رُوح - الله يسّآمحك [ رُوح ! واقِعيةهَ ~

[مُتعبة]

​

اول رواية لي أتمنى تعجبكم بالبداية نتعرفعلى الشخصيات الرئيسية بالقصة واللي ماراح تتبدل​

سارة ، عمرها 13 سنة اتجوف حركاتها كلشماتقول عنها بهاي العمر ، سابقة عمرها بتفكيرها ما شاء الله عليها ، آخر العنقودحنطاوية متوسطة وشعرها قصير لي رقبتها وعينها حلوة وتلبس عدسات ملونة دايماً ، لأننظرها حيل ضعيف .. و فيها غمازة خفيفة بالحيل بخدها اليسار​

بالرواية ماراح نتعمق بأهلهم وايد بس إهيعندها 3 أخوات و3 أخوان​

​

رغد ، عمرها 15 سنة بثالث متوسط – بنت حبوبةوايد وعائلتها يحبونها ، نحيفة وقصيرة حيل ، شعرها اسود وقصير و وايد حلوة اللييمزها غمازاتها الحلوين اللي يبانون بس تبتسم مع انها منعزلة عن باقي العايلة​

عندها اخوان اثنين و 4 خوات بس المهم بهالقصةاختها آمال واللي كانت تعرف بسوالفها وتحبها وايد ، يمكن أقرب اخت لها !​

​

طبعاً سارة ورغد كلش ما يفترقون كانوا بالحيلقريبين من بعض ، ولا شخص يقدر يفرقهم مع ان سارة كانت اصغر من رغد وبأول متوسطة واجتماعية وايد بتقولون شلون عرفوا بعض ؟ طبعاً سارة ورغد بنات خالة ، بالحيل يحبونبعض ويموتون في بعض​

و بهالعمر ابتدت قصتهم ، إللي راح نبتديهاألحين ..​

 

[مُتعبة]

سارة كانت دايم في الاجازة مع رغد ، و بذاك الوقت كانوا يشاركون في منتديات رياضة وسبورت و سيارات وبالحيل فاصلين ، لدرجة ان رغود مع نعومتها كانت تسوي نفسها ولد وتعلق مع البنات ، و سارة تفصل عليهم معاها ويموتون من الضحك على البنات ، و على كثر ما كانت سارة صغيرة بعمرها الا أنها كانت دايم تقول لرغد ، صدقيني يا رغود والله أنا حاسة ان الزمن بيدور و بيصدنا شي و رغود كانت تقولها : عادي إحساس متبادل بس انا وياج مع بعض محد يقدر علينا و يفصلون بالضحك ، لما كانو يتكلمون شوي والا ايميل رغود اللي مسوية روحها ولد فيه تطلع لها إشارة تنبيه​

: سلماني سلماني وينك ؟​

رغد : هلا حبيبتي وياج أنا​

: أمبييه سلماني ودي أسمع صوتك​

رغود تنادي سارة و تقرأ سارة و بالحيل تضحك !​

أمبييييه مو من صجها ذي ، داخلة جو من قلب !​

رغد : شقولها ذي ألحين ؟​

سارة : قوليلها حبيبتي ما عندي في بطاقتي شي !​

رغد تجوف المحادثة مرة ثانية و تكتب: أمبيه حبيبتي وأنا ودي أسمع صوتج والله بس ما بيدي حيلة ، ما عندي فلوس في بطاقتي ، خليها مرة ثانية يالغالية l​

البنت : حبيبي سلماني متى نتزوج !​

رغد في بالها " شسوي معاها ذي والله صج مو طبيعية !​

​

سارة تركض للكومبيوتر وتفصله عن الكهربا وتقول لرغود بحب : حبيبتي رغوده أتصلي ف اختج أمول خل تطلعنا والله صج صج ملل !​

رغد ترد بتأفأف : إنتي تعرفين ريلها شلون ! مابيخليها تيي البيت لما تكمل دوامها ، و اعيالها المغثة كافيين !​

سارة : ولي يخليج حبيبتي والله ملل خنروح نقز شوي متضايقة أنا !​

رغد : إنتي مع ويهج شنو تقزين ناقصيين أحنا !​

سارة : ياريتج ولد رغودددد ياريتج سلمان والله جان حبيتج وتزوجتج​

رغد : حزتها انا اللي ما بقبل فيج يا خبلة ، وبعدين أنا مع نعومتي كلها تقولين عني هالكلام !​

سارة :جب بس جب ، اتصلي في اختج احسن !

 

[مُتعبة]

​

رغد اتصلت في اختها و خبرتها إن ودهم يطلعون ، وبحكم دوام اختها ف​

طلعتهم تكون بعد الساعة 9 ونص في الليل ، وبما إنها اجازة صيفية كانوا حيل يحبون الطلعات مع إخت رغود لأنها حبابة و فاصلة حيل مع أنها بالثلاثين بس لو تجوفوها تقولون عنها ياهل مايتعدى عمرها 20 أبد !​

​

---​

​

رغد : يممممه بنطلع مع آمال !​

امها: على وين بنص الليل !​

رغود : شنو يمه نص الليل الساعة توها 9 على ماتيي 9 ونص​

أمها : يا ويلج من أبوج اذا تأخرتوا وأنا حذرتج !​

رغد : افففففف زين يمه !​

طبعاً البنات طلعو و تونسوا و ردتهم سارة شبكت ع النت و رغود على الكومبيوتر ..​

سارة : أمبييييه رغود اتعرفين اللي معانا ف المنتدى ؟ يُوسف ؟​

رغد : إي ويعععععع المليق شفيه !​

سارة : أقولج بس ما تعصبين علي !​

رغد : أجوف شعندج ؟​

سارة : واااااااي أبي أضيفيه عندي بالمسن !​

رغد : شسالفة شتضيفينه عندج ؟ لا حبيبتي ماكو !​

سارة : أففففف خلاص مابي​

رغد : أقولج انا شي؟​

سارة : قولي "واهي حاطة يدها على خدها ..​

رغد : ماتزعلين مني بس تراني ضفت حمد عندي بالمسنجر من يومين ، وأنا من قبل قايلتلج إنه يبي يكون حبيبي ويحبني من كل قلبه على حسب ما يقول !​

سارة "بققت عينها بالحيل وقالت : رومانسيات وحركات وأنا ويني وشخباااااري ؟ شسالفة من متى هالكلام ! و ليش شنو حلال عليج يالخبلة ؟​

رغد : جب سارة وبعدين أنا اكبرمنج بسنتين و عارفة حدودي معاه !​

سارة : أها رغود ، مادري كيفج بس حاسبي منه !​

​

طبعاً سارة ورغود على فصلتهم إلا أنهم ماكانوا يكلمون شباب بس من ذي الإجازة وايد أشيا راح تتغير ، تابعوا معاي وتعرفون شبيصير معاهم ، وهل بتتغير حياتهم ؟ وتغير حلو أو لا ؟​

 

[مُتعبة]

في مكان ثاني بالرواية ، حمد وسط ربعه ويقولهم : إتعرفون فلانة اللي نكها جذي بالمنتدى ؟ الشباب ومن ضمنهم [ علي ويوسف ] : إي شفيها ؟​

حمد : فديتها يا عالم ، أحبهاااا من كل قلبي !​

الشباب : من أمتى هالحجي ؟ واحنا وين كنا !​

حمد : بعد إحححم القلب ومايهوى ..​

يوسف : إشعنده اللي دخل الحب قلبه عاد !​

علي : ياخي الله يوفقك بس سد حلجك أحسن بلا حُب بلا عوار راس ! صج مغثثثثة !​

حمد : كلش ما راح تحسون في كلامي إلا اذا حبيتوا ..​

يوسف : إهي تحبك والله شنو ؟​

حمد : مو لازم أهم شي تعرف إني أحبها​

· حمد حساس وايد ، وحيد أمه وابوه ووايد وايد طيب وأخلاق ، بس شنو راح تكتب له الأيام مع رغودتنا ؟ هاي اللي بنعرفه جريب !​

​

------​

رغد و سارة تمر أيامهم فرارة مع أمول ، و نت و سهر ونوم لي العصر ، طبعاً هاي الإجازة المثالية في نظرهم ، و مرة من المرات صار بينهم هالحوار..​

رغد : أنا ضفت عندي سالم اللي بالمنتدى ، حده فاصل !​

سارة : عفيه رغود خل اكلمه بالمسن متمللة وإنتي ماغير تحاجين حمدوه بالتلفون وأنا لايعة جبدي !​

رغد : زين سمعي بخليج و بخليج تقولين له إنج سوير لا يفهمني غلط لأني ما اسولف وياه وايد ،​

سارة : أها يعني طاقتها ثقل وتكانة يا حرم الأخ حمد​

رغود : أمبيييه جب بس ترى أستحي :$​

سارة : وييييييع مالت أقول !​

رغد : بس خلصي خلصي شوي ويتصلي حمود قولي لسلوم هاي إنتي اوك​

سارة : زين بس باقوله إنتي خليني ف حالي و ذلفي حاجي الحب أحسن من تقابليني ..​

رغد رن تلفونها وعلى طول ردت وقالت بخجل : هلا حبيبي​

سارو بصوت عالي وتعمد حق حمود يسمعها : ويييييع حبج برص انتي وياه​

رغد بثقل و دلع ف نفس الوقت : هييي إنتي كلشي ولا حمودييه​

حمد بوقتها ذاب من الخجل خصوصاً إنه كان حساس و وايد رومانسي​

​

-​

سارة : هلا سالم شلونك ؟​

سالم إستغرب إن رغود تحاجيه بالعادة اهو اللي يبدي المحادثة : هلا رغد اوكي شخبارج ؟​

سارة : أنا سارة بنت خالتها ، اللي معاكم بالمنتدى​

سالم : إيييييييييه بنوتة ناعمة ؟​

سارة : إححم بشحمها ولحمها وه فديتني​

سالم : اقولج عاد خفي علي ساروه​

سالم في باله " فديتها " دخلت قلبي من أول كلمة !​

سارة : أها ، ما بخف عليك أنا ، وبعدين لا تفكر إني اكلمك لسواد عينك ، أنا متمللة و بس لا يروح بالك لشي غير اوكي ؟ أصلاً انا ماكلم شباب !​

سالم : شكو تكلمين ما تكلمين وأنا شدخلني فيج ؟​

سارة انحرجت حستها بس قالتله : افففف تدري باي يامليق​

سالم ضحك بقوة وقال في نفسه " لا وخجوله بعد " : تعالي يا معودة والله أمزح معاج​

سارة : لا خلاص سالم لا تاخذ عني فكرة مب اوكي​

سالم : امبييييه شفيج ! سارو ليكون إنتي ياهل ؟ جم عمرج انتي ؟​

سارة تنحت وتوهقت شقوله ألحين ؟ جان تقول له بكل ثقة : أنا عمري 16 وإنت ؟​

سالم : وانا كبرج سروي !​

سارة تضحك بصوت عالي وكتبت : أها العمر كله​

رغد على طول قامت من سريرها وقالتلها ": سروي شفيج ياخبلة ؟​

سارة : ها ولا شي بس سالم حده فاصل ههههههه​

رغد سكرت التلفون وقالت لها : يا خبلة ترى حمود مايدري تبين يذبحني ؟​

سارة : أمبييييييييييييييه من صجج ! مادري أنا !​

قالت لها رغد : بيييه ياربي ماسمعنا ، يالله جب بتصل وبقوله فصل وحاسبي لا تقطين الميانة مع سلوم​

سارة حقرتها وكملت سوالفها مع سلوم لي ماداخت وقالتله بتقوم تنام !​

سالم حس بإحساس حلو تجاه سارة ، تطمن لها وايد وايد​

شتعتقدون بيصير ؟ تابعوا و اتعرفون !​

 

[مُتعبة]

رغد و حمد عايشين بحب و إحساس مب طبيعي ، اللي تطور أن رغود ضافت علي صديق حمد عندها بالبيبي على أساس إنه رفيج حبيبها ، و اهي معاهم داقة ثقل و ماتسولف ولا تفصل و دايماً هادئة ، بس اهي لاحظت إهتمام علي الزايد فيها ، يسولف و كان حده حبوب و طيب واهي وايد ارتاحت له مع ان مب لصالحها لأن مهما كان اهو رفيج حبيبها أولاً ، وثانياً ما راح تلاقي أحسن من حبيبها ​

سالم و سارة كانوا يسولفون بإيميل رغود ، علاقتهم سوالف وبس مع إن سالم كان يرتاح لها إلا انهم موخرين عن درب الحب خصوصاً لما لاحظ سالم اهتمام سارة بيوسف صديقهم من المنتدى وأسئلتها الوايد عنه وقرقتها اللي ماتخلص عن يوسف و مشاركات يوسف !​

​

~​

​

بيوم من الأيام اعترفت سارة لرغد انها سولفت مع يوسف بالمنتدى عن طريق الرسائل الخاصة و رغد ​

زفتها زفة محترمة لأنها كانت اتجوفها صغيرة على هالمواضيع ​

وبنفس اليوم سالم قرر إن يحرر سارة من عذابها و بغفلة من رغد ضافها مع يوسف بمحادثة وجان يوسف يسولف يسولف و مرة وحدة قال لها : سارة أنا احبج من مشاركاتج في المنتدى وإنتي دخلتي قلبي ، وسط دهشتها و صمت سالم !​

​

سارة ماصدقت إن يوسف قالها هالكلام بالخصوص إنها وايد وايد وايد معجبة فيه ويمكن يكون حب ، و الأغلب إن لا لصغر سنها و تفكيرها بذاك الوقت كان محدود ، و لأن اختياراتها كانت محدودة بذاك الوقت كانت ممكن تتعلق بأي شخص من محيطها بهدف انها تجرب ، و بكل فرح قالتله : وانا احبك وايد !​

​

و بجذي تبتدي القصة ،

 

[مُتعبة]

تمر الأيام وعلاقة سارة في يوسف تكبر ، في االمسنجر وبس لأن وقتها ماكان عندها تلفون ولا جرأة أنها تسوي بلاوي معاه ،


و اهني رغد تيي تقول لسارة : سارو لحححقي علي عاد !


سارة باستغراب : أمبييييييه شنو شصاير خرعتيني ؟


رغد : أنا حبيت ، حبيت واحد ثاني ! حبيت واحد غير حبيبي حمود !


سارة مبققة عينها وتسمع


رغد : اتحجججي سارة قوليلي شي كفخيني أي شي ! نسيني


سارة بكل برود : وانا احب يوسف !


رغد : شنووووووووووو ؟ من متى هالكلام ؟


سارة تضحك : ها جوفي طلعتج من فلمج الهندي قال أيش قال أحب غير حمود ، من صجج انتي شهالقلب اللي فيج ؟


رغد و الدمعة بعينها : حبيت واحد مو أي واحد حبيت مصيبة بلوة شسوي ؟


سارة : منوووو وشلون بقعدج أحين قعدة وتقولينلي كل شي @@ !


رغد واهي تتنفس بألم : أنا عقب ما كلمت حمود بفترة طقيتها ثقل و ضفت ربعه ومن ضمنهم علوي مال المنتدى اللي احنا فيه !


سارة : ويييييييععععععععععة مليق شلون تستحملينه !


رغد واهي فيها بجية : سارة أنا حبيته أهو ، المليق ما غيره


سارة منصدمة وعلامات تعجب على ويهها : شلون ؟ مالقيتي غير هذا


رغد : شسووووي أبي منج حل مب محاضرة سارة !


سارو مع ان عمرها صغير بس عارفة إن ذي الشي غلط ولا يمكن تأيد حبيبتها وبنت خالتها فيه حتى لو كانت بتكسر بخاطرها بكلامها بس قالت لها بحزم : رغد تحذفين علي أحسنلج ، الحب مب لعبة وانتي فكري ف حمود ومشاعره تراه مريض مب صاحي ، ناويه اتذبحين الصبي ؟ أصلاً وين بتلاقين مثله يحبج و يعزج ويموت عليج ؟ و يبوس تراب اللي تخطي فوقه ريلج؟


رغد خلاص دمعت عينها وقالت بتحدي : خلاص سارة أنا ابي علي خذيت قراري ، صج حمود رومانسي و حساس بس انا فاصلة وايد و علي يناسبني اكثر من أي شخص بالدنيا ، انا خلاص اخذت قرار و ما اتراجع عنه و الليلة بعترف لحمود l !​

-


و في الليل ، شبكت رغد ع النت ، ودخلت محادثة حمود وكتبت كلام واااااااااايد يعور ، و دمعت عينها على حبها اللي توه مات في بدايته حبها اللي عمره شهر وشي وطقت إرسال واهي تحس بضيقة ،


حمد كان قاعد يكتب رد على موضوع في المنتدى جان يجوف محادثة من حبيبته ونور عينه [ رغد ] رفع المحادثة و شهق لما قرأ كلامها ..


رغد : آسفة اذا بيوم ضايقتك جرحتك أو أذيتك ، حمد أنا وياك تضاد لا يمكن يصير بينا اتفاق ، صج مرتاحتلك وايد بس شكلي ماكنت احبك ، مجرد اعجاب و انتهى لما عرفت إني أحب شخص غيرك ، الله يوفقك بليز إنساني و احذفني ما ابي مشاكل !​

حمد ما كان مستوعب قال أكيد حبيبتي تلعب علي ، سوالف مزح أكيد ، وكتب لها : فديتج حبيبة قلبي ، ما تعرفين تلعبين ترى ، حدي صدتج !


رغد بصدمة " أمبيييه مو صج شسوي وياه " : حمد بليز أنا بحذفك ، سامحني عاد ؟


حمد : مب راضية اتنازلين ؟ شنو أبوسج عشان تعترفين إن مزحة [ أموااااح وطرش لها رمز البوسة ]


رغد بألم كتبت له ، : أحب علي رفيجك حبيته حبيته مو ذنبي والله قلبي حبه آسفة !


حمد اهني استوعب شقاعدة تقول ، وقال لها بحسرة : ماتوقعتج خاينة ، وحذفها و اهو بداخله ألم و حزن و مشاعر متلخبطة من قهر و ذل و مهانة ، أكبر شي عند الريال لما احد يدوس على مشاعره أو يطعنه طعنة بقلبه ، بس هل هاي إهي النهاية ؟


نجووف j ..​

 

[مُتعبة]

علي ماكان داخل قلبه شي أبيض أبداً ، و هم ماكان يحب رغد ، وكان عارف بحب حمد لها وتعمد يتقرب منها ولأن رغد قلبها كان بسرعة يميل للناس استغل مشاعرها واستغفلها ، و جرح رفيجه بدون أي جرم منه ، ما قدر العشرة وحب يبين لرفيجه إن البنات لعبة و المسكينة رغد ما كانت تعرف بأي شي من هالموضوع !​

​

نرجع لسارة اللي كانت هايمة بيوسف و تجذب عليه وتقول له انها قده ، لي ما ملت وقررت تعترف له انها اصغر منه ب 3 سنوات فما لقت حل غير الرسائل بالمنتدى لان حيل خايفة من رده فعله / جان تكتب له : يوسف ترى انا عمري مب 16 انا مب قدك انا عمري 13 l ا​

آسفة وايد لأني جذبت عليك ، وانا ندمانة من جي اقولك الصج ، شوي والا تلاقي رد منه ، فتحت الرسالة و تغيرت ألوانها 180 درجة ، لقت رد ابرد من البرود نفسه : إي أحسن حياتي زين انا الحين بطلع ويا ولد عمي وبعدين اكلمج !!!​

​

قالت سارة ف بالها : شنو هاي جماد مايحس ؟ بالطقاق خل يذلف زين !​

سارة وقتها كان كل تفكيرها ف رغد بعد اللي صار و اعترافها لحمد وجرحه ، الكل لاحظ ان تغيرت شخصيته بالحيل وكان كاتب بتوقيعه : جفتوا حب يبدأ بخيانة ؟ إنتا واهيا خنتوني انا ، و كان قلب سارة معورها عليه و هم خايفة من الأيام ومن علي ، ماكانت متطمنة له و علي وايد كان يقول لرغد تبعد عن سارة و كانت رغد تتأثر بكلامه شوي بس ترجع تكلم سارة طبيعي ! و سارة ماكانت حاسة بشي أبد !​

​

سارة كانت تنطر يوسف يشبك على الماسنجر ، جان يدخل ويطرش لها صورة ، سارة فتحتها وتنحت / كانت صورة يوسف ، أبيض حلو نحيف شعره أسود وسبايكي و ضعيف وايد ، حبت ملامحه شي داخلها رجف ، حست إن هاي فعلاً إللي تحبه وحمدت ربها إنها معاه ، كانت تحس بأمان معاه ووايد تحب تكلمه و تموت عليه ، وكان وايد يحن ويقولها أبي اجوف صورتج ، واهي ترفض طلبه وتقول له تو الناس ،​

​

بجهة ثانية رغد تكلم علي : حبيبي ، امي تقول راح نسافر ​

علي ببرود : اممم تردين بالسلامة حبيبتي ​

رغد : أمبيييه مابي اروح ماقدر على فراقك ​

علي : وانا بعد ​

رغد : حبيببببببي فيني بجية ، ودي اسمع صوتك​

^ رغد ولامرة كلمت علي في التلفون ليحين وسارة نفس الشي ..​

علي : وانا بعد ودي اسمع صوتج وايد حبيبتي​

رغد : خلاص خلها ليلة اللي بسافر عشان يكون صوتك آخر صوت اسمعه ​

علي : احبج انا .. ​

رغد وفيها بجية : واانااااا اكككككككثر اححححبك احححححبك​

- قاطعتها سارة بصراخ اتقولها امبييييه جوفي شكل يوسف​

رغد جافت الصورة جان تقول : ويييييييييييييييع سحلية​

سارة انقهرت وقالت : أمبييييه انتي الويع خربتي علي الجو شلي قايلتلج ​

رغد : من صجي وييييع أبيض مليييييق ​

سارة : أحسن من الأملح الأجلح حبيبج الأسود المعفن​

رغد : أمبيييييييييييه أي شي ، سارووو حدج عاد ​

..​

طبعاً الليلة آخر ليلة لرغود في الديرة وباجر بتسافر مع امها واخواتها​

و سروي رازة الويه معاها تقول خلاص اخر ليلة اجوفها فيها لازم اقعد معاها​

وبذيج الليلة كلمت رغود علي بالتلفون ووايد ارتاحت​

و بس سكرته تمت تبجي و تقول ماقدر افارقه​

و سروي شوي تضحك وتفصل عليها وشوي تواسيها​

-​

مرت أيام سفرة رغود سريعة و بذيج الأيام كانت تشبك كلش قليل وتطرش رسايل لسروي ع المنتدى تقولها كلمته وصار جي و مادري شصار ، و سارو ترد عليها ونااااسة وهالحجي ~​

وايد كانوا مشتاقين لبعض ويتحرون تمر الأيام ، وردت رغد الديرة واهي مستانسة انها بترد لعلي وسارة بس اهم شي عندها علي كانت وايد ولهانة عليه !​

 

[مُتعبة]

​

بما إن بدأت الدراسة ، ألحين بركز لكم على موضوع الرواية الأصلي [ سارة ويوسف ] خصوصاً إن رغد وعلي ماكان يصير بينهم وايد أشياء ، بس بذكر لكم أول ماخذوا لسروي تلفون شصار .. ​

سارة بتردد : حبيبي ترى بيتنا خذولي فون ، واااي اخيراً ​

يوسف ماصدق خبر : عطيني رقمج بسرعة ​

سارة : وييييي يوسف استحي لا مابي ​

يوسف : قتلج عطيني سروي ترى صار لي وياج 3 شهور مب سامع صوتج ، مب حالة ذي ؟ ​

سارة حست كلامه صج و خافت تخسره : زين سجل عندك ، بس لا تتصل [ ...]​

يوسف : أووووله شنو ما اتصل ، يالله حبيبتي قومي قومي بتصل لج​

سارة بخجل : لا حبيبي ترى انا ف بيت خالتي واهني بنات خالتي راقدين مب بس رغود !​

يوسف : زين حبيبتي دقيقة بس ، بلييييز​

سارة : لا حبيبي ويت بلييز انطر علي شوي ​

يوسف : حبيبتي ازعل ؟ ​

سارة بتردد : زين اتصللي :$ ​

رن تلفون سارة ، كانت حاطته سايلنت ..​

ردت بصوتها الطفولي واهي تهمس عشان محد يسمعها : ألووهه :$ ​

يوسف : شخبارج ؟​

سارة : أوكي بس انا بسكر ​

يوسف : نطري بسمع صووووتج شوي بس​

سارة : لا خلاص بسكر ، ​

يوسف : براحتج حبيبتي ​

وانقطع الاتصال ، شوي الا يوسف يرد يتصل جان تقطعه سارة " أمبيه شيبي ذييي اخاف يجكوني بس " شوي جان يوصلها مسج ، " ردي أبي اقولج شي مهم " ​

قالت السالفة لرغود بسرعة ، رغود قالت لها حبيبتي ردي عادي !​

ردت سروي وقالت : شنو قول :$ واهي مستحية​

يوسف برومانسية وحنان وحب : أحبج ..​

جان سروي تسكره ف ويهه و تنقلب ألوااااااااانها وتستحي حيل ​

قالت لرغود امبيييييه رغود يقولي احبج :$ ​

رغد : وييييع توقعت ان هاي اللي بيقوله !​

سارة : أمبيييه استحييييت​

جان يكلمها ف الماسنجر: حبيبتي وينج ؟ ​

سارة : موجودة :$​

جان يبدل يوسف نكه " مافي باور أبي جارج "​

سارة : يعني شنو يسوف؟ ​

يوسف : يعني أبي أسمع صوتج أبي طاقة​

سارة استتتتتتتحت من قلب وقالتله خلاص يوسف ​

قال بس بروح ارقد واحلم بصوتج .ز​

سارة كانت منحرجة من كلامه وايد وايد وحاسة بمشاعر حب مب طبيعية تجاه هالانسان ، تعرف بقلبها ان هاي نصيبها توأم روحها حبيبها كل كل كل شي يوصف الحب ، كانت لما تجوف صورته او تسمع صوته تعرف ان هاي اهو حبها الاول والاخير ..​

​

هل إحساسها بمكانه ؟ ، أقولكم بعدين !

 

[مُتعبة]

بنات ، أنا هاي اللي كتبته ليحينْ ، إذا جفت تفاعل أكمل لكمَ ..
الروايةَ حقيقة ، منَ 2007 ‘ شتتوقعون حال أبطالنا فَ 2012 ؟
اتمنىّ ألقى تفاعل ، لأنها أول رواية لي :eh_s(17)::eh_s(8):​

 

[bronziya_q8]

كـمـلـي..
نـاطـريـنـج..