زعلانة ؟

[( مي )]

قوة بنات



















تناجرتي مع زوجج
وكل من زعلان من الثاني ورافع الجام ومنفس
:bbbiu:

لأي درجة ممكن تتأثر نفسيتج بالهوشة
هل نوعج بسرعة تبجين ؟
ولا تحبين تبينين إنج قوية حتى لو من داخلج ميتة قهر ؟
ولا تطنشيييييييييييييييييييين وتطلعين وتروحين وتردين وتتكلمين بالتلفون وتضحكين ولا جنه صاير شي وكأنه مو موجود ،، ( أتوقع الريال تحره الزوجة اللي جذي ههههه )
ولا إنج تكتأبين وتييلج حالة قمتة وكآبة والويه أصفر !!


انتي من أي نوع ،، وزوجج من أي نوع !!
وشلون الوضع وقت قعدتكم مع بعض بالبيت وقت الزعل !!


وما يمنع تقولون لنا حلول خطيرة للصلح

______________

بالنسبة لي أنا
أحب أبين له أن مو هامني الزعل مع إن من داخلي ميتة من الحرة والقولون يشتغل علي عدل ،، وممكن يتسلط علي بجي وانا آخذ شور :eh_s(2): ،، أو بالليل إذا بنام ابجي بس بدون صوت يعني بس دموع تنزل ومعطيته ظهري
ما احب يشوفني أبجي بسبب زعل بينا ،، كبريائي يعورني هههه

بس جدامه أتمكيج وأتكشخ وأدق على أختي ونتواعد على غدا بره ولا طلعة حلوة ،، أحسه صج يفور ،، وطبعا عقب ما نتفق اقوله اني بطلع ،، مو معقولة أطلع ولا اقوله عاد مو لهالدرجة بس برسمية :eh_s(4):
بس طول الطلعة عيني عالموبايل أنطر مسج

بس أهو إذا طنقر علي عادي يطلع ويروح ويرد بس طول الوقت طايح خز ،، عاد لا نقعد بالصالة مع بعض التفت اطيح عليه يخز من تحت لتحت ،، وبسرعة أصد
يلتفت علي يطيح علي أخزه من تحت لي تحت هههههههههه وتييلي الضحكة والله جنا عتاوية

حلول معينة للصلح ما عندي
بس أنطر الأمور تنحل بروحها



دوركم ​

 

[صمــت_ALsHfaaH]

والله بصراحه انا وياه كل شوي بحال

يعني ممكن انا اصرخ وابجي وحالتي حاله واهو عمج اصمخ ويسولف بالتلفون ويضحك

واحياناا اكون هااديييه واهو يهاوش ويتحلطم

بس باالاخييير الاغلبيه انا ارااضيه ونادرا بس يراضيني بس الحمدالله انه يراضي

 

[زينبو]

رد : رد: زعلانة ؟

حسب الموقف يا اختي بس اكثر شي يبين على ويهي الزعل واذا فيني بجيه ابطها ماقدر و نصيحه لاتنامون والريال زعلان او انتي زعلانه اذا كان شي بسيط راضو بعض

 

[مروج الصحاري]

الله لا يجيب الزعل

انا انفجر اهاوش واعصب بس اتكلم واتفاهم

وهو برووود ويقول شفيك


تعودت

بس ماانام وهو زعلان علي

 

[iLLuMinaTion]

حسي الموقف

 

[ام الدرر]

اول كنت احتر واعصب وادز مسجات وانطره يعتذر واحيان اطوف وارضى بروحي
الحين بررووووووووووووود
ما اسال فيه لا اجهز ملابس ولا اطلب منه اغراض واذا طلب شي(اكل -ملابس -اغراض ) جهزته
البس واكشخ نفسج واذا ييت اطلع امر عليه انا طالعة تبي شي
ولا ادز له مسج اذا هو مو بالبيت (انا طالعة المكان الفلاني )
و امر اختي اروح اي مكان
ولا مع عيالي سينما ومطاعم
وهو يتحرش وانا طناااااااااااش
لما يتاسف



​

 

[عهد..]

رد : زعلانة ؟

مرحبا.. اول شي احب اقولك اني احب والله من قلب احب مواضيعك ربي يسعدك

طبعا انا من النوع الي اتأثر نفسيا بالمشاكل مع زوجي خصوصا اني مخلصه دراسه وقاعده بالبيت..
ومن النوع الي البكيه مااقدر امساكها مهما حاولت وصايره حساسه مره
بس احيانا امسك نفسي واطنش بس من جوه على قولتك محترقه وهذا نادرا
وهوه خلف الله عليه مطنش ولاحتى كاني جالسه بالبيت ابد واذا جلسنا بغرفه وحده
يكشر بوجه ويرد بنفسيه وكاني قتلت احد من اهله
من حلولي للمشاكل طبعا اذا صرت انا غلطانه<<ان كيدهن عظيم
اسوي روحي مريضه وتعبانه وحدي طايحه احيانا اكسر خاطره واحيانا
ولاعلى بالو,,​

 

[sawaranza]

يعجبوني اللي يطنشون وما يهتمون >>> انا من حزب الطماشه انشالله لما اتزوج اقولكم شيصير

 

[أميره الـ غ ـيد]

‘،

مرات اطنش واتكبر ومو هامني الموضوووع وانا ميته قهر


ومرات اعصب لدرجه صوتي يصير اعلى من صوته امبيييه انسى نفسي


مثلا قررنا نغير اثاث الصاله واخترت كل شي واهو ويااي وكل شي تمام
قام الاخ طلع وياا رفيجه

قال رفيجه هالمحل غالي روح محل اللي انا شريت منه
وراح زوجي واختار ودفع عربون وجاء فرحان


انا :rgewrg:

ويرتفع الصوت وصراخ وقلت انا بدفع
وفر فلوسك وعصب علي شنو قصدج والله ماتحطين فلس في بيتي
جان اعصب اكثر شنووو بيتك ؟؟؟

بيتي انا بعد وااااااااااء :eh_s(2):

وساعتين واحنا نتهااوش

وطلع


ولما رجع كنت هاديه وقعدنا نتناقش بهدووووء
وقلت ارجوك رفيجك هذا خل ينتحر

وبعد باجر بيوصل اثاثي اللي انا اخترته

اما المحل الثاني طار علينا العربوون

احيانآ زعلنا يتغير ع حسب الموقف

والحلول تتغير بعد





:eh_s(7):

،‘

 

[BiiShOoO]

اطنششش و اروح و ارد لين يراضيني هههههههه

 

[فوفو22]

كل الزوجات يتاثرون وقت المشاكل مع ازواجهم

بالنسبة لي

حنًّا زعل كبااار

يعني مافينا طرف يزعل الا للشديد القوي

غالبا زعلي ورا ظهري المووووهم انا صحتي وناستي رضاي عن نفسي

وهو الله واعلم بس اعرف بعدين انه متاثر

فوفو

 

[..MaYaR]

لوووووول ..
انا موب متزوجه بس حبيت موضوعج .
الله يوفجكم

 

[( مي )]

الله لا اييب الزعل


والله بس ساعات الزعل يخلي المواقف كوميدية​

 

[DooLy88]

انا تصير لي افلام هندية !!!!!!!!!!!!!!!!!!!!!!!!!!!!!!!



لأي درجة ممكن تتأثر نفسيتج بالهوشة
من نتهاوش ترتفع درجة حرارتي وماقدر امشي تصيدني حالة نفسية جدا سيئة واييني احساس كأني برجع


هل نوعج بسرعة تبجين ؟
اي ححححححححدي بسرعة -حتى هو تملل من دموعي هههههههههه بس شسوي موبيدي اهم ينزلون


ولا تحبين تبينين إنج قوية حتى لو من داخلج ميتة قهر ؟
لا يدري ان قوتي بأشيا ثانية
كثر مالساني طويل كثر ما انا قوية


ولا تطنشيييييييييييييييييييين وتطلعين وتروحين وتردين وتتكلمين بالتلفون وتضحكين ولا جنه صاير شي وكأنه مو موجود ،، ( أتوقع الريال تحره الزوجة اللي جذي ههههه )
لا ماقدر اطلع واستانس / لاني احس روحي مريضة وحتى ان طلعت ماستانس بالطلعة الا اذا اتصل لي واعتذر او عدل الوضع


ولا إنج تكتأبين وتييلج حالة قمتة وكآبة والويه أصفر !!
تقريبا نفس هالحلة


انتي من أي نوع ،، وزوجج من أي نوع !!
انا نوعي دليعة
امرض اصيح
اصرخ
ماقدر امشي
ههههههههههههههههه
اكبر المواضيع

وهو بس يطلع عند الباب 10 دقايق ربع ساعة
ويرجع ماجنه صاير شي ويتكلم بأي موضوع وتنتهي السالفة
وبعدين اتناقش معاه شوي شوي وباختصار
وبس


وشلون الوضع وقت قعدتكم مع بعض بالبيت وقت الزعل !!
تنتاقش بهدوووووووووووووووووووووووووووووء لاني ان صرخت زدت الطين بله
ومانقعد مع بعض وايد لانه يطلع ويروح مكان شوي بعيد مثلا عند الباب بره او غرفة ثانية
عشان يصفي ذهنه هههههههههههههه
واذا السالفة جايدة نتناقش فيها
ونادرا ما ننام واحنا زعلانين لان لازم كل شي ينحل بالهداوة بعيد ع الصراخ وتكبير المواضيع

اهمممممممممممممم شي ابتعدووو عن الصراخ
والتفاهم اهو الحل الوحيد

 

[tmtmt]

اول سنه او سنتين
كنت على طول ابجي

الحين لا الزمن خلانا اقوى ...

ما ابجي

وعلى حسب الموقف تكون ردت فعلي
يعني متنوعه بالزعل

 

[Q8tya_GirL]

انا من النوع اللى بسرعه اصرخ وابجي
واحاول اني اصير قويه وما تنزل دمعه بس ما اقدر اتحكم بنفسي

واهوا من النوع اذا زعل يحقر ويتكلم بالتلفون يضحك ومستانس
وانا من داخلي احترق وكل ما اشوفه يضحك احقد عليه لوول

 

[يكفيني حنانك..]

:eh_s(2)::eh_s(2):
بصراحه انا من النوع اللي مااقدر امسك دموعي اذا تزاعلنا,,وخاصه معاه هو سبحان الله مدري ليش ههههه وهو بعد اذا تزاعلنا يتضااااايق مررره يقول مقدر انام :eh_s(22):

 

[أم توتو]

رد : زعلانة ؟

أول ماتزوجت بسرعه أزعل وما أطبخ ولا أنظف البيت لا ألحين كبرنا وعيالنا كبروا صرت أطبخ عشانهم وأنظف البيت عشانهم أما هو أول مايشوف الغدا محطوط يجي يركض يتغدا ولا جنه شيء صاير وانا اللي ماده البوز خخخخخ

 

[دانة حبيبها]

رد : زعلانة ؟

:
:



انااا مرات احس نفسي فلم ..

مع اني مو دلوعه بس امووووت على اني ادلع عليه !!

اصلا اهوا عودني على جذي ..

وطبعي ازعل بسرعه حتى لو كلمه يقولها على ضحك اعصب و اطنقر و البوز ينمد !!

طبعا هذا على حسب الوضع مرات اضحك و مرات ازعل

و بما ان نوعه خجوول ما يعرف يراضي حدا يقولي انا اسف و حقج علي و بمسج بعد ..

و اسكت انا اطخ << بس هالشي ما يرضي غروري ابيه يساحلني

واذا تناقشنا بالموضوع اطقهاا بجيه مو بس اذا تناقشنا بكل شي

وهو نقطة ضعفه اذا بجيت ينهاار يقعد يقولي خلاص لا تبجين والي تبينه يصير << اكسر الخاطر

و اصلا انا ما اتحمل نص يوم زعلانين على بعض ..

يعني اذا اهوا ما عطاني فيس اعرف نفسي مصختها واروح له

والله لا يجيب الزعل ..

:
:​

 

[bint_looda]

لوووول والله جنج انا اسكت معني ميته قهر يا ادش اخذ شور وابجي يا اعطيه ظهري وبهدوء تام لووووول
قبل كنت ابجي على اي شي اذا انقهرت بس حسيت ان جذي احسن لي وله فشوي شوي عودت نفسي على هالطريقه
ولي تزاعلنا تشوفين كل واحد ماسك لابتوبه والوضع هدوووووووووووووووووووووووووووووووووووووووووووووووء ههههههه شي ينرفز p: