ريلي قالي عالغدا ....... وبليل شوفو شصار

[لذه السكر]

السلام عليكم

بدش بالموضوع على طووول

انا مالي علاقة بالمطبخ نهائيا ومن تزوجت ماطبخت الا من شهرين بديت اطبخ لان ريلي مسوي رجيم ويبي الغدا متاخر

امس كنت مسويه دياي تندوري

» دياي تندوري قليل الدسم My Kitchen


جان يعترفلي ان اكلي مو حلو :eh_s(16): وان ياكل لان هذا الموجود وقال رمضان لا تسوين شي (عساس ان فطورنا مع اهله بس انزل معاي خفايف وحلو قال لاتسوين) :eh_s(16)::eh_s(16):

بنات مادري شنو الغلط وصج اعترف اكلي مووووووووحلوووووووو ساعات انا ما اكله :eh_s(2):

اهو بيني وبينكم انا ما اذوقه لان استغفر الله لحم والا دياي ني ما اقدر اذوق السوس مالته وهم مع الطباخ تتغير النكهه



وكملت امس بليل حاشه تسمم وكل شوي الحمام مع ان مو ماكل شي غير طبخي او يمكن لان الطبخه فيها زنجبيل وكمون واهو معدته حساسه


وايد ضايق خلقي ومابي يحوشني احباط بالعكس ودي اكمل واصير طباخه

والحين شسوي بالاغراض اللي شاريتهم الكبتات والثلاجه متروسه اكل لاني متامله اني بطبخ :weight_lift:


شورو علي شسوي :eh_s(16): الريال يقولي انا ما ضعفت من الرجيم ضعفت من اللي اشوفه كل يوم اثاري الريال بالعها وساكت ياعيني




واللي تبي تعاقب ريلها تطرشلي مسج اطبخله _03BA:

 

[أحلى همبه كويتية]

حبيبتي كل البنات بدوا بهالطريقة وبعدين صاروا احسن طباخات

انتي سوي كمية قليلة بالبداية لما تضبطين الطبخة


واتبعي المقادير بالضبط
المنتدي متروس وصفات واغلبها البنات طبقوها
والشرح واضح وبالصور

شوفي قسم التطبيقات

 

[جارة القمر]

بس صج تري في ناس تتعب من الكمون والزنجبيل

 

[لذه السكر]

مشكورة هبه بحاول وانشالله تضبط معاي

جاره القمر

اي اتوقع من الكمون والزنجبيل

 

[noor salam]

ميخالف حبيبتي ....عاااااادي
فيه مجمع دسمان سمعت انهم يلمون الطبخ الصحي بس انا ما رحت سمعت و العهدة على الراوي
اتصلي فيهم وسألي

 

[(حكاية قلب )]

هههههههه حياتي عورتي قلبي
الطبخ ترا مو فطرة لآزم تتعلمين شوي شوي راح تضبطينها ان شاء الله ,
​

 

[الأميرة جوري]

ياقلبي بالاول لا تسوين اكلات هنديه لان يبيله بهارات ومعدته تعبانه سوي له عيش مشخول ودياي مشوي مرقه خفيفه قليله من الدهون علشان معدته والنت مترووووس اكلات للريجيم وبالصور بعد والمقادير واي طبخه تسوينها لازم تذوقينها علشان تعدلين عليها من ملح وبهار يعني بعد ساعه من طباخ يكون الطباج مستوي مو ني وتقدرين تذوقينه وتعدلين عليه

 

[ذكريات ماضيه]

حبيبتي اللي الحين طباخه وتعرف تطبخ وجذي ترى مو من اول ماطلعت للدنيا عرفت تطبخ لازم شوي شوي تتعلم وكذا مره تخطئ عاادي لا تتضايقيين ..

آشتري كتب طبخ تعلمي شوي شوي



واللي تبي تعاقب ريلها تطرشلي مسج اطبخله _03ba: <<<مت من الضحك هههههههههه

 

[عالمي المجنون]

لذة السكر

اشلونج حبيبتي

اول ما شفت النك قلت جني اعرفها بس يوم شفت التوقيع

تأكدت كنا تجمع عرايس نوفمبر يا حلات تجمعنا

المهم

ابدي بالشي السهل مثال شاورما دياي و فوقه بطاط مفيوح و جبن

او صاج و داخله حشوات او سلطات كل هالاشيا ما يبيلها مجهود وايد

و لازم تذوقين الاكل عشان تعرفين اذا أوكي والا لا

 

[Melazlaza]

حياتي ليش جذي تحبطتي والله سهالات
الحين لما دخلتي اولى ابتدائي كنتي تقرين وتكتبين؟؟
لا اكيد غلطتي الف مرة عشان تتعلمين وكا الحين تكتبين وتنكتين بعد لووول

شوفي اول خطوة حطي براسج هدف انج تتعلمين الطبخ
عقب لا تطبخين وزوجج يوعان لا دشي المطبخ بوقت نومته مثلا وتعلمي كميات قليلة وكل خطوة ذوقي لين تضبط معاج
واذا ضبطت كرريها عساس تثبت براسج
ابدي بالاشياء الخفيفة مو دياي ولحم واشياء تحتاج وقت لا مثلا اشتري المثلجات شاورما او فيليه واتبعي الخطوات وسلطة على جنب جذي تكون خذت ايدج
اذا عرفتي لهالاشياء عاد ابدي بالايدام من لحوم وجذي

وانصحج جربي جربي لان الكتب ماتكتبلج كل شي بس تعطيج طريقة مثلا مايقولون اقلي بزيت حار حيل لا بس يكتبون زيت هني تتوهقين
فانتي خلج مقيمة بهالقسم وتابعي البنات والحلو ان اذا ماعرفتي شي تسإلينهم يجاوبونج

و تمنياتي لج بطبخ لذيذ وناطع*

 

[فله يافله]

ههههههههههههههه وربي متت ضحك
حبيبتي ترى عادي انا اذكر اول مره طبخت فيها من تزوجت
طبخت سمج عساس الحجيه امه اصرت الى اطبخ سمج وهي تعرفني ماعرف اطبخ شوفي المعاناه :eh_s(10):

جان اكوم اطبخ السمج ويه كشوره وسويته مرقه
صارت مرقه كشور هههههه شسوي بعد ماعرف
المهم الحين ياقلبي وربي الجميع يحلف بطبخي وطعمه الي ياكل مره من ايدي عمره ماينسى الطعم الذيذ

وربي صج بالبدايه تعب وكل يوم حاركه شي ولى يطلع لج الطعم تكولين نفط ياكافي ههه
بس بالاخير راح تتعلمين وتطلعين فلته
مدام انتي تحبين وعندج الاصرار انج تطبخين وربي رح تطلعين فلته
بس شنو ابدي بالشغلات البسيطه اول شي مو طبخات هنديه ترى ثكيله وماتظبط بسهوله
وبس تعرفين اساسيات الطبخ رح تبدعين

فديتج يارب وبشرينا عنج اول باول

 

[ام^يوسفاني]

ههههههههههههههه وربي متت ضحك
حبيبتي ترى عادي انا اذكر اول مره طبخت فيها من تزوجت
طبخت سمج عساس الحجيه امه اصرت الى اطبخ سمج وهي تعرفني ماعرف اطبخ شوفي المعاناه :eh_s(10):

جان اكوم اطبخ السمج ويه كشوره وسويته مرقه
صارت مرقه كشور هههههه شسوي بعد ماعرف
المهم الحين ياقلبي وربي الجميع يحلف بطبخي وطعمه الي ياكل مره من ايدي عمره ماينسى الطعم الذيذ

وربي صج بالبدايه تعب وكل يوم حاركه شي ولى يطلع لج الطعم تكولين نفط ياكافي ههه
بس بالاخير راح تتعلمين وتطلعين فلته
مدام انتي تحبين وعندج الاصرار انج تطبخين وربي رح تطلعين فلته
بس شنو ابدي بالشغلات البسيطه اول شي مو طبخات هنديه ترى ثكيله وماتظبط بسهوله
وبس تعرفين اساسيات الطبخ رح تبدعين

فديتج يارب وبشرينا عنج اول باول

عادي حبيبتي انا كنت جذي ما اعرف شي بس تعلمت اشتري كتب طبخ

 

[t.o.o.ot]

انتي ابدي بالخفايف سلطات سندويشات صواني فرن وشوي شوي وراح يصير لج نفس بالطبخ

ونصيحة ً كبداية ابتعدي عن اللحوم والدجاج حطي بدائل مثل مرتديلا نقانق بوب كورن ناجت او برغر سهلة واااااجد وعل وعسى ربي يسهل امورج .....

 

[خلني حضن لحنينك]

شوفي...احسن حل..انج تاخذين فتره اجازة اسبوع بيت اهلج عند الوالده خليها تعلمج عالاقل الاطباق الرئيسيه وسوي مثلها احسن وافضل وان كان به غلط بالتجربه كرريها بنفس اللحظه لان الهدف تعليمي مو تجربين وع طول تقدمينه لريلج جذي ماينفع...هذا اقتراحي وانتي بكيفج..انا خواتي قبل الزواج تعلموا قبل العرس بشهر الطبخ ع يد امي والحين صاروا فنانات بكل شي ولله الحمد..وعندج بنات عمي ماكانوا يعرفون يوم تزوجوا تعلموا وهم ببيت اهل زوجهم اللي تعلمت من حماتها اللي من اخت ريلها...لكن بروحج بالبدايه ماينفع ولاتقولين كتاب والا عالنت حلاته يكون واحد يمج يوجهج مثل الوالده او الصديقه او الاخت المهم حد يشرف على الطبخ وصدقيني ترى الامور سهالات بس يبيلها تركيز مو قص ولصق بمعنى تطبيقين اللي بالكتب والسلام لا لانه لازم تكون في اضافات من بنات افكارج لان موكل كتب الطبخ مقاديرهم تناسبج والا تناسب الزوج عرفتي علي.. ويعطيج العافيه

 

[جذابه بنت ذيابه]

حبيبتي

ماعليج منه اطبببخي تعلمي

اشتري كتب طبخ .. وتعلمي انا كنت نفسسسج ببيت اهلي ما اعرف اصب الماي ( احلفي هههههه
و من تزوجت تعلمت عشانه وعشان بطني واعيالي لووووول


يوم يومين ثلاث قام ما ياكل الا مني ..! واذا سوو اهله او الخدامه مايبي


ابدي بالحلويات و الفطاير و كل يوم نزلي طبق
و بعدين شوي شوي سوي برياني
ويوم سوي مرقة باميه


الله يسلم المنتدى وطبخاته ..

 

[جنون العاطفه]

لبى قلبج ضحكتيني

عادي تقدرين تعلمين ي قلبي مو مشكله ​

 

[hanadi burhama]

ههههههههههههههه يحليلج والله ضحكتيني انا قريت العنوان قلت انتي مسويه بوفيه ههههههههههه

يالله ميخالف شوي شوي تتعلمين

ليش ما تدشين دورات طبخ

 

[عاشقة الاسلام]

حبيبتي شوي شوي وراح تتعلمين الطبخ
انا كنت فاشله بطبخ اشتريت كتب طبخ اسمه المطبخ المميزه وكتاب طبخ اسمه اطباق النخبه وصرت اطبق المكتوب فيهم وشوي شوي تعلمت وسجلت بمنتدي كويتيات ودخلت قسم الطبخ وطبقت المكتوب وصرت فنانه بطبخ وريلي واهلي صاروه يحلفون بطبخي وصرت بجمعت الاهل اسوي بوفيهات لهم بس للاسف ماعرف انزل صوره اطباقي بالمنتدي
المهم صدقيني طبقي الموجود بقسم الطبخ بالمنتدي وتصيرين طباخه درجه اولي وذيك الساعه ريلج ماراح ياكل الا من ايدج بس شوي شوي وراح تتعلمين الطبخ

 

[asma]

خلج على العيش المشخلول والدقوس وتالي رح تتطورين

 

[معشوقتي امي]

عادي انا بدعت يوم تعلمت الطبخ بس الحين ولا اقدعها طباخه ............... ومثل ماقالت لج الاخت نسيت اسمها طبخي شغلات خفيفه لغايه ماتتعلمين .............وشكرا