زرتــــــي تركـــــــــيا ......دخلي

[جـنـى]

:eh_s(17)::eh_s(17):السلام عليكم:eh_s(8):

شلوونكم !!؟؟


حاجزه لاسطنبول بالعيد و بنقعد هناااك 12 يوم

اطلب ممكن تكتبون لي نصااايحكم + و الاماكن اللي تستاهل هناك + و محلات الملابس التركيه +
و اسم الفندق اللي سكنتوه :bbbiu:



و الف :eh_s(17):
الف
الف شكــــــــــــــر لكم

 

[الكناري]

وانا بعد حاجزه على العيد انا وعيالي
فياريت تفيدونا بالاماكن السياحيه في تركيا

 

[_كلي دلع_]

آن شآء آلله البنأت يفيدؤنج

 

[ايمو]

انا انشاله بعد يومين نازله يارب تتم على خير الكثير يمدحووووووو طرابزون بورصه تربيان يلا لو
واسعارهم حلوه ورخيصه

 

[جـنـى]

up

up

 

[سارا ديور]

انا رحت لها اخر شهر 6
سكنا في اسطنبول
منطقة تقسيم اهيس احسن مكان للسياح
سكنت في فندق اسمه سنترال بالاس 5 نجوم وايد حلو
طبعا التنقل كان عن طريق التكاسي والمترو
ونصيحه لما تطلعين مع التكسي خلي الفندق يطلب لج التكسي لأي مشوار علشان لو نصب عليج او نسيتي شي بالسياره
اهما يكونون ماخذين رقمه

في تقسيم اكو شارع اسمه الإستقلال طوييييييييييل وعلي يمينج وعلي شمالج كل محلات

في سوق حلو في منطقه اسمها عثمان بيك كلها ملابس تركيه للسهرات والاستقبالات واسعارهم حلوه

في عندج السوق المسقوف وايد حلو وكبير فيه الجناط تقليد درجه اولي وسجاد وتحف وفوريرات

عندج سوق استينيا بارك هذا بالتاكسي تروحين له صدقيني ما راح تندمين وايد حلو محلاته كأنج داخله سوق الافنيوز و360

مجمع جواهر حلو

وجمع مترو

مكان حلو ترفيهي قهاوي ورحلات بحريه الأرتاكوي واااااااااااايد ونيس

إذا معاج يهال الله يعينج لأن اسطنبول كلش مو مالت يهال راح يملوون

واجازه سعيده

حبيت اقول لج لازم تصرفين لكل فرد 20 دولار او 20 يورو لأن بالمطار ياخذون عليج فيزا

لو عندج أي فون انصحج تحطين برنامج مترجم السفر واااااااااااااااااااااايد فادني

 

[وجـــد]

آآآب آآآآب

نبي خبراتكم

 

[غروري عاجبني]

طبعا ويه ذكرتوني يوم سفرتي قبل سنتين .. احنا قعدنا باسطنبوول 4 ايام بسسس رحنا بورصــه احلــي سكنا بشارع سلفلي جاده بشارع هذا >> شقق ديلوكــس الان سمله علينا عائله وماينفع فندق و بعد رحنا الشلاالات الصغير والكبير ورحنا مجمع يهببببببببببل كله كفرات اسمه اوزدلك يجنن كله كفرات يهبلون واذا رحتي لازم تاخذين اكييد يعجبج ورحنا منطقه التلفريك حلوووووووه وبعد اذا تذكرت بدش اوك برب ​

 

[جـنـى]

up
up

لاتبخلوون عليناا

 

[أم حسيب]

ان شاالله تستانسوا
انا كنت هناك بس من زماااااااااان

 

[وجـــد]

آآآب آآآب

نبي آحلى اماكن تسوق بـ اسطنبول وبورصآآآ

 

[Miss-NY]

انا رحت اسطنبوول وبوورصه
اسطنبوول فيها قصر من داخل متحف واايد حلوو
اسمه دولماباشاااا
واللي اذكره جواهر مول
وان شالله يفيدوونج اكثر

 

[جـنـى]

up
up
up

 

[ملكية قدساوية]

ايييييي والله يآريت الي رآحـوآ تركيآ يفيدونآ
ودنا نسآفر يآ تركيآ يآ تآيلند بعد مآ كنسلنا لندن

يعني بنات اهي ونيسـه حيل حق عآيله جذي

 

[عسوله ودلوعه]

انا رحتله بشهر 2 كااان برررررررررد
واسواقهم روووعه روحي لمجمع مثل (جواهر ، هستوريا،آخ مركز، ايفورم) والاسواق الشعبية مثل(سوق محمود باشا، سوق البازار (هذا يينن) والسوق المصري)
اما المنتزهات عندج مسجد السلطان احمد وكنيسة أيا صوفيا وقصر دولما بهجه وشارع تقسيم ييننن وجزيرة الأميرات ورحله للبسفوربين تركيا اوروبا وتركيا اسيا وعندج بعد قصر دولما بهجة وميني ترك .
وروحي لفندق (star citu ) اسم الفندق ستار ستي حلو وجنب مجمع هستوريا مول وهذا رقمهم00902126219637

 

[nadoooy]

قوة بنات عندي استفسار من صاحبة الموضوع او البنات اللي راحو تركيا من وين ناخذ الفيزا لازم من السفارة ولا عادي نفيز بالمطار واذا بالسفارة اشكثر تطول الفيزا

 

[جـنـى]

اختي الفيزا بالمطار و سعرها 20 دولار

 

[nadoooy]

مشكورة حبيبتي

 

[جـنـى]

ولوو ماسويت شيء

 

[ترتر زري]

أسطنبول مدينة تختصر العالم

كل شي فيها طبيعة جو تسوق حديث وقديم

طبعاً لازم تروحون الأماكن التاريخية قصر دولما وطوب قابي سراي وأيا صوفيا روحوا التلفريك في قعدات حلوة تل العرايس جزيرة الأميرات

والسوق جراند بازار أحلى شي مثل المباركية والسوق المصري

والمولات وايد جواهر وميترو كانيون .. المولات كل مكان

ولحد يخرعج من تقسيم ترى أمان والشرطة منتشرة بكل مكان خصوصا بالليل

وأحلى شي السكن بتقسيم عشان كل شي يمج وأهمها شارع الأستقلال