ريلي مد ايده علي

[اخلاقي تكفيني]

السلام عليكم
ببدي سيده بالموضوع
انا بفترة ملجه ريلي مد ايده علي لاني بس قتله مالي خلق
و سمعني كلام قوي
قلت لاهلي بس
حسيته خاف من اهلي جذي اعتذرلي مو قادره ابلعه
احس احتقرته
شي ما يسوى
خايفه يعيدها لما اكون عنده بالبيت ؟
شسوي ؟
ااطلب الطلاق ؟
انا من زمان افكر بهل شي متردده لانه اسلوبه كان يلوع الجبد
يقط علي كلام قوي

 

[انا لها شمس]

شنو هالميانه القشششره تطقني وانا تووووني مالجه بس
هذا شلون لو عديتو سنين

ماقدر احرضج عليه انتي ابخص بخطيبج

واذا في اسباب كبيره تجبرج ع الانفصال يكون احسن
قبل لا تتزوجون وتظلمون حالكم وعيالكم معاكم

 

[فمـــان الجــرح]

ما ادري بس انا اشوفها قوية يمد ايده و انتو مالجين

مثل ما قلتي ان السبب ما يسوى

فشلون بعدين و المعروف ان الحياة الزوجية ما تخلو من المشاكل و الاختلافات

انا مع الاخت ( انا لها شمس ) ان كان في اسباب اقوى للانفصال ف اظن ما تنلامين

لكن لو كان هالسبب فقط .. فممكن انج تختبرينه بهالموضوع من يديد من خلال مواقف ثانية و تشوفينه هل تغير او لا

وراح تعرفين بعدها ان كان هالشي طبع فيه ما يتغير و بيظل دوم يمد ايده و ما يتفاهم الا بهالطريقه .. او ان كانت مجرد مرة و بلحظة عصبية


الله يوفقج يارب .. و يكتب لج الخير حبيبتي

 

[منال $]

يعي انتي بس قلتلية مالي خلق وعاطول مد ايدو عليكي؟؟؟
الموضوع مش مفهوم
وبغض النظر مهما كان المةضوع ماتوصل للضرب وانتة بفترة الخطبة
ما قلتيلنا اهلك ايش تعليقهم عالموضوع مع انك تنفصلي اولا؟؟

 

[english muffin]

اكسر له يده !
الريال الي يمد ايده على مره مب ريال ومن اولهااا عاد @

 

[Gifts&Occaions]

الله يعينج

 

[(حكاية قلب )]

الله يهدية
استخيري وشوفي الانسب لج ​

 

[الشهد كله]

بالملجة طراق

بعد العرس :eh_s(10)::eh_s(10)::eh_s(10):


طيب انتي قلتي لأهلج ، شنو دورهم ؟؟؟؟؟؟؟؟؟؟؟؟​

 

[كزنوفا]

نصيحه لاتسكتين

وقولي حق اهلك مشان يحترمك

والله ان سكتي راح يتماده عليكي

وانتي بالملكه كف
اجل في العرس اكيد بيدفنك هههههههههههههههههههه

 

[nutella22]

لاتسكتين له اذا هذي بدايتها بعدين وش بيسوي الله يعينك

 

[شموخي اتعبهم]

ربي يكتب لج الخير

 

[ظبية بوظبي]

يا بووووي هذا ضربج وانتي في فتره الي الكل يكونون فيها حلوين وذربين وماسكين اعصابهم
عيل بعد ما يتزوجج ايش بيسوي
واااااي فضيييع
اقول اخلعيه وارتاحي
ترى والله لا يفر راسج ويقنعنج انه ما كان حاس بنفسه وانه ما يقصد ومن هالخرابيط والاعذار الي اكيد بيرقع نفسه فيها

خلاص هذا انعرف طبعه ومن البدايه
زين عرفتيه قبل لا تتوهقين
وترى انا اخاف اكتب شي اتحاسب عليه
بس هذا مبين عليه انه بيقلب حياتج جحيم
وانتي الحين بإمكانج انج تتخلصين وتنفذين بجلدج
قبل لا تندمين ندامه العمر كله

 

[Canon~]

من اولتها كذا

والرجال اللي يضرب مو رجال بنظري


فكري زين توكم بالبر

 

[om Firas]

استخيري وشوفي االخيره وين الله يوفقج ويسهل دربج

 

[كويتيه فرنسيه]

من اولتها ضرب@@

بصراحه ممكن اسكت عن كل شي الا الضرب
علمي اهلج خل يهاوشونه ويغسلون شراعه ويطلبون رضاوه عشان يتادب ويحس بغلطته والا ترا بتصير مدة اليد عاده عنده

 

[رنيم الروح]

من اولها @@ لا تعليق انتي ادرى فيه

 

[GofiSho]

الله يعينك حبيبتي و يستر عليك

أقترح أنك تفكرين بالموضوع بشكل جدي أكثر !

ملكة و توصل لضرب قوية !

ناقشي أهلك بالموضوع , هم أكيد يعرفون مصلحتك

و ربي يكتب لك اللي فيه الخير

:* ​

 

[!الجادل الصعب!]

اذا اعصابه شدت من شغله بسيطه شيبسوي مع ضغوطات الحياه ؟

انا اقول استخيري وعيدي التفكير بالموضوع والاهم اجلي الزواج شوي

 

[حبيبي مالكني]

اذا من البدايه مد يده بعدين شنو بسوي
فكري عدل حبيبتي وصلي استخاره
هالريل ينخاف منه لان طقج على سبب تافه
الله يعينج

 

[من يشابه ديرتي]

ترى كلش مؤ سهله انه يمد ايده عليج وانتو توكم بالملجه الي هي الفترة المفروض يطلع أحسن ما عنده
هذا الله يهداه خارها وبلشها تق متاقق على قولة رولا خخخخخخخخخخخ :j013:

والله شوفي نصيحتي بما أني ما ودي بيتج ينخرب اقرصيه قرصه سنعه عن طريق اهلج و اذا حسيتيه صج متحسف بضمير ومقتنع انه غلطان ومستحيل يكررها
عطيه فرصه وكان الله غفور حليم :denya:

والله يوفقج ويكتب لج الخير يارب