ريلج يبي ياخذ قرض عليج شنو ردت فعلج ...!!!

[مثيره]

السلام عليكم

شلونكم شخباركم بنات بدش بالموضوع على طوووووووووول


ابي كل وحده تكتب رايها بالموضوع بليييييييييييييييز


انا ريلي ياني وقالي ابيج تاخذين قرض من البنك 15.000 خمسه عشر الف ديناااار ينطح دينار

وقالي هذه القرض علشان راح يبني شقه لنا في بيت ابوه فهمتوني اهوا وخوانه يتقاططون

علشان يبنون البيت واحنا يطلعلنا شقه فيه كبيره شوي بصراااحه انا مادري اخذ قرض ولالاء؟؟؟


اهوا عليه قروض من زمان من قبل الزواج وبعد الزواج الريال مفلس انتم شرايكم اخذله ولالاء

واي وحده بموقفي تقووول رايها بليييييييييز ابي الردود بسرعه بلييييييييييييييز​

 

[Queenleo]

رد : ريلج يبي ياخذ قرض عليج شنو ردت فعلج ...!!!

والله انا خاايفه اكتب ردد واشيشج على ريلج :/
بس بجاازف
الي تاخذ قرض حق ريلها غلطااااانه
من السوالف الي نشوووفها ونسمع عنها الرياال بلحظه يتغير ووبتمينن انتي تدفعين القسط من معااشج سنين
بس اقوولج استخيرري افيدلج

 

[MELANO]

عن نفسى ما اقدر احكم مانى متزوجه


استشيرى اهلك احسن وهم استخيرى

انتى ادرى بظروف زوجك وصدقه معاج


الوحده بهالزمن تخاف صراحه

 

[Queenleo]

رد : ريلج يبي ياخذ قرض عليج شنو ردت فعلج ...!!!

اذا في طريقه تضمنين فيها نصيبج اووكي مو مشكله
لانج بتساهمين ابيت اهله مو بيتج يعني لازم في طريقه تضمنين ان فلوسج مع الوقت ماتروووح عليج
انتي مو مسئووله عن ترميم بيت اهله
لان مسيره البيت بعد عمر طوويل بيرد حق الوورثهه الي اهما عياله
وانتي مالج شيء
المفروض العيال يتحاططون

 

[*الأثــــــــير*]

والله شوفي محد يقدر يعطييج حل لانج انتي ادرى بزوجج مثلا انا ما أيد ابدا ان تاخذيين قرض عشان زوجج بس اذا انتي واثقه فييه ومو

مقصر معاج بالللي تطلبينه وتشوفيين ان هالقرض ماراح يأثر عليج توكلي على الله وسووي اللي تشوفينه صح والله يوفقج

 

[عيش و مرق]

لالالالالالالا طبعا

طلعى اجار بره شقه بروحج بعيد عن المشاكل ارخص لج واوفر من الاقساط الى راح تدفعينها كل شهر حق القرض اتصيرين كنك تدفعين اجار البيت الى انتى قاعده فى او الشقه وزوجج قاعد بلوشى ليش انشاله ابنى بيتهم ههههههه حلوه هذى

خلى فلوسج حقج صار ماصار خسرتى فلوسج والبيت خو ماراح يصير جزء منه لج باسمج خلى زوجج يستريح وعدوه الريح

 

[دريم ويب]

ماارااااح يقصروون الصباياااا

 

[كياني المجروح]

رد : ريلج يبي ياخذ قرض عليج شنو ردت فعلج ...!!!

انا لو مكانج ما اخذ لانه الريال ينقلب وعادي على اقل هوشه يصير ضدج ويطلق واتمين انتي تدفعين قسط عالفاضي
ليش ان شالله
انا هاي رايي لانه زوجي جي مزاجي ومتقلب . بس انتي ادرى فزوجج

 

[وردة-الكويت]

انا استغرب من الي تقول واذا مو مقصر معاج بلي تطلبينه اخذيله لا يااختي لاتاخذين له قرض سواء مقصر او مو مقصر

انا طليقي طلب اني اخذ له قرض 18 الف بس رفضت وعلمت اهلي بهاسالفه وانا اعرف وحده تقرب لي زوجها حاطها

بماي عيونه لمن طلع بيت الحكومه لها ولزوجها رممت البيت واثثته استانست فيه بس 6 شهور تالي تزوج عليها ال 2

وهذي الي انا تعلمت منها زوجج لاتقصرين معاه بلواجبات الزوجيه سويله فوق طاقتج لكن لاتاخذين له قرض ابد ولو ني منج


اخذي اجازه سنه بدون مرتب اففففففففففففففف ال ايه مو مقصر

 

[ShWaR]

حرام تقطين 15 الف عشان تبنين في بيت اهله وبعدين بتطلعين من البيت والفلوس تدفعينها

خلي فلوسج لج تحتاجينها وسكني باي مكان

 

[Mrs. Honey]

لا لا لا
طبعا لا
بيت أولا وأخيرا مو لج!!
ليش تبنين؟
خليه ياخذ وقولي بيت مو لنا ليش ندفع؟

 

[! هُوْ وِينِه !]

مآ تدرين
ريآجيل هآلوقت مو مثل ريآجيل قبل ينحطون فوق آلرآس

 

[مارياq8]

رد : رد: ريلج يبي ياخذ قرض عليج شنو ردت فعلج ...!!!

طبعا لا
انتي من صجج الريال بس تعطينه راح يغير عليج

قوليله ما اقدر هذا موبيتج مسجل بأسمج عشان تدفعين فيه

كلش مستحيله قوليله كلم ابوي وراح يهون ههه

 

[حشمه]

البيت بيت اهل ريلج وبعد عمر طويل

الورثه بكونون زوجج واخوانه

يعني لو رممو الفلوس بترد لهم

بس انتي شنو بيكون موقفج

دافعه 15 الف وبعد جم سنه

احتمال كبير تطلعين بره بيت تسكنين بيت

او شقة يعني فلوسج بتروح عليج ولا شنو

الموضوع بالضبط شنو الضمان ان الفلوس

مردها ترد او بكون لج نصيب بالبيت مثلا!!

الا اذا انتي متنازله عن هالمبلغ لهم

عليج بالعافيه وتهنين ان شالله

 

[مرهفة الأحساس]

نصيحه لأ شكو حلوه هذي بيت اهل زوجياقط فيه يتي أوكي بس بيت اهل ريلي شكو أبدأ الرياييل يصرفون عمرهم قولي مستعده اطلع شقه اجار اثثها من الي ولااحط في بيت اهلك شي بالاخير حبوبه لج لو ريلج يادهينه لاتنكتين

 

[radia]

رد : ريلج يبي ياخذ قرض عليج شنو ردت فعلج ...!!!

لازم تضمني حقك الدنيا مافيها امان يعني وصل امانة او شي
ماهوش عيب انو الوحدة تعاون زوجها بالعكس لازم يتعاونو على هموم الدنيا بصح الدكية تعرف تضمن حقها من غدر الزمان
و ربي يكون في عونك و يسهل ليكم

 

[عاالية]

رد : ريلج يبي ياخذ قرض عليج شنو ردت فعلج ...!!!

نصيحة مو بيتج عشان تاخذين قرض
وبعدعمرن طويييييييل الورثة ياخذون حقهم وأنت ماتاخذين شي مع زوجج

 

[Om_Ksha]

استخيري
وبصراحه ماله حق يطلب اخوانه خل يساعدونه ومو مشكلتج انه عنده قرض قبل الزواج اهوا ريال ويدبر حاله ،،حلوه هاذي تساهمين ابيت اهل ريلج يريت بيتج !!!!


مانصحج الصراحه حرام الاستغلال

 

[Diva-Q8]

رد : ريلج يبي ياخذ قرض عليج شنو ردت فعلج ...!!!

لا والله هذا ما يعتبر استغلال والمره من واجبها توقف مع زوجها اذا كان بمقدورها وبالنهايه بيت ابوه بيصير بيته بعد عمر طويل

لو قايل يبيهم بيشتري سياره ولا بيسافر انقول غلط بس يبيهم عشان يسكنج بشقه بدال لا يدفع اجار يعني تساعدي معاه ولج الاجر والثواب وغير هذا راح تكبرين بعينه وماراح ينساها لج

انا لو مكانج اخذ بدون تردد

 

[منوووووله]

لو صار وطلبتي من ريلج قرض حق شي بيعطيج ؟


خنقول طلبتي سياره بيعطيج ؟


انا اشوفها اشوي صعبه انج توافقين بس مردج بتسمعين كلامه لانه بطريقته بيعرف اشلون يخليج ترضين


بكلتا الحالات ضمني حقج ياقلبي ..