ريلج و البنات و تويتر ؟!!!

[سحر :)]

قووووة بنات

شلووونكم شخبااااركم

من خلال متابعتي لتويتر حبيييب أعرض عليكم هالموضوع للنقااش

شرايكم لما رياييلكم يسوون فولو لزميلاتهم بالدوام او حتى بنات ما يعرفونهم و العكس ؟؟

يعني واايد لاحظت هالشغلة بالفترة الاخيرة يعني يسولفون عن اوضاع البلد او اي شي و ساعات يضحكون و يتغشمرون مع بعض ..

ما تخافين ان وحدة من البنات تشده لها باسلوبها ؟؟

هل هذا شي عادي و الا لأ و اذا ريلج سواها شنو يكون موقفج ؟؟ خصوصا اذا قالج ان بس يسولف عادي ما بينه و بينهم شي !

أنا الصراحة ما عندي جواب لاني طموووشة بس مستغربة من الوضع بتويتر !!

و المايك لكم :eh_s(7):

 

[ام فواازي]

عادي انا عندي تويتر وضايفه شباب و بنات شنو يعني اذا هو ضاف نفسي؟
اللي يبي يخربط بيخربط لو انه بين اربع طوف

 

[شادن33]

انا كنت مسجله وبعدين حذفته وريلي اهو اللي مسجلني وضايفلي مشايخ وعلماء
وبعدي شفته يلهي جان احذفه
يعني اهو علي حسب اتجاهات الشخص

 

[Tom ♥ Jerry]

.


شوفي انا ريلي عندة تويتر
و ادري مسوي فولو حق بنات و عنده 1000 فولو اذا مو اكثر
بنات و شباب و اهل الديره كلهم
بس اذا كلش ما اسأله عن هالموضوع لانه حساس شوي
و لا اعطي نفسي المهله اني افكر فيه بعد
اهم شي اني واثقه بريلي و اهوة واثق فيني و نحب بعض > شكو

لانه سياسه الموقع " تويتر " اهيه الي تحده يسوي فولوو
حق الناس .، كل الي عندهم حساب في تويتر يعني مختلطين بنات و شباب
اهم شي الخوف من الله و الثقه !!
المشايخ الكبار مسوين فولو حق بنات بس اكيد كل واحد يعرف حدوده

 

[الجوهرا]

الحمدالله لا انا احبه ولا هو مريحين روسنا

 

[دوووووووووووبا]

عادي الوضع عندي
الحمدلله

 

[فوفو22]

هذا غير القروبات بالواتس اب

قروب عمل

حبيبتي اتوقع انه هالامور هبه فتره وتطلع غيرها

بس بيني وبينج

تؤثر لانه هناك شخصيات تجذبج باسلوبهم

والهادي ربي العالمين

فوفو

 

[ديانا سبنسر]

مخليتها على الله

 

[Qataria elegant]

حبيبيتي والله اللي يبي الشي بيسويه باي وسيله، وترى مو بس في توتر في برامج ثانيه بعد ... واللي أنا ملاحظته ان هالزمن صعب ترا ومعظم الرياييل لهم سوالف وبلاوي بالخش والدس ... الله يستر بس صج ينخاف منهم ،،،،، بس مهما سوا وكلم في توتر او غيره ، هو بالأول وبالآخر لج انتي هو يحبك انتي وبنظره ترا مستحيل يقارنج باللي يكلمهم

 

[لحظآتَ]

حبيبتي هي وقفت عالتويتر يعني؟
الحين البنات يتحذفون عالرجاجيل من كل صوب
وين ماراح بيحصل له بنااااااااات بالهبل
سواء بتويتر ولا مواقع ثانيه وبرامج ثانيه
ولا بالشارع حتى
فـ اذا كل بنت بتخافين تاخذ زوجج راح تتعبين جذيه
الزوج مستحيل يقيده ويردعه لا حب ولا عشره ولا شيء
اللهم شيئين بس !

الأخلاق + مخافة الله

غيرهم إنسي يردعه عن شهواته شيء

 

[المها الابيض]

ضايف بنات بس مااقدر اقوله شي
وانا ممنوع عني التويتر

على كلامه انا ريااال غيير
واكيد بنات ابليس الله يكفينا شرهم يعرفون شلون
يلفتون الانظار ويسحبون بالكلام

الله يهديه ويثبته*

 

[بولندية]

عدل كلام البنات كل مكان في بنات و اللي يبي يخربط يخربط وين ما كان

بس صاحبة الموضوع تقصد بتويتر يمكن ينجذب لاسلوب وحدة و تكون موجودة بتويتر على طول يعني تحت عينه يوميا

الحمدالله لا انا و لا اهو يحبه و الله يكفينا شر هالتكنولوجيا اللي مو ملحقين عليها

 

[رنيم الروح]

ههههههههه بنات احلى شي انه زوجي تليفونه نوكيا القديم ويفشل وهو متعلق فيه ورافض يغيره يعني مرتاحه على الاخررررررر لا واتس ولا فيس ولا مسن ولا تويتر ولا ببي
ولاب توب مو شاطر كلش فيه ولا يحب يقعد عليه

 

[أم غيثة]

هو صراحة لازم الثقة بين الزوجين بس طبعا ما بشوفه بوسط النار و أسكت اكيد اثق فيه و احترمه بس سالفة انه يسولف ويا حريم مو مقبوله و لا ارضى اسولف ويا رياييل غيره ترى الشيطان شاطر و طبعا اذا زوج عادي يعني لا هو من المشايخ و لا شغله يستلزم عليه هالشي يعني اذا السالفة فور فان لاااااااااااااااو مليون لا لأني وقتها بكون اساعده انه يدخل الشيطان بينا و طبعا الاسلوب يجذب و الريال بالاول و الاخير ياهل لازم تنتبهي على تصرفاته بعدين اذا يحب يناقش و يسولف عنده ربعه يسووووووووولف وياهم لين يمل مو شرط تحلى السوالف ويا الحريم و ما ادري اصلا اذا هالشي يجوز شرعا بس ما اتوقع لأنه نوع من انواع الفتن
و تقبلو مروري

 

[هونها يارب]

وانا مع الاخت لحظات وين مايروح بنات الله الحافظ

 

[$ ديمة $]

الله يهديهم ويصلحهم

 

[سندس 90]

ااااه بس قطيعه تقطع هالويتر وهالبرامج الخايسه
اوووف ملينا بنرد لتافونات البيت ونوكيا بوليت وربي احسن وابرك 

 

[مناير ...!]

عادي