ريلج واطباخ في الشهر الكريم

[نور وشموع]

السلام عليكم


وشلونكم مع رمضان والمطبخ


---- متزوجات وشاونكم مع الطباخ رييايلكم نفس ريلي



ريلي يحن علي كل رمضان طبخي مالذ وطاب وا طبخ واطبخ واطبخ والمشكلة ماياكل بس يشرب شوربة وحبتين سبوسة


--- يقول شبعة حمدلله وبعدين انا انقهر واكل علشان ماينكت حرام 00 :050103nbh_prv:

===

 

[miss-winter]

استغفرالله ياربي لالازم تكلمينه حرام مادري احس الناس وعت ماقامو يسون جذي اوكي سوي كميات شويه لاتكثرين

 

[*سحآبة*]

رد : ريلج واطباخ في الشهر الكريم

سوي اللي يشتهيه وبس .. لا تكثرين

يبوووي دشة المطبخ تغثثثث

 

[Do I Care]

رد : ريلج واطباخ في الشهر الكريم

مسكين من الجوع يشتهي كل شي لول انتي قول اي وبسوي
وحزة الفطور ما راح يدقق بينسى

 

[نور وشموع]

استغفرالله ياربي لالازم تكلمينه حرام مادري احس الناس وعت ماقامو يسون جذي اوكي سوي كميات شويه لاتكثرين

مشكورة علي الرد حبيبتى بس اهو طبعة جذية -00

 

[الدلال]

انا احب الطباخ واحب افتنك واتفنن بس للاسف ريلي مايشجع يشرب الشوربه وياكل حبة سمبووسك ويقووم ولما اقووله ماذقت هالطبق يقولي تدرين فيني برمضان ما اكل وبسرعه اشبع وانا قايلج لا اتعبين عمرج وتسووين شي!

بصراحه قمت كلش ما اسوي شي ريلي مايشجع

 

[اشتياق]

لا ريلي قصته قصه

عالفطور دياي مشوي وبطاط مفيوح وبيض مفيوح والاخ مندمج ريجيم..

وعالسحور تشريبة ومعكرونه وحلا وعيش ومرق واللي جدامه لوووووووووووووووووووووول فاهم رمضان غلط

حيرني والله قمت احطله اللي يبيله وبس.

 

[نور وشموع]

مشكوين علي الردود



اشتياق وشلون رجيم بفهم والسحور عيش ومعكرونة هههههههههه 000

 

[حبي حبيبي]

loool
كلنا جذي ناكل بعيونه لما انكون يواعه

يعطيج لعافيه خيتو

 

[frketa1]

انتي اعتدلي قللي الكميات والانواع سوي شوربة ونوع واحد مقالي ونوع واحد طبق رئيسي وسلطة واللي يزيد حطيه بالثلاجة وسخنيه بعدين وقت السحور واكلوه

 

[أم يزيد &سديم&]

أنا الحمد لله ما يحب السمبوسة على الفطور كاس ماي
وتمر مع القشطة و قهوة وإن كان لقيمات
بعد الصلاة يشرب صحن شوربة ويأكل فطاير كم حبة
وبعض الأحيان أزين به عصير ليمون بالنعناع او كوكتيل
أو عصير موز بالحليب النستله
بس لكن السحور هو عيش بلحم مجبوس إيدام
ما يرقعه إلا كذا غيره لا يعصب يطنقر
مرة صلحت للسحور مكرونة بالتونة طعمها مرة لذيذ
ولا أفنتق فيها حطيت جبن موزريلا مع شيدر
يعني أيغي أخليها دسمة ينقالي
عشان تشبعه وشرايح ليمون وخيار قطعتها حول الصحن
يعني أنواع الدلع
إلا أقوله شنو رايك قال رأي في شنو قلت له في الطبخة
قال تسمين مكرونة بالتونة طبخة قلت له أجل شنو تسميها إنت
قال بلاش رفع صوت ثاني مرة لا تصلحين مكرونة للسحور
صلحي عيش هو اللي يرقع

 

[cherry67]

أنا اسوي الطبق الرئيسي وأسوي سلطة نوع واحد وساعات نوعين ومقالي سمبوسة وسبرنج رول ومش بوتيتو يحبونها عيالي بس الصايم يشتهي كل شي ولما يقعد على الفطور سبحان الله ياكل شوية .
لا تطبخين وايد واذا زاد خليه للسحور أنا أسوي شذيه علشان ما أطبخ مرتين

 

[sweet dashttya]

رد : رد: ريلج واطباخ في الشهر الكريم

لا ريلي قصته قصه

عالفطور دياي مشوي وبطاط مفيوح وبيض مفيوح والاخ مندمج ريجيم..

وعالسحور تشريبة ومعكرونه وحلا وعيش ومرق واللي جدامه لوووووووووووووووووووووول فاهم رمضان غلط

حيرني والله قمت احطله اللي يبيله وبس.

ههههههههههههههههههه

 

[Daleela]

امبيه حرام مو زين الاسراف وتعالو شوف القطاوه يم الزباله مكرمين لووول بربيع حدهم

اشتياق زوجج مبدع

مثل اخوي رجيم وياكل قطايف

 

[تدلل حبيبي]

انا ما اطبخ الا برمضان
فابدع عاد
كل الفناتك والابداعات اطلعها برمضان
مسكين ريلي اشترك نادي عشان لا يمتن يقولي انتي بتمتنيني مو عارفه شلون
عموما الوجبه الرئيسية اهي اللي تتغير يوميا اما الشوربه انواعها محدوده يا اما عدس والا كريمة دجاج والا خضار والسلطة بس انا اكل

اهم شي عنده الطبق الرئيسي والحلووووووو ولازم يكون فيه ككاو

ثانكس عالموضوع حده يشوق

 

[الأميرة الحزينة]

اي نفس الحاله هم خابه عمري وما ياكل الا سلطة وشوربه وبااي :ada:.. تنبط جبدي كل يوم شكلي بمتن من القهر اكل عن الحسافة لووووول مني لين يخلص رمضان الا انا شمتني :tomato2:

 

[سوسو العصلة]

ههههههههههههههههههههههههه ياحلاتكم وربي يخليلكم ازواجكم

بنااااااااااااااااااات اذا ازواجكم ضعاف ترا مايشتهون شي خخخخخخ بس يشتهون كلشي جدامهم يشوفونه بالعين بس واذا متان ياكلووون ومايتشرطوون الموجود موجود بس اهم شي يااااكلووون


وتسلمين عالموضوووع

وعلى قولة البنات سوي من كلشي كميه صغير حق نفر يعني والي ماياكله حق سحووور موزين تمتنييين خخخخ بعدين تشتغلين ريجيم

الله يعينج