زبدة الشيا خام بسرعه دشو

[السنيوره@]

السلام عليكم
بنات الله يخليكم شريت زبدة الشيا خام
شنواخلط معاها ع حسب تجاربكم لتفتيح وترطيب وخاصه لتشققات والخطوط الحمراء
تكفوووون بنات لاتردوني انتظركم
ابي اخلط كريمات وزيوت تفتيح بس شنوتنصحوني بكريمات تبيض طبيعيه مابي كرتزون مثل دوكين وافالون

 

[السنيوره@]

حرام عليكم19 داشات ومحدرد ع الااقل ارفعو الموضوع

 

[النفس الخجولة]

تصدقين انا عندي شريته من تاجرة وسويت فيه خلطة تورد الشفايف خبصت ام الدنيا
وباقي منه واجد طايح بجبدي هههههههههههه
ماعرف ان شاءالله تلقين الي تساعدج

 

[همي بعد اهلي]

اخلطيها مع زيت الزيتون الاصلي حتى تصير كاللوشن وخليها مرطبك اليومي يمدحونها
وكمان جربتها اخذتها من لوكستيان مره حلوه لليدين لاتطلعين بالشمس تسمر......​

 

[السنيوره@]

شنو خلطتج اللي تورد الشفايف اسعفيني فيها

 

[السنيوره@]

مع زيت الزيتون انتي جربتيها اختي

 

[قلب ملكه ~]

اخلطيها مع زيت الزيتون الاصلي حتى تصير كاللوشن وخليها مرطبك اليومي يمدحونها


وكمان جربتها اخذتها من لوكستيان مره حلوه لليدين لاتطلعين بالشمس تسمر......​

زيت الزيتون يسمر ياروحي :eh_s(7):

 

[&موناليزا&]

عزيزتي رفع لعيووووونج

 

[semony]

والله ماخليت شي ماخلطو فيها

زيت جنين القمح واللوز المر وزبده كاكاو ولوشن من فازلين وكبسولات فيتامين إي و زيت البنفسج وووو كل اللي عندي حطيته ^^

بحارب الخطوط ان شاء الله الين تروح

بس نعووومه روووعه بصراحه

 

[توتا حمرا]

بصراحة ماسبق إني استخدمتها
بس يقولون اتحطين فوقها زيت زيتون بكر دافي هذا الأصلي يبيض اما المكرر يسمر
واخلطي معاها كريمات خاصة للتشققات وخصوصا اللي تحتوي على زبدة الككاو

 

[احاول]

ماشاءالله القسم كله خلطات زبدة شيا .. طبي وتخيري

خاصة ..مواضيع الأخت جراس وماي ورد وغيرها كثير

 

[السنيوره@]

مشكورات حبايبي ماقصرتوا عارفه القسم فيه كثير بس ابي حسب تجاربكم

 

[فراوله..]

حسب تجربتي
آخذ نتفه من الزبد الخام شيا كاكاو ومانجو يعني مقدار ملعقه من كل نوع واذوبها بحمام مائي
واجيب كل اللوشنات اللي عندي على حسب الموجود مقدار اللوشنات ممكن فنجان القهوه
مثلا فازلين البنفسجي وفازلين زبدة الكاكاو وجونسون زبدة الشيا و21 الاورنج
ومقدار غطا من بعض الزيوت مثل جنين القمح او السمسم والليمون والبرتقال او اي زيت عندك
طبعا الزيوت مو نوع واحد ممكن احط 4 او 5 انواع واخلطها واستخدمها عادي