ريلي كاتب تعليق يتغزل فيه بالوصخة اللي في اليوتيوب

[الحب الاصيل]

قوة بنات
انا عضوة من زمان هني لكن دخلت بنك يديد وبليز لا تسالوني عن السبب
ابي وحدة تفهم بالنت
بليز ممكن سؤال كيف ممكن امسح فيديو سخيف باليوتيوب
هذا اليوتيوب
XXXXXXX

ريلي معجب بالوصخة اللي بالفيديو حتى انه داش وكاتب تعليق غزل فيها الوصخة
بليز
لا تتجاهلوني ابي رد سريع واذا ممكن تسالون احد من اخوانكم شلون امسح هذا الفيديو

والسموحة بنات ومشكورين مقدما


___________________


تم حذف الرابط من قبل المشرفه العامه Dancing^QUeen

الرابط مخالف ويحتوي مشاهد غير لائقه ارجو احترام العضوات والمنتدى بعدم نشر هذا النوع من الراوبط!
في حال تكرار الموضوع سيتم توقيف العضويه

 

[Dancing^Queen]

السلام عليكم
اختي انا وافقتلك علي الموضوع ونزلته عشان يساعدونج البنات عقب ما مسحت الرابط
الروابط اللي تحتوي علي مشاهد رقص وموسيقي ممنوعه بالقسم !!

والله امر بالستر الحين البنات بيدشون ويدورون منو اللي كاتب مدح ويفرضون ان ريلج ! وغير انج بنشرج للرابط بتاخذين اثم اي شخص يدش ويطالع عن طريق موضوعج !


انصحج
مو انج شلون تشيلين تعليق ريلج
في انج شلون تعالجين المشكله مع ريلج بالاساس يا انج تسكرين اليوتيوب بكبره وتحطين علي ريستريكشن
يا انج تكلمينه وتقوليله هالشي مايرضيني

 

[معي احلى]

ابحثي بجوجل عن طريقه .. وان كنت اشوفها مش طريقة مجديه لان الخلل مع احترامي لك . من زوجك لو حذفتي فيديو في مليون فيديو ثاني فيها بنات بيتغزل فيهن ..

 

[ROSE AL Q8T]

الله يهديه انشاله
واذا صكيتي هالفيديو يعني ماراح يشوف غيره
صححي المشكله اول
وآعرفي السبب
مع ان اظن في اغلب الوقت مو قصور بالمرآه لكن الرجال في خلل بالوازع الديني ماله

 

[عسل سل]

زله كلها تعليق ترا !!!

 

[البطه ميمي]

انتي مثل حالتي تدرين ايشسويت سجلت يوتيوب وقمت اكتب كلا خويف بالله وادعي عليهم ليل ونهارريلي هجرني عشان هالمشاهد
لاتواجهينه من الحين شوفي حل ثاني يوم واجهت ريلي طقني ذبحني لقيته يطالعهم وينام بغرفه لحاله لكني كتبت له رساله خطيره وكانت هي آخر خطوه لي

 

[البطه ميمي]

علئ فكره اذا واجهتي بيسوي من وراج من غير ماتكتشفين حاولي تكشخين وترقصين واهتمي بنفسج وشعرج وعطرج ودلعي روحج وقولي له كما تدين تدان باجر الله يسلط على خواتك وبناتك وزوجتك بطريقه غير مباشره

 

[زوجة عزيز]

مافي الا انج تواجهينه احسن حل ليش تكتمين بنفسج وتتعب نفسيتج صارحيه اهو الغلطان مو انتي

 

[جـــواهر]

طنشي حبيبتي اذا مااشاف باليتيوب يقدر يشوف بأي موقع ثاني
والاجهزه الذكيه ماتقصصر

اذا مزعجج التعليق حطي فبالج انه حاله حال الخرفان اللي علقو سوري ع الكلمه
بس شدعوه هي درت عنه وعن تعليقه

 

[فوفو22]

لنفرض مسحتيه

ايضا يبحث بتيوبات اخرى

اذن المشكله مش بالتيوب والمسح

المشكله بالزوج المدمن خرابيط بالنت

علاجه

عدم استفزازه بهالامور لانه حسابه وعقابه على رب العالمين

فقط تذكيره بالصلاه بكل وقت

والجلوس معه .....وترس عينه بمعنى انتي ارقصي له شرقي غربي

حتى يصير عنده تشبع واكتفاء

فوفو

 

[العز انا]

لابد تحلين المشكله بالاول بعدين تشوفين لك صرفه مع هالفيديو

 

[كليـ دلعـ]

وكلي اممرج لرب الفلق

الجئي له وادعي له

وماهي واقفه ع اليوتيوب مليار شي وشي

وان ماشاف جدامج شاف وراج

هذا شي بنفسه. وبخاطره ماتقدرين تردينه


ادعي له والتفتي لنفسج. خلج كامله

 

[توايلا]

الله يهديه ويملا عينه وحياته فيك

 

[لولو8090]

يعني لاحذفتي التعليق بتنحل المشكله !!!!!!!!!!!

 

[al-musk]

وحتى لوحذفتيه في الف فيديو غيره ... المشكلة بريلج

 

[احلا المزايين]

وانتي صايرة كونان تراقبين الريال وتفتشين من وراهاذن الخطأ فيج الزواج اهم شغلة فيه انج مااتدققين ورا الشخص اللي جدامج
وبعدين خير ان شاء الله كله تعليق
دارية عنه اللي باليوتيوب
حبيبتي اذا هاذا نظامج مع زوجج اتنبشين من وراه
ابشري بالاكتئاب والامراض النفسية
ولاتنسين قول الله تعالى ياأيها الذين آمنوا لا تسألوا عن اشياء ان تبدوا لكم تسؤكم

 

[عزوتي خمس صقور]

الله يساعدج

 

[الحب الاصيل]

السموحة ياقلبي المراقبة العامة لاني وضعت الرابط لكن فيني حرة مو طبيعية وحبيت البنات يساعدوني
وربي يسلم ويحمي كل اللي ردو وكلامكم مضبوط اهو فعلا اليوتيوب مليان خرابيط
لكن المشكلة ان زوجي مايتابع هالخرابيط اوماهي عوايده يتابع يوتيوب الا هالفيديو هذا
يحبه ويتابعه دوم دائما افحص الهيستوري والقاه فتح هاليوتيوب
لذلك ابي امسحه

 

[الحب الاصيل]

مشكورين بنات على تفاعلكم

 

[قموووره]

اولا : محد يقدر يمسح مقطع فيديو من اليوتيوب الا صاحب المقطع نفسه حتى التعليق بس صاحب التعليق اهو الي يقدر يمسحه
ثانيا : اذا انمسح الفيديو يعني راح ينمسح من ذاكرتج الكلام الي كتبه؟؟؟ مافي مقاطع ثانيه؟؟
ثالثا : اغلب الرياييل جذيه يطاعون حتى الي تشوفينه ثقيل يطالع بالخش والدس الا من رحم ربي
رابعا اذا واجهتيه بتدخلين نفسج بمشكله وبتطلعين بالاخير انتي الغلطانه
خامسا هههههه مصختها : حاولي تترسين عينه وبشكل غير مباشر ذكريه بالله وان الي يسويه حرام ويغضب الله

ترى ماكو ريال ما يطالع مو بس ريلج بس انتي طحتي عليه وغيره الله ساتر عليهم واذا على المطالع خل يطالع من صجج انتي بس تعوذي من ابليس حريم رياييلهم ايون البيت واهدومهم كلها مكياج وانت زعلانه على فيديو ؟ بالطقااااق ريحي بالج​