ريلي وصلاة الفجر

[صاعقة بيوتي]

السلام عليكم ورحمة الله وبركاته​

انا للحين بفترة الملجة وعرفت من ريلي انه اغلب الوقت ينام ومايقعد يصلي الفير بوقته بس لما يصحى يقضيه وانا حيل متضايقة من هالشي ابي ياحلوات طريقة غير مباشرة عشان اخليه يصليها بوقتها. واللي تقول لي انصحيه انا جربت ومانفع واهو من النوع اللي مايحب احد يحن فوق راسه.​

فياريت احد يساعدني ويعطيني افكار حلوة​

 

[صاعقة بيوتي]

up up up

 

[هيفاء 966]

دقي عليه اذا قمتي تصلين وقولي له قبل تراني بدق عليك كل يوم حق صلاة الفجرعشان لا يحط موبايله صامت والله يهديه ويهدينا *

 

[الجوهرا]

الله يهديهم يارب انتي نفس مشكلتي زوجي اذا قعد قام يصلي صلاة الفجر ياليت وحدا تعطينا طريقه حلوه وتاخذ اجرهم واجرنا

 

[شادن33]

انت مو مالت السمج
ريلج اشفيه
شوفي انتي يمكن تسهرين وياه ع الفون لوقت متاخر
فقوليله بدلع خلاص حبيبي ماابي ااخرك وراااااك صلاه الفجر حرام اتطوف
اتصلك وقت ثاني حياتي
كل مره جذي عشان يحس ويعرف انج ماتحبين اللي يطوف الصلاااه

 

[~DeeM~]

دقي عليه اذا قمتي تصلين

 

[لمى الهاجري]

اشتري له هدية منبه عادي وضبطيه مع وقت صلاة الفجر

 

[ناعمه الخد]

الله يهديه انا بعد اعاني في اقناعه بصلاه الفجر خصوصا انه ينام متاخر لكن الكلام الطيب ياثر فيه وماصار يزعل لما اقعده للصلاه مثل اول

 

[simply unique]

اول شي استخدمي اسلوب التلميح
مثلاً اذا هو من النوع اللي يسمع محاضرات ممكن تاخذيله محاضرات عن الصلاة يسمعها ويمكن يتأثر..
بس اذا مثل ريلي اهو ما يسمع سيديهات بالسيارة ما راح تنفع هالطريقة ..
هم تقدرين تأكدين عليه دايماً ان من ترك صلاة الفجر في وقتها ما في بويهه نور ..

ايه دامه يصليها فكري ان الموضوع اسهل خاصة انه يصليها بس يتكاسل عن الوقت..

اعرف وحدة نجحت طريقتها كانت تتصل في زوجها قبل وقت الصلاة بنص ساعة ويكون اساساً راقد..
وتقعد تسولف ليما يتنشط ويأذن الفجر يصلي وينام ويرد يقعد للدوام..
بس هذي يبيلها قوة قلب ..

بصراحة انا زوجي ما نفع معاه الا انه يظل سهران ليما صلاة الفجر يصليها وينام ..
بس اهو يقدر لان وضع دوامه يساعد بس مو الكل يقدرون صعبة

 

[ام سعود ديكسون]

الله يهديه انا بعد اعاني في اقناعه بصلاه الفجر خصوصا انه ينام متاخر لكن الكلام الطيب ياثر فيه وماصار يزعل لما اقعده للصلاه مثل اول

عجبتيني صح الكلام الطيب له مفعول السحر الله يسخركم لبعض و يهديه 
و يمكن جزء من مشكلة صاحبة الموضوع انها تسهر معاه ع التلفون في فترة الملجة ف ما يقوم للصلاة اتوقع بعد الزواج بتنحل المشكلة بسهولة

 

[نـعـومـه]

طرشيله بالواتس اب عقوبه اللي يأخر صلاه او يجمع

 

[sanyoretaQ8]

الله يهديهم يارب
دقي عليه بس تقعدين من النوم
قعديه وبطريقه ذربه وحلوة
حبيبي انا بقوم اصلي يالله قوم اصل وبس اخلص صلاتي بدق عليك
علي شان تتاكدين انه قام صلي صلاه الفجر

 

[صاعقة بيوتي]

عجبتيني صح الكلام الطيب له مفعول السحر الله يسخركم لبعض و يهديه 
و يمكن جزء من مشكلة صاحبة الموضوع انها تسهر معاه ع التلفون في فترة الملجة ف ما يقوم للصلاة اتوقع بعد الزواج بتنحل المشكلة بسهولة

مشكورة ام سعود بس انا متاكده اني مو السبب يعني مااسهره لما يكون عنده دوام يضبط الساعة على الصبح ومايضبطها على موعد الصلاة ويقول النايم مرفوع عنه القلم عرفتي يعني بقصد
واحيانا ايام العطل ينام قبل الفجر بنص ساعة يبي يلحق ينام قبل الاذان عشان يدخل في النوم ومايصلي
وعلى فكره وظيفته احيانا تخليه يسهر يوم كامل من غير نوم وعادي مايأثر عليه ايش معنى نص ساعه عشان الصلاة بتأثر عليه
واغلب اتصالتنا تكون بوقت مبجر الا لوكان عطلة ويكون ماشالله نايم بعد المغرب كم ساعه واوريدي نايم الصبح والظهر