻻﺗﺘﻌﻮﺩﻳﻦ ﻛﻞ ﻳﻮﻡ ﻭﺍﻟﺜﺎﻧﻲ ﺯﻋﻼﻧﻪ ﻋﻨﺪﺍﻫﻠﺞ

ﺭﻳﻠﺞ ﻭﺑﻴﺘﺞ ﻛﺴﺒﻴﻬﻢ ﻣﻢ ﺍﻭﻝ ﺷﻲ ﺍﻫﻠﺞ ﻣﻮﺩﺍﻳﻤﻴﻦ ﻟﺞ

 

[امـ خــزامـى]

رووووووقي حبيبتي صحيح اسلوبه ينرفز اكره شي عندي اللي يدقق باكلي وشربي

بس عادي انت فهميه ان هالشي يضايقك ويزعلك منه ومن ناحية جسمك انت خففي شوي
انقصي 4 كيلواو 5 بيطلع توب جسممك

اما الاطفال انا معاه حبيبتي انبسطي انتم معاريس لاحقين على الاطفال وغثاهم

الله يسعدك ويوفقك

 

[مموريز]

أول شي ,,,,,مالها داعي انك تتركين بيتك وزوجك عشان موضوع تافهه زي كذا.......ردي بيتك ولزوجك وتعوذي من ابليس ,
موجلوة تتركين زوجك وانتم توكم معاريس....

بالنسبة لموضوع الوزن والضعف ,,,نزلي من وزنك اشويه 2ولا3 كيلو عشان خاطر زوجك....

أما موضوع الحمل والعيال ,,,,اتوقع لسى بدري عليهم ,,,اذاكنت لحد الان تدرسين,,,,,,,
أما سالفة القذف برا ,,,,,(يسمى العزل ) بالشرع ’’’’’’مايجوز له يسوي كذا الابموافقتك,,,لان متعت المراة تتم بهاالطريقة وتقدرين تتحققين من الكلام عن طريق النت او من مواقع كثير من المشايخ.....فهميه ان هذا غلط واذا عشان الحمل ,,مافيه اكثر من موانع الحمل ,,,الحبوب واللزقات كلها ظبية ومامنها أي ضرر...
وبالتوفيق ان شاء الله.....

 

[ماني من الناس]

انتي افتكي من حنته ونزلي خمسه كيلو

الضعف بينجت جسمج اكثر يمكن اهو صج عنده عقده الوحده المليانه


وبالنسبه للخدود كلي عسل او شي خاص للخدود

ترا بدراسه الوزن مفروض يكون نفس الطول منقوص منه 100 واقل


يعني 65 ممتلئه

وعندج مجال من 57 ل 60 يكون جسمج منحوت

والبطن تمارين طبعا

 

[غنج اهلها]

الله يسخره لج

وطبيعي هالمشاكل بدايه زواجكم بس حاولي تقنعينه بالتفاهم

ووزنج ميخالف نقصي منه اشوي اذا موحاب لاتسوينها مشكله حبوبه

 

[سفيره الكويت]

ثقتج بنفسج بتوقفه عند حده كل ماقال جذي قول فديتيني شحلاتي

المفروض قبل لا تتزوجينه تفهمينه الفوبيا ترى علاجها مو سهل ويعتبر مرض نفسي الله يعينج

بس اضن ثقتج بنفسج بتزرع جمالج بعيونه

 

[الذوق والرقه]

حبيبتي الناس اذواق مو شرط اللي يعجب الناس يعجب رجلج يمكن صج مايحب الوحده المتروسه يحب الضعاف فقدامج حلين ياتحببين رجلج في جسمج ياتضعفين انا كنت ضعيفه تخيلي بالاربعينات ٤٩ ضعيييفه حييل والكل يقول امتني بتطلعين أحلى الا رجلي ماكان يعلق على ضعفي وقلته مره ابي امتن قالي لا جسمج حلو واقول لخواتي يقولون لي مايبي يكسر فيج عقب ولادتي متنت المتن الحلوو الكل يقول تهبلييين الا هو صدمني قالي تكفين جسم العرس وينه
وقرقت واجد بس الناااس اذواااق

 

[لورا 22]

الله يجملج بعيين زوجج البنات ما قصروا بس مستغربه زوجج يقولون له مرتك أحلى من العروس الثانيه? شهالمياانه وهو عادي ما رد
طبيعي السوالف هذي بينه وبين ربعه اذا عادي زوجج فيه خلل
وبعدييييين شدراج ان اخوه صابر ما يتأفف على مرته يمكن عاجبته تدرين باللي بينهم
والله يوفقج

 

[*E.B.D.A.3*]

انا اقول استغلييه
وقوليله انا بنزل وزني لكن برياضه عشان لا يترهل
دخلني نادي!!
واستمتعي !!!

 

[غزااوي]

الله يسخره لج

سالفة الحنه صج تنرفز بس ماعليه تحملي ونزليلج لو كيلوا واحد وسكتيه فيه ... وترا ان جيتي للصج ،. سالفه مثل هذي مفروض ماتزعلين فبيت اهلج علشانها .. وخصوصا انج توج فبداية الطريج

اذا حزت بخاطرج اي سالفه نصيحه خليج عنده بالبيت وازعلي عليه وانتي عنده علشان يحس بغلطته

وارد واقول الله يسخره لج ويعينج

هونيها لانج توج بالبدايه *

 

[Miss independent]

اسمحيلي بنبهج على شي
خلي الشكل والجسم على صوب
بس ترا سالفة العزل مو هينة والي قاعد يسويه غلط
وحرام
لاني سإلت شيخ وقال حرام
العزل حق بعد جم سنة مو حق الحين عيل شحقة متزوج
اكيد في اسباب ثانية حق هالشي تأكدي منها
وعدم الانجاب لازم يصير برضا الطرفين مو واحد مغصوب
ولا شحقة متزوج الاخ
واحتمال بعد تحملين ترا العزل مايمنع الحمل ١٠٠٪
واذا حملتي بيشكك فيج
لا يامعودة انتبهي من هالنقطة
خوفج يلعب فيج ويقطج دامه يتسبب ويدور السوالف وهم مايبي يحملج مايندرا شنو نواياه
طبعا انا اتكلم عن تجربة مو مني والطريج