زان الجو ,, وبدينا نجهز لطلعة البر

[wasany78]

شلونكم بنات انشاءالله تمام
:stars:
:stars:
:stars:

:27d66a9c24b146327bfالجو بدا يتعدل والبرد كل ماله يقرب اكثر واكثر:27d66a9c24b146327bf






انا اول مره بطلع مع حمولتي البر وبحطلي خيمة وناسة زوجي قال انه بيفصل خيمة كاملة وناسة:jbdwjbd:
تعرفون يعني شنو ,,,انا اقولكم يـــعني
خيمة وحدة بس من داخل مقسمة غرفة للنوم ومطبخ وصالة وغرفة صغيرة للاغراض وطبعا تكرمون الحمام لوووول:eh_s(3):
صج وناسة وانا حدي مشتطة قاعدة اجهز من الحين الاغراض للبر مثل مطاطير للجاي والقهوة عجبوني يصلحون للبر فيهم صورة حطب ونار وغوري جو البر يعني والسرير وهذا اهم شي روعه سريري اهلي قالو حرام كلها بر بس انا عندي مهم نفرين حديد مطروق وووو وأشياء كثيره بس انا وقفت عند تكرمون الحمام ماعرفت شحط فية او شنو اللي راح احتاجة بالحمام :eh_s(22):
:eh_s(17)::eh_s(17)::eh_s(17):بليز بنات اللي عندها خبرة بهسوالف تنورني وتنور البنات بعد:eh_s(17)::eh_s(17)::eh_s(17):
وبلمره اللي عندها معلومة تضيفها عن اي شي يخص البر والخيام
ياالله بنات نبي تفاعل
GO

GO

GO
:33_1185028183::33_1185028183::33_1185028183:

 

[أغلى حبيبه]

رد : زان الجو ,, وبدينا نجهز لطلعة البر

هلا فيج حبيبي

وان شاءالله تستانسن بالير والجو الحلو

اول شي شلون بفصل خيمه فيها غرفه النوم والقعده والمطبخ والحمام ماايصير

شوفي اهوا راح يلاقس خيمه تصير بالطول وداخل الخيمه يصير فيه قاطع هذي تقسمينها حق النوم والقعده

والحمام خيمه صغيره بروحها يا امه تلزقينها بواحد من بيبان الخيمه ولا تبعدينها شوي وتسوين لها ممر مقطه كله يعني محد بشوفج وانتي طالعه وداخله الحمام

والمطبخ انصحج تشترين مطبخ كيربي ٤ في ٤ وتخلينه معزول شويه عن خيمتج

وتحطين فيه الجوله وادراج الارفف حق اغراضج وسله حق مواعينج ومغسله كيفج تبينها ارضي ولا عامودي

وشوفي قبل لا تفرشين الخيمه في عارل مثل طربال لازم تفرشينه قبل الزل عشان اذا طق مر ماتنقع الزل وتصير فيهم ريحه

وحطي بين الزل والطربال بف بف البودر عشان الحشرات

واممممممم بعد

اي مايصير مطاطير بالبر خلج على القواري والدوه والفحم

واشتري جم قوري

حق الجاي الاحمر والاعشاب واللووووومي اهم شي


واي شي تبين احنا بالخدمه

 

[أنهار الكويت]

واااي انا غرامي البر
واليوم والله طلعت خيمتنا والزله وداهم السايق البر

انا عندي كذا ملاحظة اهي ملاحظة وانتي وكيفيج اختي الكريمة
انتي قلتي انج طالعة مع حمولتج صح ؟؟؟ :gathering:

يعني مو انتي وزوجج بس المقصد ان انتو طالعين يمعه وفي كذا خيمة بتكون صح احنا نظامنا ان المطبخ يكون مشترك للكل
يعني مو معقوله كل خيمة بتحط لها مطبخ قويه وحلاة البر بيمعته اذا كل واحد بياكل بروحة عيل اشحقا طالعين
فاقتراحي انج ما تحطين مطبخ شتحطين بدل المطبخ اذا مثلا بتاكلين شي بخيمتج انتي وريلج مثل صندوق يكون محكم الغلق علشان تطمنين ان ما يدشة شي تحطيلج اقلاصات وصحون بلاستك وقفاش وحلوياتج وبفكاتج وجم جبن من هالسوالف .


اما المطاطير نفس ما قالت اختي الي قبلي حلاة البر بالقواري بس ما يمنع ان تكون القهوه بالمطاره .

ومن نصايحي بعد الخيمة مو يكون فيها قاطع خلي الليت منفصل التحكم يعني مو اثنينهم يولعون مع بعض لا كل ليت تقدرين اتحكمين فيه علشان لي صار واحد يبي ينام مو ياذي الثاني .

اما الحمام عزكم الله هم نفس اختي اتفق معاها احنا نسوي جذي لا تخلينه لازق بالخيمة قطيعه حق الخيسة والريحة لا بعديه شوي يعني خلي ممر وسمتي الممر والحمام كله وحطي عازل او ساتر يمين ويسار الممر وحطي فيه مغسله او حنفيه علشان الوضوء او تحطين فيه السخان الي ينحط تحته فحم علشان على طول الماي يكون دافي لي توضيتي .​

:cxxxp: :cxxxp:
:tek:

 

[..<< ندى الورد >>..]

رد : زان الجو ,, وبدينا نجهز لطلعة البر

والله امي امس راحت وشرت الخيام مع الوالد

 

[أم أحلى البنات.]

اهيئ اهيئ اهيئ

أنا تجيني ضيقه اذا جابوا طاري البر :"(

 

[wasany78]

[COLOR=[B]"Teal"]هلا فيج حبيبتي ألى حبيبة ومشكورة على النصايح اللي صج بتفيدني بس بقولج ان اخيمة مقسمة من داخل مو خيام وفيها ممرات لا والخيمة هذي تفصلينها بذوقج ويمكن تلقين جاهز وانا شايفتها عند عمتي الخيمة رووعه يعني لما تشوفينها من بره جنها خيمة وحدة كبيرة بس لما دشينفيها بيبان مو قاطع انشا الله تكونين فهمتي قصدي [/B][/COLOR]

 

[wasany78]

هلا حبيبتي انهار الكويت ومشكورة سالفة الفحم اللي ينحط بالحمام حلوة وتخلي الحمام كله دافي بس ذكرتيني المطبخ واحد يعني الغدا والعشا واحد بس المطبخ اللي عندي بس لريوق تعرفين للجاي والقهوة اذا حبيت اسوي او اذا صارت الجمعه عندي يعني لابد منه,,,وثانكس استفدت منكم كويتيات واااو

 

[كويتية منسية]

السلام عليكم

انا وزوجي وعيالي صار لنا نخيم 3 سنين
والحمد لله بدينا بخيمة مع مخيم اختي
والسنة اللي وراها زوجي عجبته الفكرة وخيمنا بروحنا واغراضنا ملوت المخيم حطيناهم ببيت عمي أبو زوجي

طبعا أغراض البر من مواعين وديباجات وأثاث بس حق البر خزناهم

وهالسنة توسعنا أكثر والحمد لله زدنا خيمة اكبر مع الثلاث خيام وصار الحمام تكرمون فيه ماي حار ودش للسباحة

غير الحمامين الثانيين واحد للشباب والثاني للزوار

والمطبخ كبرناه وصار أوسع مع فلتر حق الطباخ

التجهيزات على قدم وساق والحين جهزوا المخيم ونصبوا الخيام بس بقى اشوية ترتيبات وفرش الخيام

زوجي يقول الافتتاح أول يوم العيد اتيون تشوفون المخيم ههههههههه

بس ما ادري اليهال يقولون يبون هالسنة نطاطية وما يبون دوارف

 

[×× شموخ أنثى ××]

رد : زان الجو ,, وبدينا نجهز لطلعة البر

أختي نفس ماقالوا البنات يكون الحمام لازق بالخيمه ممر طويل .. من ذرا الخيمه ..

1_ الحمامات عزك الله تلاقينها جاهزه بالسيراميك والحوض وكل شي فيها .. بسوق الخيام ..

2_ أدراج لحفظ الصحون والأطباق وأغراض المطبخ ..

3 _ لاتنسين الدوه وأدوات الشوي ..

4- ضروري يكون عندج تانكي صغير مخصص للحمام ..

5 _ في تب كبير وطويل تحطين فوقه فحم ويصير لج الماي حار 24 ساعه ..

6- في جوله صغيره بشنطه وعلب غاز صغيره أو الدافور راح تحتاجينهم خاصه بوقت الليل ..

7- طبعا الدلال والغواري كثري منها ..

8 - بكس صغير وشكله حلو مخصص لطلبات الجاي والقهوة مثل نعناع زنجبيل ...حتى يكون ترتيبج حلو بالمطبخ الـــــخ ..

9 - طاوله مرتفعه للطبخ علشان تحطين فوقها الجوله لزوم الطبخ ..

10 - اذا أنتي من النوع اللي يحب الطبخ .. أنصحج بالفرن البري عجييييييييييييب لزوم المفطح وهالسوالف ..

11 - تلاقين في ايكيا كبت نايلون ومعاليق مهم جداااا لملابس ريلج وملابسج وعلشان يكون شغلج نظيف ..

13 - وبعد بايكيا طاوله ضغير نايلون تحطينها يم سريرج لزوم أدواتكم الشخصيه ..

14 -رف صغير تلاقينه عند بوميه تحطينه بالحمام عزج الله لزوم الشامبو .... الـــــــــخ ..

15- ضروووووري المعطرات والمرشات والبخووووور والمعمول خاصه كثري منه ..

16 - لاتنسين الكوايه أهم شي خلي ملابسكم عدله ..

17 - ولاتنسين تاخذين الأطباق البلاستيك المقسمه تفيدج حيل للككاو والحب وهالسوالف جدامهم حلوة ولزوم سهرات الليل الخاصه ... الــــــخ ..

18 - مهمه الزوالي الصغيره البلاستيك تستفيدين منها ... وممر سجاد تحطين بين خيمتج والحمام ..

19 - اخذي معاج الناموسيه وخليها فوق سريرج تعطي جو مو طبيعي ..

20 - اخذي معاج جلسه تحطينها بالخيمه اللي تستقبلين فيها حمولتج ..

هذا اللي ذكرته إلى الأن ولأي استفسار حاضرين يالغاليه ..​

 

[عيالي غناتي]

ونااااااااااااااااسه ياحلو طاري البر

العام خيمت مع اهل زوجي وناسه

خيمتين فاتحتهم على بعض الخيمه الصغيره ام عامود واحد حاطه اغراضي واغراض عيالي وصندوق فيه الاشياء البسيطه عصير وبطاط وكاكاو لعيالي وجبن وخبز وشغلات خفايف والدفايا اللي فوق فيها مثل الجوله فادتي كثير وهذي صورتها




اما الخيمه الكبيره حقت النوم وحاطت لي سرير نفر واحد لي وعيالي ينامون بالارض شاريت لهم سليب باق والله صج بنات انصحكم فيه يدفي



والحمام مخليته مثل ممر بعدين حمام ما انصج تعزلينه برا لان برد وعيالج حرام بالليل يبون الحمام يخافون واذا سمتيه احسن انا حمامي مسمت
ونظام الحمام مثل الممر وعقب الحمام الممر حاطه طاوله صغيره فيها منظره وحاطه اغراضنا الحمام وبالدرج فيه سحاب واحد حاطه اجياس الزباله كرتون كلينكس


بالنسبه للمطبخ لا والله كلنا بمطبخ واحد مع اهل زوجي ماعزلت نفسي لانها طلعه ووناسه

 

[روحي زوجي]

رد : زان الجو ,, وبدينا نجهز لطلعة البر

كل سنه اخيم اما هالسنه ماراح اخيم <<< خليج عند كلمتج

كان مطبخي بروح وهم حمامي الخاص بروح وحمام اليهال برا

اما المطبخ بروحج افضل لان اليهال تحوس مع بعض بالاكل


عندي المكاشيت اونس واخف وعلى حسب الجو اذا كان مغيم وناااااااااااااااااااااااااااااااسه

 

[wasany78]

هلا فيج اختي شموخ أنثى
مشكورة على الافكار اللي عطيتينياها صراحة ذكرتيني بشغلات واجد الف شكر لج ولكل اللي فادوني وانا الحين سجلت كل شي وراح ابتدي اشري الاغراض
عيالي غناتي صح كلامج انا بخلي تكرمين الحمام داخلي وأكيد بهتم فيه اول باول
روحي زوجي ثاااانكس على الافادة والمطبخ الخاص حلو للخصوصية والراحة وانا حاطة ابالي اسوي جمعه عندي بخيمتي العصاري او بالليل للسهرات وتدرون الحريم لي تجمعو لازم الجاي والقهووة والنسكافية بانواعه هذا غير القروضات والكاكاواات
وووعلى فكرة انا احب الصبح اسوي خبز ومعفوسه تعرفونها وووبس مره ثانية مشكورين الكل

 

[غلاالروح82]

ونااااااااااااااسة لاتحريني اذا جيت من امريكا لاتنسين تعزميني نفس العاااااام
ولاتنسين عبود وخواته اذا رحتي اخذيهم معاج بالعطل خليهم يستانسووووووون

 

[wasany78]

غلا الروووح
هلا والله فيج وبعيالج ,,,,,,,,,البر بدونج ولا شي هااااهااااي

 

[ديمي 12]

نصيحه مني ابتعدي عن الفحم واذا تبين الماي حار في الحمام جيبي ترمس الماي وسخني الماي وحطيه فيها واهي تحفظ على الحراره وانا مجربتها احط الماي الحار فيه من الليل واذا قمت الصبح الاقي الماي دافي ولاتنسين تاخذين معطرات الجو حق الحمام

 

[شمس 20]

يازين البر

 

[wasany78]

اي والله يازين البر زيناه
يابنات يأمورات بقولكم شنو شريت للحين
جولة 3 عيون تنحط على طاولة
سلة للمطبخ4 طوابق
شغلة لقيتها تتعلق طويلة ومقسمه تقريبا 10 فتحات تكرمون للجواتي
رادو صغير وهذا شي مهم بالنسبة لي
وبطاريات
وشمسيه مستعجلة علمطر
تريك
وليت نيون 4 شحن
وشرين علاق للملابس اللي يجي من تحت مكان للجواتي
بنات مدري بتضحكون علي شريت,,,,,, قاطع تعرفونه قلت احطة بين السرير وباجي الخيمة يعني اول مادش خيمتي اللي انام فيهاماشوف السرير لا او احطة يمكن جدام كبت الملابس والغراض,,او جدام الباب يعني اللي يمر مايشوفني بس انا اشوفة (اقصد حماني ورياييل خوات ريل الثنتين).
غوري كبير لتسخين الماي للغسيل وغيرة
وباجي الاغراض بكملهم انشاءالله
لي عوده باي

 

[كيكه شوكولاته]

يا حلو البر وريحته وجوه واكله طبعا احلى شئ بالبر الاكل اااااااااه كل شئ كل شئ ايم البر حلللو

 

[أغلى حبيبه]

رد : زان الجو ,, وبدينا نجهز لطلعة البر

وييييينكم نبي بعد افكاااركم

ما نبي ننسى شي

 

[الأميرة جوري]

رد : زان الجو ,, وبدينا نجهز لطلعة البر

واااي يا حلاة البر