زراعه الشعر للحريم

[noo7a]

السلام عليكم


بنات انا من كنت بالمتوسط و بلش شعري يحت بشكل مو طبيعي

ليما وصلت الحين عمري 26 و انا شبه قرعه

رحت دكاتره وايد و استخدمت ادويه و بخاخات و زيوت و تونك ولا اكو فايده

لي درجه مره واحد من الدكاتره اول ماشاف شعري شهق و قالي ايي ده ! ده صلع جامد

حسبي الله عليه لعبت بنفسيتي هالجمله

ولا تشوفون المعاناه لي صار عندنا عرس و لا عزيمه ,, أصلا وايد عزايم و عروس اعتذر منها بسبه موضوع شعري

خو الحين خلاص اعتمدت الباروكه حق العروس

المهم ما علينا من هالمقدمه الطويله بس حبيت اطلع شوي من الي بقلبي

الحين انا ماكو جدامي الا خيار واحد الي اهو الزراعه

قاعده احوس و ادور بالنت و المنتديات كل التجارب للشباب ماكو ابنيه ذاكره تجربتها

يليت الي مسويه او تعرف وحده مسويه زراعه تذكر تجربتها و وين مسويتها

الكويت انسو اسوي وايد غالي اوفر

الحين جدامي خيارين يا ايران او تركيا

ايران مشهوره اكثر بموضوع الزراعه بس الي سمعته ان عندهم لازم يحلقون الشعر كله

اهو صج ماراح يفرق وايد معاي ان حلقت راسي :\ بس احس صعبه لان لازم 10 أيام ما احط ولا شي على راسي لا لفه و لا كبوس و لا شي

فمو حلوه اقعد جدام ريلي و عيالي وانا بهالشكل

اما تركيا فانا راسلت مندوب بمستشفى هناك قالي ان عندهم تقنيه يديده للحريم ما تحتاج للحلاق

بس انا حصلت هالمندوب بمنتدى أخاف تكون دعايه و المستشفى مو تمام

فياليت الي عندها أي فكره عن موضوع الزراعه تفيدني







:eh_s(7):

 

[FANA__3]

اعرف وحده سوت زراعه بإيران بعياده بادرا اللي لهم مكتب رئيسي للحجر بالكويت اللي ببرج باناسونيك بالديره

اهو على حسب مكان الفراغات يحددون لج اذا محتاجه تحلقين كامل الشعر او لأ .. يعني مثلا اذا عندج فراغات بس بمنطقه وحده يعني تقريبا يكون شكلها مثل الثعلبه يمكن بس يحلقون الشعر بهالمنطقه .. اما اذا كان عندج خفه بالشعر يعني الفراغات عشوائيه فراح تضطرين تحلقين شعرج كامل

اللي اعرفها كان عندها خفه بالشعر من مقدمه الشعر للوسط .. وحلقوا لها كل شعرها

والمركز عنده تقنية زراعة الشعر بالاقتطاف .. يعني ياخذون بصيله بصيله من المنطقه الخلفيه من الشعر واللي يسمونها بنك الشعر وياخذون هالبصيلات ويزرعونها جدام

وعندهم تقنيتين .. التقنيه الاولى تاخذ منج حوالي 5 ايام للزراعه بس ما توفر الكثافه المطلوبه لانه العمليه تكون يدويه .. والتقنيه الثانيه اغلى من التقنيه الاولى وتوفر كثافه للشعر وتم الزراعه خلال 3 ايام


وكثافه المنطقه المزروعه تعتمد على كثافة الشعر بالمنطقه الخلفيه (بنك الشعر) .. يعني اذا شعرج من ورا كان كثيف تقدرين تزرعين وايد بالمنطقه الاماميه اللي فيها فراغات .. اما اذا كان الشعر ورا خفيف او عادي فما راح تصير كثافه بالمنطقه الاماميه .. بس انه الفراغات راح تتغطى


بس ترا الزراعه تعور .. والبنيه اللي اعرفها تحسفت انها سوت زراعه من العوار اللي حسته .. بس عادي المهم ان الشعر يطلع ولا انها تقعد بدون شعر


مركز بادرا مقرها الرئيسي بشيراز ولهم افرع ثانيه بإيران .. وهالعياده فاتحه مكتب رئيسي لها بالكويت للاستشار المجانيه والحجز بإيران .. والحلو بالعياده انج تتابعين تطورات حالتج بعد الزراعه بالكويت ويسوون لج ليزر ويعطونج ابره بلازما وعلاجات ثانيه


وبعد هالعياده عندها تقنيه زراعه الشعر عن طريق الاستنساخ بس للحين ما اعتمدوها .. هالتقنيه تنفع للناس اللي عندهم صلع كلي او خفة بالشعر بكل مكان .. وطريقتها انهم ياخذون بصيلة شعر من منطقة تتمتع بخواص عاليه مثل المنطقه الخلفيه بالشعر وبعدين ياخذون خليه من هالبصيله ويحطونها في بيئه معينه علشان يستنسخونها .. وعلى حسب كلام العياده اللي طلعوا بلقاء على قناة العداله ان الاستنساخ اتم خلال عشرين يوم وبعد عشرين يوم يسوون الزراعه .. ومن كل خليه شعر يستنسخون منها 150 خليه .. يعني من خلال هالطريقه ما راح تضطرين تاخذين شعر وايد من المنطقه الخلفيه من شعرج وتنفع للي عندهم خفه او ضعف في المنطقه الخلفيه بالشعر (بنك الشعر)

وهالتقنيه موجوده برا وخاصة بفرنسا بس غاليه

اذا تبين تفاصيل كامله عن تقنيات الزراعه بهالعياده اخذي منهم موعد والاستشاره مجانيه وهذا حساب العياده padra_int@ وعيادتهم ببرج باناسونيك بالديره الدور 29


وهذا لقاء مع العياده ببرنامج ناديه الصقر على قناة العداله

https://www.youtube.com/watch?v=-Adfya6wN7s


بالنسبه لتركيا شنو التقنيه اللي يقول عنها المندوب؟ .. واذا ما راح تضطرين تحلقين راسج عيل سوي عندهم

 

[FANA__3]

صح اذا شعرج دهني لا تحطين زيوت على شعرج لانه راح تدهور حالته اكثر

 

[noo7a]

الف شكر حبيبتي على الرد fana

انا بشكل عام الخفه بشعري كله
بس الي بزود بمقدمه الشعر و النص و هذا المهم لان الواجهه و اهو الي يعدل من الشكل :\
انا المهم عندي ان اغطي الفروه الي جدام لانها حيل حيل واضحه بشكل مقزز و ما تترقع


بتركيا عندهم الاقتطاف بعد
ماعطاني التفاصيل لان ما تعمقت معاه بس على كلامه هذي الطريقة الاحدث عالميا بدون داعي للحلاقه

 

[FANA__3]

ممكن تحطين ارقام التواصل مع المندوب .. وسأليه اذا فيه عندهم تقنية استنساخ الشعر لاني مره دخلت موقع عياده تركيه بالنت وكانوا كاتبين انهم يبون يطبقون هالتقنيه بس ما حفظت لينك العياده

 

[FANA__3]

شوفي هالرد اخذته من موقع خاص بالشعر

في عضو قال انه جرّب الإستنساخ في مركز الدكتور عادل قطينه " اللي زرعت عنده "

أتذكر كان يقول في رده ان ياخذون منك بصيلات قليله وكل شهر ياخذون منك دم علشان الإستنساخ

كان ودي العضو يفيدنا لكنه اختفى وبحاول أتواصل مع المركز وأسألهم عن هالتقنيه

ان شاء الله الكلام يكون صحيح ويبدأون الأطباء بتطبيقها

لأن أصعب وأتعب وأبيخ مراحل الزراعه هي الإقتطاف من المنطقة المانحه

مركز الدكتور عادل قطينه موجود بالكويت بميدان حولي .. دقي عليهم وشوفي اذا عندهم تقنيه الاستنساخ او لا .. مع اني ما اعتقد

 

[FANA__3]

شوفي هذا احدث جهاز لاقتطاف الشعر من ورا ويمكن العوار راح يكون اخف عن طريقه

The ARTAS Procedure Ziering Medical 1920 x 1080)
https://www.youtube.com/watch?v=iwtfZzTqfbo&feature=youtu.be


وموجود هالجهاز بمستشفيات تركيا دشي هالروابط فيها تفاصيل وعنوانين المستشفيات

أحدث طرق زراعة الشعر في أمريكا المتبعة الان في مشفى دارالشفاء للاستفسار 00905370100700

https://www.youtube.com/watch?v=IiL52GZDXO4
https://www.youtube.com/watch?v=EZkk71MrZPY


اما بإيران ما اعرف اذا الجهاز موجود بعياداتهم او لا

 

[noo7a]

ممكن تحطين ارقام التواصل مع المندوب .. وسأليه اذا فيه عندهم تقنية استنساخ الشعر لاني مره دخلت موقع عياده تركيه بالنت وكانوا كاتبين انهم يبون يطبقون هالتقنيه بس ما حفظت لينك العياده

هذا رقم المندوب الي كلمته

905324810465


حاليا اليوتيوب ما يفتح عندي لاني بالدوام
ارجع البيت و انشالله اشوفهم

 

[keka89]

روحي عند دكتوره منال شتا تسوي زراعه شعر ايطالي الشعره بدينا ر صدقيني شكله حلو وطبيعي ومايطيح كلش هذا على كلامها طبعا انا للامانه ماجربته ولا ادري عنه
والسعر رخيص يعني لو تزرعين الف شعره ب 1000 دينار بس
بس اذا بتروحين بره اعتقد ايران اشهر من تركيا

 

[FANA__3]

انا سمعت انه وراعة الشعر الايطالي مو زين ويسبب تساقط الشعر الاصلي .. دوري عن هالموضوع بالنت شارحين عنه وايد

 

[noo7a]

روحي عند دكتوره منال شتا تسوي زراعه شعر ايطالي الشعره بدينا ر صدقيني شكله حلو وطبيعي ومايطيح كلش هذا على كلامها طبعا انا للامانه ماجربته ولا ادري عنه
والسعر رخيص يعني لو تزرعين الف شعره ب 1000 دينار بس
بس اذا بتروحين بره اعتقد ايران اشهر من تركيا

غالي حيل الشعره بدينار

انا يبيلي وايد 1000 ما راح تسويلي شي