ريلي وايد يستحي شسوي

[ombaza]

قوة بنات
انا متزوجه من ريلي صارلي 3 سنين الحمدالله احلى من العسل وايد احبه عندي بنت بس عندي مشكله يبط جبدي وايد حياوي يظحكني يحسسني اني انا اليرعه اللي ما استحي طبعا مايحب قمصان فصعه يحب الحشم نوعا ما واذا لبست اهو يستحي شكوووووووووووووووووو
حتى مع اهلي انا وايد احب اهله يدته وخالاته مطيحه الميانه يحبوني وايد واهو اذا شاف اهلي اسحبه تسححححب عشان يسلم ويسوي الواجب اذا قطني حق اهلي بالمخيم بالشتا طبعا يقطني بعيييييييد عشان مايسلم تخيلوووو ببجي منه يقولولي يستحي هووو وانا شنو انشالله فلم الجرئة القاتلة

 

[الحياة]

مشاركة: ريلي وايد يستحي شسوي

ههههههههههههههه
حلوة فلم الجرئة القاتله
الله يعينج اختي على ريلج
بس اهوه الظاهر طبع فيه الخجل من كان اهوه صغير وماقدر يحل مشكلته

شوفي يا انج تحاولين تخلين له اهمية عند اهلج يعني مثلا اليوم الليم ااي البيت عندكم او الزوارة تقوليله اليوم الكل سأل عنك ومكانك وااضح اهناك ياليت ماتطوف الزوارة الاسبوع الياي... تلااقينه بيهتم حق الروحه الاسبوع الياي
او انج تملين حياته بالحركه وتخلينه يحتك شوي بالناس الغرب ويتجرء وياهم
واله ماادري شقولج هذا اللي عندي

وسالفة قمصان النوم اعرف وحده ريلها يستحي يشوفها بقميص النوم ماادري ليش
مع انه قميص النوم منو ما يحب يشوفه
؟؟؟؟؟
صج ريييايل ما ينعرف لهم

موفقه حبيببتي واننشالله البنات ما يقصرون معاج

 

[الفصول الأربعة]

مشاركة: ريلي وايد يستحي شسوي

صراحة يافلانة صراحة ما عرفت أترجم الاسم صعب معقد ...... بالنسبة لريلك أنا أول مرة أسمع ان في أحد يستحي بهلوقت لا بنات ولا رياييل وأحس مبالغة يستحي بهطريقة ليش ما عندة ربع يعلمونة ما عندة دوام يحتك بالعالم ما عندكم تلفزيون خلية يطالع برنامج (الوادي ) خل تعلمة هيفا شلون الحيا يصير.

 

[Dancing^Queen]

مشاركة: ريلي وايد يستحي شسوي

عزيزتي ام بزه

والله انا برايي خل يستحي ولايصير مفتجح باللبن علي الاقل تصيرين مطمئنه انه ماعنده سوالف ومرتاحه

والحمدالله علاقتج ممتازه مع اهله وسحبيه شوي شوي علي اهلج وحاولي اتطيحين الميانه
خلوه يزوركم يوم بالاسبوع
وخليه يخالط اخوانج ورياييل خواتج
جذي ياخذ عليهم
وعليج انتي مع الوقت ياحبيبتي انشالله يتصلح كل شي

 

[leza_q8]

مشاركة: ريلي وايد يستحي شسوي

يموعده خليه يستحي ولا تفتحين عينه

وانا اخيتج من تجربه كان ريلي مثله سابقا ..

قبل يريلي جذيه وانا يرعه وصايره فهره على الاخر ولا سويت له فلم الجرءه المميته وصرت انا الريال انا الي اتفصخ وانا الي اروح علشان يتجرا علي وسحب فيه روح حك افلان واعزم افلان وطلع رح مع ربعك القهوه او الدوانيه ووجب علان وفلنتان وخرته شنو النتيجه

كل المستحى راح وطلعت العقد والنواقص النفسيه وصار جرئي وصار ما يقعد كل بموجب ودروس وكل شغل وروح حك هذا وذيه وكل على احساب وقتي

لم اختج البطله اوقفت له بالمرصاد وقلت لها لا يعيوني ارجع على مستحاك احسن

ورجع حبيبي حياوي ويستحي وخوش واااحد

ولا خجل العذاره ..

 

[جنا الكويت]

مشاركة: ريلي وايد يستحي شسوي

حبيبتى بغيت اقولج ان مشكلة ريلج ما راح تنحل الا اذا :
اهو وثق بنفسه اولا
وحس انه انسان كامل مو ناقصه شى
يبدع فى شى او هواية
يعرف يرد بسنع وبلطافة ويجارى الآخرين
يعرف يتصرف فى المواقف المفاجئة وبسرعة بديهة
واخيرا وليس اخرا الإحتكاك بربع

الإنسان الخجول يخشى ان يكون محط انظار الآخرين فلازم يكون قد الموقف وواثق من نفسه
عموما الله يقويج وان شاء الله انت اللى بتقدريين اتخلصينا من هذا الطبع . موفقة

 

[نفيشه]

مشاركة: ريلي وايد يستحي شسوي

انا رايي من راي كوينو
الريال المفتج خافي منه

 

[جمانه]

مشاركة: ريلي وايد يستحي شسوي

احمدي ربتج انه يستحي وخجول.........ومو مطيح الميانه مع اهلتج واخوانج

............مومفضح ووقح وسوالفه مع ام عياله الكل يدري فيها

حسبي الله على اللي ما يصون بنت الناس اذا خذاها ..........؟؟؟؟

حلاة الريال هيييييييييييبه.........مهو ثرثار؟؟؟

 

[ombaza]

مشاركة: ريلي وايد يستحي شسوي

مشكورين على اقتراحاتكم والله هذا اللي اقوله يستحي احسن بس مرات ودج ريلج يفاجئج ويكسر الروتيين
بس شنسوي بعد يأطع الحب شوو بيزززززل

 

[mona78]

مشاركة: ريلي وايد يستحي شسوي

و الله يا أم بزة ضحكتيني من قلب . جنج قاعدة تسولفين عن ريلي حده حياوي و قبل جم يوم قاعدة أتناقش بالموضوع مع وحدة من رفيجاتي المقربين و قالتلي خليه جذيه يا معودة وايد أبرك بس و آنا قتلها بس مو لهاذي الدرجة شي فضيع أترجاه لمن نروح بيت جدي يرفع راسه شوي و يسلم على عماتي على الأقل خلي الباجي ما كو فايدة يشخط لمن يدش و ما يدري شلون يدخل الصالة الثانية مالت الرياييل و ساعات لمن نكون قاعدين مع أهلي و يكونون بنات خالتي مثلا و خالاتي موجودين بس نطلع يقولي تصدقين زين قمتي ترى عرقت حدي بس تدرين و الله اهو زين مو زين أكون مرتاحة لمن نروح اي مكان ماشالله عليه ماله شغل بحد و الله يعينا و يقوينا عليهم حبيبتي و الحمدلله على كل حال

 

[رفرف]

مشاركة: ريلي وايد يستحي شسوي

انا اقول خلي طبعه جذي زين يامعودة وين تلقين واحد حياوي بهالزمن ...
وماعليه مو لازم يفاجئج المهم زين معاج والدنيا تمشي احسن من واحد يفاجئج وعينه زايغه وجريء ووووو.....

تدرين بشنو ذكرتيني ؟؟؟

بمسلسل جميل وهناء خخخخخخخخخ

 

[ظلال القرآن]

مشاركة: ريلي وايد يستحي شسوي

والله نفس مشكلتي

بس كان يستحس كان
الحين عينك ما تشوف الى النور
ياليته تم على طبعه

 

[ايرانية عسل]

مشاركة: ريلي وايد يستحي شسوي

والله العظيم يارفرف كنت بقول جذي
ذكرتني بجميل وهناء يعني انا داشة كنت بقول هذي الكلمة وبالمعنى انا مالي شغل بالموضوع عزبااااااااااااااااء للحين ماجربت بس انا اتمنى زوجي يكون حياوي ويستحي

 

[الحياة]

مشاركة: ريلي وايد يستحي شسوي

والله يا ام بزه سوي اللي ريحج انتي وحابة يكون ريلج عليه

مو كل اصابعج سوااا

المهم
مو شرط اهوه يفاجئج انتي فاجئية ... يمكن اهوه وده يفاجئج بشغله بس يستحي منج
على الاقل انتي تبدين وبعدين اهوه شوي شوي

 

[ياشايل الظبى]

مشاركة: ريلي وايد يستحي شسوي

يموعده خليه يستحي ولا تفتحين عينه

وانا اخيتج من تجربه كان ريلي مثله سابقا ..

قبل يريلي جذيه وانا يرعه وصايره فهره على الاخر ولا سويت له فلم الجرءه المميته وصرت انا الريال انا الي اتفصخ وانا الي اروح علشان يتجرا علي وسحب فيه روح حك افلان واعزم افلان وطلع رح مع ربعك القهوه او الدوانيه ووجب علان وفلنتان وخرته شنو النتيجه

كل المستحى راح وطلعت العقد والنواقص النفسيه وصار جرئي وصار ما يقعد كل بموجب ودروس وكل شغل وروح حك هذا وذيه وكل على احساب وقتي

لم اختج البطله اوقفت له بالمرصاد وقلت لها لا يعيوني ارجع على مستحاك احسن

ورجع حبيبي حياوي ويستحي وخوش واااحد

ولا خجل العذاره ..

هههههههههههههههههههههههههههههههههههههههههههههههههههههه
الله يقطع سوالفج

 

[bent-oboha]

غريبه انا يستحى

 

[رهوف]

الحياء شعبة من الإيمان

الله يخليلج ريلج وحطي بالج عليه وحاولي شوي شوي تخلينه يتجرأ عطيه ثقة بنفسه ومدحيه كثر ما تقدرين وبالنسبة يستحي يشوفج بقميص لا تحسسينه بهالشي وممكن تكونين لابسة بيبي دول لا تطالعينه سوي روحج تاخذين شغلة من الغرفة وطلعي وقعدي بهاللبس جدام التلفزيون ولا تلتفتين عليه لما تتعود عينه على هالشغلة يعني يمكن انتي تدشين عليه الغرفة لابسة وتضحكين وتطالعينه اكييييد بينحرج خلي الوضع عااااااادي جنج لابسة دراعة:eh_s(15):

 

[bent-oboha]

يامعوده ريلج مافيه شي مو عيب يستحى ماردى بيتعود على قمصان النوم ولاراح يستحى وانتي وذكائش خليه يستحي من الناس كلها الا انتي

 

[أسيرة قلبه]

غرييييييييييبه

 

[منوووووله]

جان زين رليل مثل ريلج

<< مقطع السمكه وذيلهااا

اقوله بسك ماتستحي من العالم يقوولي افا عليج دحنا الي خرمنا التعريفه :/