ريلي واهلي

[ام كحيلان 77]

السلام عليكم ورحمة الله وبركاته





في البدايه حبيت اقول لكل عضوه بهالمنتدى مشكوره لأني استفدت من كل المواضيع سواء بهالقسم
او بالأقسام الثانيه
أحبكم وايد وايد وان شاء الله ماراح تقصرون معاي بمشكلتي
بدخل بالموضوع على طول


أنا الحمد لله ماعندي مشاكل مع ريلي اهو مو مقصر معاي ولا مع بناتي
بس في بداية زواجي كانت في مشاكل مع ريلي دخلت اهلي فيها <<<<<هذي اكبر غلطه
هالتدخلات سببت خلاف بين اهلي وريلي لدرجة صارت العلاقه بينهم شبه مقطوعه
كله يتطنزون على ريلي قدامي صارو مايواطنونه كلش والمشكله الاكبر حتى بناتي مايحبونهم مثل مايحبون عيال وبنات خواتي الثانيات والسبب طبعا ريلي
اهو انقطع عنهم حتى المناسبات الي يسونها مايحضرها يدق ويعتذر لهم
أنا حاولت بكل الطرق أني اصلح بينهم بس ماكو فايده
دخلت يدي بالموضوع لانه اهو الي كلمته مسموعه بس هم ماكو فايده كلمت اخوي وحاولت اصلح هم ماكو فايده


شسوي يابنات أنا الحين انفاس والله حتى خواتي زاروني بس بالمستشفى
مافكرو حتى يزورون أختهم بشقتها والسبب انهم مايواطنونه ريلي ولا ببون يدخلون بيته
مع العلم ان خواتي يتزاورون كل خميس يجتمعون بشقة وحده منهم
والله أني اكتب لكم وانا ابجي تعرفون نفاس والنفسيه زفت





أنا ابي شلون أتعامل مع اهلي بعد الاربعين؟؟؟
اذا ردو يتطنزون خواتي وحريم خواني على ريلي( قطع/ شلون عايشه معاه/ كريه/ /حتى بناته نفسه ........ وغيره من الكلام الي يغث). شنو اقول؟؟

والله نفسيتي تعبانه حييل يابنات:eh_s(2):
​

 

[بتبوتااا]

حاسه فيج لاني نفس وضعج حاليا نفاس واهلي مشغولين والحمدلله يعني كيفهم ما اجبر احد انه يمرني

تعودت بين عيالي وريلي والله يخليهم لي ويخليني لهم ..

شوفي حياتي الي يقول لج ريلج وشلون عايشه معاه قولي لهم يعني لو خليته أنتو الي بتضفوني وتعيشوني عندكم ؟

ولا أنتو الي يتصرفون علي وعلى عيالي وبتتحملوناا ؟؟

احسن حل لهم التطنيش ودام انني مرتاحه مع ريلج مالح شغل بأحد صدقيني ولاتعطينهم بعد مجال يتكلمون جذي وقفيهم عند حدهم

 

[مـهـرة]

قوليلهم الله يخليه لي مالي غناة عنه
وادعي ربي يحنن قلبهم وقلبه على بعض ويجمعهم على خير

 

[LadY BuG 80]

انا امر في نفس اضروف .. لانه المشكله بين زوجي و اخوي ,, في البدايه كنت حساسه

مو ذمبك انهم كرهوه لو هو من البدايه صاينك و ما خلاكي تلجئين لهم ما كان صار الي صار

بس اهلك غلطانين الحين ليش يجرحون فيكي و هم يقللون قدر بناتك قدامك ؟؟ لانهم منه !! هم بعد بناتك

عاد انا شسوي الحين امدح زوجي قدامهم و احمد ربي على ما عطاني و اوريهم اي شي يسويه لي زوجي و احاول ابين لهم انه معززني و مستتني

هاذا بس الي يوقفهم عن المصخره فيه .... عاد انا ما ادري اشلون زوجك معاكي الله يعين .. بس الحق ينقال الهلي عمرهم ما ذكروه بشينه قدامي انا ما اسمح .. مافيها شي انا اختلفت معاه مره .. مين حياتهم خاليه من المشاكل ؟؟؟ بس اهم شي تنحل و عفا الله عن ما سلف ,,, الي مو قادر يسامح و ينسى كيفه بس يحطها بقلبه مو يحرني​

 

[دلوعه ززوجي]

الله يهدي النفوس انزين اهم ليش مايجون عندج ترا انتي النفاس مو زوجج

 

[ام _خلودي]

انت غلطانه اذا وحده سبت ريلج لا اتسكتين قوليلها لو سمحتي هذا ريلي بو عيالي وماارضا عليه وقفيهم عند حدهم وبس تنتهي المشكله

 

[*ريما*]

ادعي ربك
ولاتمحين لهم انهم يتكلمون عنة

 

[اينااس]

بس مو هدرجه يعنى مايجون لك وانتى نفااس

احس مهم كان اذ مو لزوجك حق بنتهم يجوون

خلاص والى صار صار

 

[مقمش لولو]

في شي غريب

اول شي اهو ماقطعهم الا اظاهر الريال سامع شي او حس بشى هاللى شال نفسه وترفع عنهم

ثاني شي حبيبتى مدام الريال زين معاج وبينكم عيال وعشره شلون تسمحين يتكلمون عنه بهالطريقه؟ لا وعن بناتج

حبوبه اخذي موقف وعزي نفسج وعيالج ....اهلج مايحترمن ريلج يعنى مايحترمونج اصلا

قولى لهم قدري من قدر ريلي ولاتعطين احد مجال ان يفج حلجه

مادرى بس ماحس ان اهلج يحبون لج الخير سوري

 

[كويتية نايس]

الله يعينج حبيبتي

 

[om Fouz]

وقفيهم عند حدهم

خلك قوية

 

[q6aiwa]

اخيييييييه... ماشفتيني شلون مصخرت ريل عمتي لما تطاول على ريلي ​

لا هذا بعد وانا توني متزوجه وماعندي منه عيال
بس سمعت عمتي وبنتها حجي الي انحرجوا وقاموا يرقعون له اهو غشمرته جذي ثقيله محد يتحملها ودايما نقوله مو اي احد تتقشمر معاه محد يتحملك ...واهي لاغشمره ولا شي (للتوضيح عشان تعرفون انها موغشمره طب فيه وبالبحرين وبالشيعه ليش انه شيعي وكان يتكلم باستهزاء) علبو انه سلفي​

والله مسحت فيه الارض والحين قاطعه زوارتهم وعزايمهم و اذا تصادفت معاهم بسوق ربج وكيلج ولا جني شايفه احد جدامي ..يا يتناقزون ويروحون ..والا اهما الي يبدون االسلام..​

شلون ساكته كرامة ريلج من كرامتج.. قاموا يتطاولون على بناتج بعد ..مدحيه جدامهم نفس ماقالت البنت الي قبلي وسكتيهم وان وصلت قطعي زوارتهم ...ملزومه بامج وابوج بس والباقي بيني لهم انج ماترضين عليه وعندج تبيعينهم ولا تبيعينه​

 

[زوجة عزيز]

ليش يكرهونه يمكن انتي كنتي تشتكين منه جدامهم مسكين كسر خاطري

 

[غير كل الناس]

يفرجها ربج ويحنن القلوب والدنيا رايحه ونحط راسنا علي المخده ماندري نقوم بكره والا لا ويهني من مات ومحد شايل بقلبه عليه

الله يحنن القلوب