ريلج يقول عن مرت اخوج جميله!!!

[بزه المرتزه]

السلام عليكم
شلونكم بنات
اتوقع الموضوع مبين من عنوانه!
امس قاعده ويا ريلي قاعده اسولفله عن عزيمه وكنا انا ومرت اخوه رايحين!
فقاعده اسولف!
اهي الصراحه مرت اخوه حلوه بس متينه
فكانت تسولفلي ان ريلها مو هامه اذا ضعفت او لا (عكس ريلي المصون طبعا)
المهم فكنت يايبتله هالطاري (عشان يعرف ان في رياييل اذا حبو حريمهم يحبونهم مثل ما اهم)
عاد اهني قالي :eh_s(14):
عاد اهي لو تضعف تصير جميله!!!!!!!!!!!!!!!!!!!!!!!!!!!!!!!!!!!!!!!!!!!!!!!
الله اكبر!!! الله اكبر!!!
وانا ويني من هالحجي!!!
انا حتى ما يتحلى علي
ولا يقول اذا كنت كاشخه او لا!
اوكي يبين من نظراته! بس شبي بنظراته! ابي كلام حلو!
كاهو عرف يقول عن مرت اخوه جميله!!
المشكله ان مو اول مره يقولها!!
من قبل فتره قالها بس طوفت ما حبيت ادقق بالموضوع وايد
حتى امس لما قالي ما بينتله اني اغار منها او شي!
بس يبتها بطرقة انك تعرف تمدح وتقول! وانا مرتك ماتقول
طبعا ساحلني بجم كلمه وطخيت
بس ليلحين ماني متقبله الوضع!
منبطه جبدي وااااايد!!
وكله من خالتي الله يهداها
لان كله تقول هالكلمه
واهو وايد ياخذ بكلامها
فخذا الكلمه منها وقام يقولي
انا بعد هم مابي اناشبه وايد عشان ابيه يقولي كل شي صراحه
مابيه يخش عني شي لما يفكر بردة فعلي (نفس امس)
بس طمنوني الوضع عادي او لا!!!

 

[miss swan]

اول شي لاتسولفين عن اي مره بالوجود جدامه لا بالشينه ولا الزينه
ماادري شلون انتو تسولفون ان كلش مااايب طاري اذا اضطريت كلمتين بس مااتناقش معاه
واذا قالج مره ثانيه جذي قوليله اي والله حتى اخوك مشاءالله جميل واللبيب بالاشارة يفهم
طبعا انتي ادرى بريلج اذا ينفع اول لا​

 

[جـــواهر]

مثل ماقالت الاخت سوان

لاتسولفين لريلج عن اي وحده بغض النظر عن غااايتج

لااااتسولفين


وارا على قولتج كله من خالتج خلاص لاتضايقين

 

[tunaQ8]

ياربي يبطون جبدي الحريم ألي يسطرون على ريايلهم . واذا علق الريال قالوا مايستحي وماينتخي
مو انتي الي يبته لنفسج مسكو السانكم لاتطرين سوالف الحريم عند ريلج .

 

[iLLuMinaTion]

الله يعينج

 

[*-*Lo0o0Raaa*-*]

اهيا مو سالفة

لا تسولفين عن اي مرا جدامه

مو هذا الحل

المفروض تقولين له انت شلون تقولي هالكلمه ...؟؟ اساسا

ترضا اقولك انه فلان حلو ولا شملحه ولا لا ...؟؟؟

انا ولا مره قارنتك بغيرك

فلا تغارني بغيري

شنو اهيا جميله .؟...

ولا ترضين على جم كلمه

لازم تفهمينه انه هذه الطريقه غلط

وهذا اسلوب مراهقين مو اسلوب واحد رزين وتكانه

ضايقيه بجم كلمه

عشان يحس انه اللي قاله مو شوي

 

[lolO29]

لا تييبين طاريها وذا انفتح الموضوع وقالج اهي جميله ومن هالحجي قوليله اي اخوك حلو وجميل ويهبل

 

[الجوهرا]

يمممممه الله يعينج ياقلبي هذي مصيبه

 

[أم عزيـز]

انتي غلطانه لما تسولفين عن احد موجود معاكم في البيت خاصه الحريم
لان الرياييل اذا قلتيلهم عن شي حتى لو مو منتبهين له راح ينتبهون ويدققون بس للفضول مو اكثر ولا اقل

فإنتي لا تيبين طاريها جدامه ولا تقولين تضعف او تمتن هذا حق ريلها
حتى لو تبين تيبين طاري احد او مثال خليه مو موجود بينكم يعني رفيجتج بالدوام او بالدراسه او جارتج المهم اي احد ما يقدر يشوفه ولا يعرفه ويتخيله

 

[شادن33]

صح لاتييبين طاريها كككككلش
واذا سولف عنها غيري الموضوع بسرعه اوردي كلمه ورد غطاها
وبينسى
لاتكبرين السالفه وبعدين تكبر

 

[بزه المرتزه]

اي صراحه بط جبدي!
بعدين اهو يبيني اقوله عن كل شي يصيييير!!
باختصار ريلي يحب السوالف امه معودته كل شي تقوله فيبيني اصير نفسها!!
الحين اخوه ومرته ساكنين ويانا بنفس البيت وراح احتر كل ما شافها صراحه!!
بس اهو شلون يتجرا يقولها هذا الي حرني!
لو ممثله والا مغنيه اقول ياحيل الله
بس مرت اخوك!!!
قتله ترضى اقول عن اخوك جميل
قالي اي اخوي عادي
مافيها شي
شسالفه!!
ماكو ريايييل بالديره !!
خلصو الرياييل

 

[شادن33]

حبيبتي اذا اهم مايعرفون السنع انتي عوديهم
شنو يعني يحب السوالف الحريم قوليله يبا عيب ارتقي
ولما ايشوفج ماتعطينه على هواه بيطخ وينجعم
والكلمه اللي قالها يمكن من ورا قلبه يبي يحرج الله يهديه ماعنده اسلوب
طاااااف

 

[أكذب عليك]

شوفي مهما كان حتى لو في احد عاجبه استحقر اللي يمدح حريم قدام زوجته والعكس صحيح
فيعني ادري انه الرياجيل مايملي عينهم شي بس كيفه بينه وبين نفسه ماحب اللي يصرح بهالسوالف

لاتعتبرين هذا شي حلووو انه تبينين انج ماتغارين وانه موهامج الموضوع
ونصيحه لاتكلمين عن بنات قدام زوجج لانه اهم الهوا يتعلقوون فيه فمابالج انتي تتحجين عن بنت
خالتج ماشالله تمدحه قدامهم

ونصيحه الاخيره موحلووه الرجال يتجرا ويمدح احد قدام مرته

 

[؛؛حلاوه؛؛]

انا اشوف هالشي عادي وغلط تبينين له انج زعلانه لان راح يقول انج تغارين

 

[RO0O7Y KUWAITYA]

ماقصروا البناااات

 

[ماتغير شي]

البنات كفؤ و وفو

 

[semaasem]

الله يعين

 

[هونها يارب]

لا تسولفي عن اى وحده جداما لابالزين ولا بالشين نصيحه

 

[amami al-kuwai]

مادري انا اشوف ان الوضع شوي صعب بس مو تسوين سالفه عليها

هو صريح معاج خليه يسولف ولاتسوين قصه علشان تكسبين ثقته ويسولف معاج بكل شي بخاطره

للامانة صارلي هالموقف كنا نسولف عن عيال عمه ومني مناك فقالي عندي بنت عمي جميله جميله جدا بس ماتزوجتها ووضحت لزوجي بدون صراخ ان انا ما اقبل وتخيل لو اججي واقولك ان ولد عمي جميل واتغزل فيه هو تقبل

بس احس شوي قام ينتبه قدامي بالكلام يعني مايقول كل اللي بخاطره

 

[فاقده ابوهاااا]

ريلج ما قال شي قوي علشان تكبرين السالفه
عادي قال اذا تضعف تصير جميله اشفيها قال الصج يعني زوجي ياما يقول عن فنانات اذا امتنوا او اضعفوا يصيرون احلى خلي ثقتج بنفسج كبيره
اشدعوه على كل كلمه بتزعلون

لا تكبرين السالفه وبالنسبه لي اذا زوجي قال نفس هالحجي مع ان هالشي مستحيل لاني احلى منهم <<<<< مغروره هههههههه عادي راح اتقبل الحجي