ريكسول كولاجين...!

[أميره بطيبتي]

مراااااااااااااحب ياحلووين

بناااااااااات بغيت اسألكم عن ريكسول سيروم كولاجين

هاذي صورته

من جربه منكم وجاااااااااب نتاايج حلوه

ومن غير كذاااااااا هو ينفخ الخدود اهم شي

ومتى تبدا نتااايجه تطلع واذا تركته ماله سلبيات!!
أدري إني قلق:23_asmilies-com:ماعليه بس تراني خوااافه

ولكم مني كل الشكرررررر

بلييييز ردوا محتااااجه رايكم..

 

[انواروه]

اب اب

 

[أميره بطيبتي]

انواروه
مشكوره حبيبتي على الرفع
كويتيات هل من مجيب​

 

[غيرهم]

هلا يالغلا والله انا ما جربته بس وحده حييييييييييييييييييييييييييل تمدحه وتقول انو وصفه لها الدكتور
ما اعرفها بحثت في قوقل ولقيت تجربتها ابحثي وتاكدي ,,,, تحياتي

 

[FOZQ8]

امممممممممممم عاد امس اختي تتكلم عنه
تقول ما سوا شي يعني عادي نضاره وشوي شوي امتلاء يعني مو شي ملاحظ وبس تهدينه ولا جنج تسوين شي
بس يمكن يفرق عليج ماتدرين

 

[@شمس الضحى@]

عاادي ماسوااالي شي

 

[قمر2009]

اول مره اسمع فيه

 

[أميره بطيبتي]

غيرهم
fozq8
شمس الضحى
قمر2009
مشكورين حبايبي وماقصرتم..
اكرر يااااليت اللي جربته ماتبخل علي بالمعلومه​

 

[بنوته22]

اب اب

 

[وسن 11]

انا جربته ررررررررررروعه


استعمليه قبل الحفله باسبوع كل يوم صباحا ومساء ولااااازم مساج


وقبل المكياج يعطي نتيجه حلوه

 

[●•∫ استثنآئيهـ]

في ناس تمدحه وناس لا
عاد كنت مفكرة اجربه بس سمعت
انه مو زين حق اللي تحت 25
عشان جذي بطلت عنه

 

[يازمان العجايب]

ان استعملت علبتين
مايسوى ولاسوى شي

 

[نونا 3000]

حبيبتي انا استخدمه لي تقريبا 6 سنوات عادي بس نضارة اذا صج تبين خدود عليج بعسل الاخت موناليزا تاجره معانا وربي انا استخدمت علبتين بس وطلعت لي خدود الكل يقولي طاقه ابره

 

[&موناليزا&]

حبيبتي انا استخدمه لي تقريبا 6 سنوات عادي بس نضارة اذا صج تبين خدود عليج بعسل الاخت موناليزا تاجره معانا وربي انا استخدمت علبتين بس وطلعت لي خدود الكل يقولي طاقه ابره

يزاج الله خير حبيبتي على ذكر تجربتج

وعليج بألف عافية حبوبه

:eh_s(7)::eh_s(7)::eh_s(7):

 

[dla3_princess]

حبيبتي انا جربته كاان حلوو يعطي تفخه بسيطه

و ينعمممم الويه بس انا ويهي لاحظت صاار محوومر منه مادري ليش..

و بس خلصت العلبه مادشريت فماادري

يعني ماايتفخ حيييل بس من بشره لي بشره يفررق

بس بالنهاايه اصلا الكولاجين حلووو للبشره بشكل عام ..


مووفقه

 

[أميره بطيبتي]

ألف شكر خواتي على الإفاده
وحبيت اسأل الأخت اللي تقول عسل الموناليزا
ياليت تفيدني اكثر عنه..لأني من برى الكويت
بإختصار فيه لها مندوبه بالدمام..؟؟؟
​

 

[miss angel]

حبيبتي انا امي تستخدمه وعاجبها واايد مع انه امي من النوع الي تييب من اغلى الماركات وما يعجبها وتقطه من ثاني اسبوع بس والله هذا عجبها وانا بعد حاسه ويها منور وفي نضارة يمكن منه

 

[nawarii]

أنا استخدمه لي سنتين تقريبا

مره باليوم

أو لما أحس بشرتي تعبانه

يشد شوي البشره ويعطي نضاره

حلو بس لا تتوقعين المعجزات

 

[@سيدة نفسي@]

حبيبتي أي شي خارجي مفعوله مؤقت .. يعني اذا حابة تستخدمينه

استخدميه قبل المناسبات بفترة مثل ماقالوا البنات ..

 

[حكاية شهرزاد]

لالالا

وين النفخ ووينه

مش مفعول ابره نفخ

ممكن يعطي نضارة ويخلي جلد الويه سميك بحيث يبين ممتلي

هم وايد زين لانه كولوجين

ينعم يشيل الخطوط

يعالج التجاعيد المبكرة كونه فيه مواد حق جذيه


حدث العاقل بما يليق اي نفخ بس ياجماعه الخير

النفخه غير والامتلاء غير

وكل وحده على شكل وجها الاساسي

الوجه العريض اللي يجي في القلبي والمربع والبيضاوي ممكن اذا عريض

هذول يبين فيه مواد النفخ او مواد الامتلاء او مواد تحسن جلد البشرة

اما الوجه النحيل او المستطيل شكل المعم اللي مافي عظم عريض هذول مايفيدهم الا الابره

ويالله اذا ما طار بعد شهر وجودته وجماله اذا فعلا البنت يناسبها الويه المتين او لا .. هو مو غصب ترى الواحد يحب الشي يتمناه عليه

هذي تقاسيم ممكن تزيد نعم ولكن تعتمد 90% على ملامح الببنت وعلى شكلها وعلى ميزاتها الجماليه في الوجه

مثلا حليمة بولند اساس ويها على صغير وهم فيه تدريجات بالعظم مايناسبها تكون مدورة لانه ملامحها قاسية ومحدده يعني كلما صارت اضعف صارت انعم ..

نانسي ويها غير محدد (( مهدود ))) ووايد بيضة ويجي شكلها على اوربي اذا نفخت وسعت على هالشي فهو طايح عليها ...


وفي بنات مستحيل يبين فيهم خد نفس عاده عبدالرازق وسمية الخشاب لانه مافي عظم عريض ولا ملامح مسطحه يعني لو سووه النتيجه مو فتنة ..


وبعدين وش فيه الوجه الضعيف ممكن نخليه ونعتني بملامحنا اللي تناسبه اكا نجلاء فتحي مافيها خدود فيها ملامح دقيقه

قامو البنات اللي من فيصيلاتها يطلعون من هالشكل مع انهم اجمل بعين الكثير ويسووون انه خدود نانسي وانه لو يمتلي ويهم انزين مافي مكان حق النفخ ماففي عظم بداخل الويه عريض ..


هيفاء طايح عليها لانه ويها قلبي او مربع من الله سوت ولا ماسوت هذي حتى بالكبر هالوجوه تمتلي بطبيعتها ...

بس في ناس مستحيل تمتلي مثل نجوى كرم وديانا اللي يجي ويهم مسحوب على طويل ..

وبعدين ترى في سر للنضارة وهو انه كلما البنت صار ابيض كلما بينت امتن

وبين ويها ممتلي

وكلما حطت التان والبرونز كلما بينت اضعف ..