ريلج اطول منج بوايد

[floragucci]

سلام شلونكم كويتيات ؛ حبيت نتكلم عن فرق الطول الي بينكم وبين رياييلكم خصوصا اذا كان الفرق عشرين سانتي او اكثر شلون تقبلتي انه اطول منج بوايد وهل حسيت بأحراج وصارت بينكم مواقف تضحك او تفشل وبالنسبه لريلج عادي عنده ولا يتحلطم خصوصا مانقدر نلبس كعب 24 ساعه

 

[زوجة عزيز]

احلى الريال اطول من زوجته انا زوجي اطول مني بشوي بس كنت اتمنى اتزوج شخص اطول مني بوايد

 

[حبيب عمري واحد]

اطول مني بشويه

 

[ماني من الناس]

شوفي انا من قبل الزواج وانا احب الكعب

لان اولا احب الطول ثانيا الكعب يعدل الجسم ويخليج تفردين ظهرج عدل نفس العارضات


وبالبيت البس كعب مريح وكيوت مثل اللي في الصوره

وبالتالي انحلت الموشكله

 

[بنت الاجواااد]

انا زوجي اطول مني بس مش كتييييييييير وعادي مافيش احراجات ولا حاقه
واصلا تكون الزوجه اقصر احلا بكل شي تببببيييين انعم واصغر وحتا بوقت الشيسموووووونه احلا
والله صج مو عشان انا مو طويله اقول جذي حتا الحريم الكبار يقولون جذي
:wqedqw::wqedqw::wqedqw:سدئئئوووووني

 

[maha_89]

ريلي طوله مشاالله 193 وانا 159
لووووووووول
عادي بالعكس احس جذي احلا
بس لما نطلع مكان الكل يخزنا بكعب ولا بدونه
وبعد انا بيضه حدي واهو اسمر خال لول

اول ماتزوجت حماي يقول حق ريلي علق مرتك ميداليه
هههههههههههههههههه

 

[روزباريس]

صدق صدق بنت الجوااد هههههههههههههه انا اطول مني بس احلى

 

[مموريز]

الحمد لله زوجي اقصر مني...........

وااللللي يضحك أكثر ,,,,,,,,,,,,,,ان خواني الله يحفظهم كلهم طوال ((((170 وفوق))))),,فاذا وقف بينهم ,,,,,,,,,,,,

ام الضحك ,,,,,,,,,,يكسر خاطري,,,اقولهم لاتوقفون جنبه,,,,تفشلونه...

 

[Mrs Al-Nasser]

انا ١٥٢ واهو ١٨٠
بس احس احلى الريال يكون اطول
واهوا عاجبه حتى مايبيني البس كعب

 

[((shoOoshoOo))]

ريلي طوله 183 وانا 157 لوووووووووووول

مااحس والله باحراااج ..الوضع عادي جدا

بالشقه ماألبس كعب الا اذا اكو ضيوووووف

 

[عيون السعودية]

اتذكر وحده من زميلاتي وهي قصيره وزوجها طويل تقول ياويلها من زوجها اذا طلعت مكان ومالبست كعب لأنه ينحرج منها
وبالنسبه لي احس حلو الزوج يكون اطول من زوجته مايزيد عن 15 سم أكثر من كذا احس احراج على الاثنين​

 

[انثى الكويت]

انا طويله والبس كعب قبل الزواج عادي

ريلي اطول مني بس ب ٧ سم تخيلو ورااااح الكعب حدي كعب ٥ سم

بس انا ودي البس اعلى

قمت اشري كعوبه لطلعات الي مع خواتي وامي لان كلنا طوال

وحق الدوام

ومعاه بس البس الكعبوب القصيره ولا بس عندي الوان اساسيه

يعني ماشتري منهم وايد ماحبهم


بس هم حلاته الريال مو طنطل يم مرته جنهم رقم ١٠ خخخخخخخخخ

حلاته مو اكثر من ١٠ سم ولا ١٥ سم


وبالنسبه لي مستحيل كنت اخذ واحد اقصر مني عقدتي حلاته اطول

 

[batool H]

نفس الطول يمكن الفرق 2 او 4 سم بس

 

[شروق &]

طولي١٦٤ وهوبحدود١٧٣
كان نفسي يكون اطول من كذه

 

[مريم القلاف]

ريلي أطول مني بشوي 174 وانا 164 ليمه ألبس كعب تقريبا أصير طوله:eh_s(10):​

 

[love love]

قبل الزواج ماالبس غير كعوووب حتى جواتي رياضه كعب هههه ايام اول


بس بعد الحمل بالبجر اتذكر كان اول مره كنت اللبس واطي وخلاص فجت العقده عندي


الحين اللبس كعب ولا واطي عااااادي مااهتم اهم شي شنو بلبس وشنو يناسب لبسي


زوجي اطول مني وعموما الريال يحب البنت القصيره يعني مو عيب اذا انتي قصيره فلا تتعقدون هههه

 

[عالمي المجنون]

ريلي طوله 183 و أنا 154

احس حلوة اشكالنا مع ان خواتي كله يتطنزون علي

بس اهو يحب طولي بدون كعب و يحسسني أني ياهل

يعني ايام الضعف كان كله يشيلني لووووول

 

[black rose BH]

بالعكس احلى تصيرين كتكوته صوبه لووول

انه ريلي اطول مني بس مادري بجم

بس اطوول وهذا المهم

 

[الشيخه فطامي]

حبيبتي اعرف وحده قصيره متزوجه او عندها عيال

على ايام العنجري طايحتله بالكعوبه

اصلا تعودت مايطيح من ريلها الكعب في كل المناسبات

او عايشه حياتها ولا هامها

احنا نحاتي كل شي

 

[متواضعة]

انا اطول مني بوايد بس حلوو صايرين رقم 10 انا مربربه ومدلقمه واهو ضعيف وطويل

الله يخلينا حق بعض يارب