|| ريلج راعي حداق ؟ بر ؟ دواوين ؟ عيل تعالي عندي سؤال ||

[هب العطر]

السلام عليكم و رحمة الله و بركاته :eh_s(17):


خواتي , ادري انا هالايام مزعجتكم , كوني من حزب الطماشه و فيه جم سؤال يحوسون براسي << اهم شيء يحوسون خخخخ


سؤالي لج :


هل ريلج اول ما اخذتيه كان قبل الزواج راعي حداق او بر ؟ يعني عنده هواية ماخذه وقته كله ؟


لدرجة انه يوم شفتيه اول مره بالخطبة كان ياي من الحداق و يتكلم و قلبه تحسين ويا الرده ؟؟

و اول ما خلصت الشوفه على طول ركض للحدااااااااااااااااااااااااااااق وراه طلعه ؟؟


او حصل لج شيء مشابه ؟؟




سؤالي : هل الريال اللي عنده هواية مسيطره عليه يقدر يتأقلم مع وضع الزواج اللي بيكون يديد عليه ؟



هل تأثرت حياتج في بداياتها من انشغالاته و ركضه ورا هواياته ؟؟؟


هل قصر بحقج و حق بيته ؟؟؟ و اشلون تعاملتي وياه ؟؟



سؤال غريب شوي : هل طلعت الحداق و الديوانية و البر لها ابعاد اخرى ؟؟


يعني وايد يروحون الديوانية مو حق السوالف بس , يعني يشوفون افلام مش ولا بد و شيء جذي


اشلون تميزين البريء من الخبيث ؟
:eh_s(10)::eh_s(10)::eh_s(16)::eh_s(16):

 

[بتبوتااا]

الحمدلله ريلي مو من نوع البر والحداق بس راعي نادي :/

اول كان ادمان والحين الحمدلله مره كل شهرين ..

 

[انا لحبيبي .]

الحمدلله زوجي مو تبع هالشغلات ابدا ، لكان انا انجلطت لاني بكره هالشغلااااااااااااااااات

كان ادمان مقهى ، صار بالاسبوع مره وساعه وحده بس

 

[pusy cat]

يامعوده حداق وبر ودواوين احسن من بلاوي ثانيه

بالعكس حلو ان الرجال تكون عنده هوايات احسن من الفاضي اللي ماعنده هدف كل يوم طايح بهبه جديده

والمره لازم تتأقلم مع هوايات زوجها وماتناشبه تخليه علا راحته

انا زوجي يسافر السعوديه عشان يقنص وانا مخليته علا راحته

والحمدلله يرد مستانس ومشتاقلي

احسن من لا امنعه واتناشب معاه ويقعد بالبيت امبوز شبي فيه

لا يبا طير وين ما تبي عقب ردلي مشتاق

الرجال حياته ووناسته برا البيت مانقدر نغير هالشي لازم نتأقلم معاه

*

 

[تبطي عظم!]

مو راعي حداق ولا بر

بس دوانيه ومو واجد يروح لها عادي هالشيء مو مأثر على علاقتنا ~

 

[nora al]

انا من حزب الطمااشه حالي من حالج لووووووول

بس اختي ريلهاا جذي ( حداق / بر )


وترا بالغالب اللي يحب الحدااق هم يحب البر !


بس الحمدلله حياتهم مااشيه بس بصرااحه ماتشووفه كلش كلش يعني من العصر يطلع مايرد لي الفير لووول


فيكون معاها لي العصر وعقب الفير هم يقعد معاها وبس بالويكند لها يوم تطلع معاه !


يعني مو شرط يحب هوايه معينه مايقدر ينضم وقته لاا مو شرط هذي تعتمد على الريال نفسه وشخصيته ! وهم يعتمد على المراا بعد اذا بتنكدين عليه ابصم لج بالعشره بينحااااااااااااااااااااااااااااااش

 

[غـرامـي أنـت]

انا زوجي يحب النااااااااااادي كثيييير

يومين بالاسبوع

 

[وردة-الكويت]

انا اخواني عندهم الحداق والبر شي مهم في حياتهم وحده من حريم اخواني الكبار ماكانت متقبله هلشي بس الحين عندها عادي

تأقلمت مع الوضع هذا غير الدوانيه والحمدالله مشو مركبهم على هشي واغلب شباب الكويت جذي بس ياليت ان الزوج

قبل لايروح حداق او البر يكون موفي حق بيته ومرته وعياله تالي الهوايات وحلات هم المرا ماتحكر زوجها عندها ف البيت

عشان لي رد يشتاق لها مويقعد غصبن عليه ف البيت ماد بوزه شبرين

 

[فديت اللي أحبه]

اولا يعطيج العافيه عالموضوع الحلو ،،
بخصوص رد البنات عالموضوع انا معاهم بان الهوايه ماتلهي عن البيت والزوجه والعيال ،،
يعني انا زوجي راعي دواوين والحمدالله مومقصر معاي بشي اطلع متى ماابي وطلعته تكون بعد المغرب لي 12 ومرات اذا عطله يطول لي 5 الفجر وطبعا هاليوم هذا خذا اذني فيه اذا موافقه اولا ومن ناحيه التلفزيون ويشوف اشياء موزينه لا الحمدالله يلعبون ورقه وسوالف وانا اصلا زوجي مايحب يقابل التلفزيون ،،
والحمدالله طلعاته مااثرت على حياتنا كلش ومن حقه يتنفس بس طبعا بحدود ومع مراعاة الزوجه في مثل هالامور ،،
Sorry حياتي طولة عليكم واشكرج ثاني مره عالموضوع تسلمين ،،

 

[كلمة جريئة]

يامعوده حداق وبر ودواوين احسن من بلاوي ثانيه

بالعكس حلو ان الرجال تكون عنده هوايات احسن من الفاضي اللي ماعنده هدف كل يوم طايح بهبه جديده

والمره لازم تتأقلم مع هوايات زوجها وماتناشبه تخليه علا راحته

انا زوجي يسافر السعوديه عشان يقنص وانا مخليته علا راحته

والحمدلله يرد مستانس ومشتاقلي

احسن من لا امنعه واتناشب معاه ويقعد بالبيت امبوز شبي فيه

لا يبا طير وين ما تبي عقب ردلي مشتاق

الرجال حياته ووناسته برا البيت مانقدر نغير هالشي لازم نتأقلم معاه

*

صح لسانج كل الي كنت باقوله قلتيه اي والله البر ابرك من بعض الهوايات وزوجي جذي يروح البر ويرد مشتاق والزوج اذا ماراح البر او اي هوايه ثانيه شنو بيسوي بيسافر ويا ربعه ولا ع قولتج كل يوم هبه

 

[هب العطر]

هلا و الله يا بنات مشكورات وايد على ردودكم


بس انا اسمع من الناس ان احيانا بعض اللي يدمنون طلعات الدواوين او الحداق او البر تكون عندهم بلاوي ثانية هناك و يسوونها بعيدا عن الاعين


انتو ما شاء الله تبارك الله رياييلكم مستقيمين


بس فيه ناس لا , ووايد يتخذون من الحداق و الشاليهات البعيدة و البر اماكن يختلون فيها بخرابيطهم


و يقصرون على بيوتهم


و صحيح فيه دواوين يفسدون الرياييل باليمعات الشينه ؟؟



و بالنسبه للهوايات , صحيح في هوايات هدامه ؟ ّ!!


مثل واحد هوايته يتاحر بالسييايير مثلا , و يقط معاشه كللللللللللله عليهم و يقصر على بيته على بو انه قبل الزواج كان جذي


و مايقدر يتغير


اذا انا واجهت هالموقف شسوي ؟؟؟


ياليت تجاوبون على سؤالي لان مخي حاااااااااااااايس !!!

 

[انا لحبيبي .]

مش الدواوين بيفسدو الرجال ، ازا الرجال شخصيته وقويه ومافي شي بأثر عليه لا يمكن يتغير ويصير عاطل ، رغم انه الصاحب ساحب ، بس على حسب شخصيته الرجال وقدرته على تحكم الامور ،،


وبالنسبه للهوايات ، في عقل انه يفصل الحياه العزابيه والحياه الزوجيه ، يلي بصرف كل فلوسه على السيارات هادي ما اسمها هوايه ، هادي اسمها عدم مسؤوليه ، وصرف الفلوس بدون تفكير ، لانه عندو بيت ومسؤوليه

الهوايات انسان يمارس هوايته بقدر الامااكن ، وتكون نافعه وفايده اله وللمجتمع وماتأثر على حياته الشخصيه ، لانه الهوايه عباره عن شغله بسويها الانسان وقت الفرااغ

 

[كويتية نايس]

مثلي مثلج طموشه بس الحمدالله لقيت جوابي عند البنوتات ويسلموو على الموضوع :eh_s(17):

 

[هب العطر]

ردوووووووووووواااا بلييييييييييييز اهيء اهيء اهيء

 

[أحبج يمه]

للرفع

 

[فلنتينو]

بر .ودواوين. وحدااق. وناادي
احسن من الاسوواق والافنيوز والبلاوي
خلينا عليهم

 

[ليلو جبريت]

شوفي كل ريال لازم تكون عنده هواية حاله من حالنا
لكن في بعضهم يمصخونها
لكن الحمدالله يطلع راعي حداق وديوانيه وبر احسن من راعي بنات وديسكوات واماكن غلط

 

[ام شووووق]

ريلي مال ديوانيات بس ماادري شلون بكون تأثيرهم عقب العرس

 

[lolly]

مو حلو الريل 24 ساعه في البيت .. تحسين تبين وقت لج تسنعين وترتبين البيت .. بس لا يمصخها وايد .. دوام و ديوانيةو نادي و .. والبيت بس للنوم!!

 

[برنسيسة البدو]

انازوجي راعي دواوووين وسهر كل يوم لي الفجريوميا وغيرهاذا كله دراسه برا كملت