ريـــحي بـــالج وخـــلي تقسيــــــمت مهـــرج علي...الجـــــزء الثاني

[MiSs*StYle]

السلام عليكم ورحمة الله وبركاته



شلونكم حبيباتي ماتتصورون شكثر استانست وفرحت بافادتي حقكم بموضوعي الجزء الاول

واللي حصل على شعار التميز اشكر طبعا مشرفتنا الغاليه حناين على تقديرها لجهودنا :eh_s(21):

كان الموضوع خاص بتجهيزكم من ملابس وقمصان نوم وبيجامات وملحقاتهم من جناط وساعات وشحاطات وغيره ...

وهذا رابط الموضوع

http://www.q8yat.net/showthread.php?t=708981

اليوم راح نكمل التجهيزات بس هالمره ..

الميك اب .......العطور .......الوشنات .......الكريمات وكل شي بهالخصوص


اول شي راح اتكلم عنه العطور..


بنات نصيحه مني لكم العطور لا تكثرون منها ليش لانه ماتدرين شنو ذوق ريلج وشنو يحب وانتي عروس يبيلج كل فتره تجددين وبنفس الوقت مابيكم تضيعون مهركم على العطور لانه اكو اشياء كثيره راح تحتاجونها

الحين العطور الفرنسيه تحتاجين ل 5 او اربع عطور مو اكثر ..ولو يكون الحجم 50 مل احسن بعد

تروحين ياحلوه حق اللي يسوون لج العطور بتركيز يكون قوي نفس العطر الاصلي وما شاءالله تاجراتنا عندهم هالعطور ووفرو عليكم التعب يعني العطر اللي تلاقينه عند تاجره لا تشترينه اشتري الشي اللي ما تلاقين احد يقدر يسوي مثله مثل عطور ميكالف والاشياء الحلوه هذي ..

بنات العطور اللي تشترونها من التاجرات على 2ونص و3 دنانير شنو تسوين فيهم تحطينهم بسله وتلبسينها شي حلو بعدين تغلفينها وقت ما يودون تجهيزج وصي خواتج يحطونها بواحد من الدروج ولا تنسين تغلفينها مو لازم احد يعرف انج ماخذه هالعطور عاد عبالهم كل شغلكم اصلي ويمشون ويسولفون عنكم يقولون يمه فلانه مو مخليه عطر مو شاريته عفيه مهر ما يخلص لوووووووول شفتو شلون والعطور ال 5 ترزينهم على التواليت وطبعا كل مارحتي مني ولا مني تحذفين واحد بجنطتج

الحين اتمنى شرحي كان وافي بخصوص العطور الفرنسيه ..

انصحكم وبقوه بهالعطور ..لاني لمست تاثيرها السحري على الرجل ومدى قوتها على اصابته بالثواله :23_asmilies-com:

هذا سعره 50 دينار تقريبا بس روووعه تحطينه باي وقت بس مو حق مناسبات كبيره وحلو حق الليالي الحميمه ريحته على بودر

وهذا خوقاق وشي مو طبيعي ولا تستهينون فيه ابدا ياعرايس رووووعه سعره شي وثلاثين

وهذي صورة الشور جل

وباجي العطور تقدرون تاخذونهم تقليد مثل قوشي ومثل الين وبربري وغيره وغيره انا قتلكم عن العطور توب ون عند الرياييل وانتو وذوقكم



وهذا يابنات مو طبيعي انا دايما احطه بالليالي المميزه صج تأثيره سحر على الريال اخذي اللوشن بعد والشور جل اذا خذيتي العطر 50 مل تطلع المجموعه سعرها تقريبا 50 دينار عند دبنهامز


راح اكمل لكم المخلطات وهالسوالف الليله ان شاءالله...وهذا الموضوع لاستفساراتكم عن هالاشياء بس والموضوع الثاني حق استفساراتكم الثانيه

يتبــــــــــــــــــع يتبـــــــــــــــع يتبــــــــــــــــع

 

[عسوله شقره]

يعطيج العااافيه حبيبتي

الي الامام داايما بنتظااار جديدج

 

[MiSs*StYle]

مرحبا طبعا كالعاده الموضوع مافي تفاعل مو مشكله تستاهلون بكل الحالات ...

الحيــــــن خلصنا من العطور الفرنسيه ..العطور الفرنسيه محتاجه اسناد من العطور العربيه والعود وغيره

1- من الضروريات واللي مستحيل تتزوج وحده ما تاخذه مسك الختام ومسك العروسه عند عبدالصمد القرشي تقدرين تاخذين نص توله نص توله مو شرط توله كامله عشان توفرين على نفسج

تستخدمينه بعد كل شور على اماكن النبض وبين الصدر وورا الاذون وبين فخوذج ومسحه على الشعر واللي يبقى باييدج مسحي فيه جسمج كله وطبعا تحطين المسك بعد ماتكونين حطيتي اللوشن وخلصتي ..طبعا ما تنسين تحطينه كل ليله لنفس الاماكن بمسحات خفيفه حيل وعلى الاندر وير حق قميص النوم لانه تمسحينه مسحه بسيطه بس ومسحي قميصج بعد عالخفيف بس مو دايما تمسحين قميصج فيه لانه اكو مجموعات خاصه حق الليالي الحميمه حلو انج ما تخلطين معاها اي عطر ثاني بس المسك على الاندر وير مهم وضروري وبين الصدر هالمكانين دايما دايما دايما ..

2- تحتاجون دهن عود حلو ومميز ويكون راقي ومو اي كلام وانتي وذوقج بس ما تشترين امية نوع لا نوع واحد بسسسسسسسس يكون غالي وتاخذين واحد عادي وحلو للاستخدام اليومي انا احب دهن العود من اجمل ..

3- تحتاجون عطور عربيه من الجزيره او اجمل او العربيه او او او او الحرمين وغيره تحتاجين كحد اقصى اقصى 3 عطور عربيه حلوه وثقيله ومميزه انا احب البتول من الرصاصي بس انقطع حسافه واحب حنان وجنى وراكان رجالي حق ريلج من العبدالمحسن وفيه عند الشايع جم واحد حلوين الجزيره عندهم اشياء حلوه بس روحيلهم بمزاج عشان لا تدوخين ..

4- تحتاجين بخور غالي حق شقتج يكون كشخه يعني ريحته تصك الراس وانصح بقوه ببخور عبدالصمد القرشي اللي 25 دينار روووعه لانج عروس ولازم تكون شقتج غير
وتاخذين من الحرمين اللي تكون علبته حديد مشجره ومن داخل علبته بلاستيك روووعه للعروس وعود مبخر من اجمل هم خيال

الصراحه هذول عندي التوب ون حق شقة العروس وانتي كل يوم بخري بنوع مو كل يوم نفس النوع
وطبعا باجي اليوم اذا حسيتي انه شقتج مافيها ريحه او خفت وطبعا حتى دار نومج من تقعدين تشبين الفحم وتحطين بخورتج وترشرشين من المخلطات ولو تخلين هالحركه بعد ما تطلعين من الحمام على طول تكونين ماخذه شور فتعلق فيج كل الريحه الحلوه

الحين تاخذين ثلاث انواع بخور للشقه لانج تستهلكينهم بقوه وكلهم يطلعون عليج ب 40 دينار تقريبا وانتي وذوقج

5- المخلطات انصح وبقوه بمخلطات الحرمين سدن وكلاسيك والورد والعود ما شفت بحياتي ثبات مثلهم يهبلون شويه عليهم انا خذيت منهم حق عرسي وخذيت من الشايع وحده اسمها فلا وفيه وحده علبتها حديد صغيره نسيت اسمها روعه

تاخذين كلونيا حروف او دانتيل حق مخادج ولحافج بس لانهم يطيرون اي ريحه مو حلوه من الفراس خاصة ريحة الشعر يمكن يكون شعر رسلج دهني حيل فتحتاجين انج دايما ترشين له وتشترين بعد ليفدور ولو تخطينها ببخاخ وتخلطين معاها شوية ماي مقري عشان ربي يحفظج من العين احلى واحلى

المجموع خمس مخلطات للفراش والشقه كلونيا ليفدور وكلونيا حروف او دانتيل كافي وبس لاتزيدون يعني 2 كلونيا
طبعا اذا غسلتي فوط ريلج وفوطج على طول ترشين من الكلونيا عليهم بس مو وايد عالخفيف عشان لا يحسس جسمكم وفيه كلونيات اسمها فا تلاقونهم بمكز سلطان الشويخ واكيد بكل الافرع يكونون خاصين حق الفوط رووووووعه شويه عليهم وسعره دينار وشي اذكر خذيت منهم اثنينه


6- تاخذين بخور حق استخدامج اليومي تتبخرين فيه انتي وريلج واهم شي ريلج خلي يسبح عطور والكل يستخف عليه ويعرفون انه ماخذ مره سنعه ويكون سعره زين مو شرط غالي

فيه مخلط ملكي عند الشايع علبته خشبيه صغيره روووعه حق غترة ريلج وشماغه يخلي ريحته دمار وسألوني عنها انا ادوخ منها شلون الناس :dddds: اشتريها حقه لاتنسين وحطيله دهن عود ورا اذونه ومسحه بسيطه على رقبته وشاربه او لحيته عشان اللي يبوسه يستخف مايبقى فيه عقل يقول هذا شنو متزوج عاد يسألوم عندج خوات ولا لا لووووووووول




7- تاخذين مبخر حلو وكشخه ويكون معاه طقم حق تولات دهن العود او مرش وترزينه عالتسريحه لازم يابنات وتاخذين مبخر عادي خشبي يكون كبير شويه وعالي بحيث انج اذا حطيتيه تحتج او بكبتج يكون اوكي

انا كنت شسوي لمن اخلص من تبخر الشقه كلها وغرفة نومي احط بخور واقط المبخر بكبت هدومي لين تتشبع بس احد عود واحد بعدين اطلعه واحطه بكبت ريلي بعدين بكبت الارفف وخلصنا

طبعا لا بنات الملابس الداخليه وقت ما تغسلينها تكون مبلله لا تبخريننطري قبل لا تنشف عدل حطي مبخرج الخاص بهالسوالف تحت المنشر وغطيه بثوب صلاتج او بشرشف وخليهم يتشبعون وعاد شمي ودعيلي


الحين خلصت من العطور العربيه ...المخلطات ..بخور الشقه .. مخلط ريلج ..الكلونيا.. المسك ..دهن العود ..العطور الفرنسيه


لي عوده ان شاءالله مع العطور الخفيفه للصبح والظهاري والليالي الحميمه ومجموعات الحمام وغيره نطرووووووووني ولا تنسوووون ادعولي

 

[عذبة السجآيآ]

وااااااااااااااااااااااااااااااي فديتج فديتج فديييييييييييييييييتج والله

تسلم هالانامل ياااااااااااارب

وانا سألتج بالموضوع الاول عن احلى العطور لفترة الصبح شنو اهي ..؟؟

وامممممم وبعد ابي احلى الخلطات او العطور اللي تصلح حق ملابس الرجال الداخليه ابيها تكون مميزه مو نفس اللي استخدمهم لشقه او للفرش ؟

واذا تذكرت سؤال بقولج والله يعينج علي وعلى اسألتي هههههههههههههههههههههه

 

[MiSs*StYle]

وااااااااااااااااااااااااااااااي فديتج فديتج فديييييييييييييييييتج والله

تسلم هالانامل ياااااااااااارب

وانا سألتج بالموضوع الاول عن احلى العطور لفترة الصبح شنو اهي ..؟؟

وامممممم وبعد ابي احلى الخلطات او العطور اللي تصلح حق ملابس الرجال الداخليه ابيها تكون مميزه مو نفس اللي استخدمهم لشقه او للفرش ؟

واذا تذكرت سؤال بقولج والله يعينج علي وعلى اسألتي هههههههههههههههههههههه

ياحياتي والله فديت هالطله الحلوه وتدللي سألي براحتج عيوني لج :sfg:

العطور لفترة الصبح راح اكتبها باجر ان شاءالله ابي الموضوع مترابط

شوفي حبيبتي عطور الصبح والظهاري تكون دايما على السويت وعلى ورد يعني تكون بعيده عن العود والمسك وهالسوالف السوالف هذي تكون من العصر لي بليل بس وراح اكتب جم اسم باجر ان شاءالله

وحق ريلج طبعا دهن العود والبخور هذول اساسيين اخذيله المخلط الملكي من الشايع هذي تعطرين فيه بس غترته وشماغه وليش امدحه حيل لانه مايصبغ ولا يبقع بهدوم الريال مثل العطور العربيه والمخلطات
اول شي حطي المبخر تحت دشداشته اوهو لا بستها وخليه يصكر الغتره من جدام عشان البخور لا يطلع بهالوقت بخبخي على غترته ودشداشته من المخلط واذا خلصتي تبخبخ رشي عليه من العطر الفرنسي اللي اهو شاريه ويكون قوي بس لا تكثرين ثلاث رشات
فيه عطر عند اف سان لوران اسمه m7 يهبل عود على عطر فرنسي انصحج فيه حق المناسبات يخليه دمار شامل واتوقع ماراح تطلعينه من الدار :friends:

وحق ملابسه الداخليه رشيهم بكلونيا فا روووعه ريحة نظافه من قلب واذا صفطتيهم وخلصتي وحطيتيهم بالكبت اخذي المبخر وحطي بخور وصكري الكبت وبعدين بطلي الكبت قبل لا يطلع الدخان بخبخي من اي عطر رجالي خفيف وحلو وردي صكريه والهدوم مصفطه طبعا لا تنسين الورق اللي ينحط تحت الملابس تلاقينه عند الشايع روووعه على طول حطيه تحت هدومكم :eh_s(15):

 

[عذبة السجآيآ]

ياحياااااتي لاخلا ولا عدم منج ياقلبي

صج فدتيني بجم شغله كنت ناسيتها << ماسكة النوت وتسلم الاسامي

عسى ربي يوفقج ويسخرلج زوجج ويجمله بعينج ويجملج وبعينه ياااااااااااااااااااااااااااااااااارب

وناطرتج باجر ياقلبي

 

[MiSs*StYle]

حياج الله حبيبتي ولج مثل الدعوه الحلوه الله يتقبلها ان شاءالله

ماتحدد عرسج -------->>ناطره العزيمه ؛)

 

[عذبة السجآيآ]

والله ياقلبي اول شي قالوا شهر 4

واخر شي سمعته مالقوا حجز ويمكن شهر 5 او 6 والله يكتب اللي فيه الخير ياارب

واكييييييييييييييد انتي اول المعزومين بعد التعب والتجهيز معاي بالمنتدى والمواضيع وما اعزمج مافيني خير والله

 

[≈ ω ђ ṃ]

رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

^^

فديتج مآتقصرين ~


موضوعج الاول حيييييييل فآدني ~

يعافيج ربي وآصلي

=)

 

[MiSs*StYle]

رد: رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

^^

فديتج مآتقصرين ~


موضوعج الاول حيييييييل فآدني ~

يعافيج ربي وآصلي

=)

حياج الله حبيبتي الحمدلله انج استفدتي وهذا اللي ابيه لو استفادت وحده بس استانس وايد وانا متأكده انه اللي استفادو اكثر من وحده :eh_s(3):

وراح اواصل لعيون تواصلكم :eh_s(22):

 

[MiSs*StYle]

والله ياقلبي اول شي قالوا شهر 4

واخر شي سمعته مالقوا حجز ويمكن شهر 5 او 6 والله يكتب اللي فيه الخير ياارب

واكييييييييييييييد انتي اول المعزومين بعد التعب والتجهيز معاي بالمنتدى والمواضيع وما اعزمج مافيني خير والله

يوووووووووه وبعدين شنو هذا شدعوا مالقو حجز خلاص انا باجر من الصبح بروح احجزلج :nocommint:

يعني شوفيني فزاعه هههههههههههههههههههه :eh_s(22):----------->>اقوى شي ترا ماتعرف بدوي طوفي :eh_s(3):

و العفو انا ماسويت شي كافي انج دعيتيلي هذي احلى هديه والتجهيز معاكم متعه واي شي تبين تسألين عنه من عيوني فيه وحده بالمنتدى ياحلوها كل ماشرت شي صورته وطرشته حقي تقولي ها جذي اوكي ولا لا وصح حسيت اني قاعده اجهز معاها الله يوفقكم ياربي

ومشكووووره ياقلبي على العزيمه

 

[Cuta2010]

رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

متاااابعه و بقوه

الله يعطيج العافيه ما اتقصرين


سنافيه لي الحين ما حددوا عرسج؟؟

 

[MiSs*StYle]

حياج الله حبيبتي

والله يعافيج ياربي تستاهلون

وسنافيه انا بروح باجر احدد لها العرس ماصارت طولو على البنيه ؛)

 

[ما ابيه]

رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

موضوعج وايد وايد حلو يعطيك العافيه

 

[الليدي...عمشه]

رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

لا يوقف لا يوقف لا يوقف

كملي بعد اتحفينا

 

[Dlo3at oBoha]

يعطييج العافية صج وااو وايد فدتينا
كملي بلييز

 

[MiSs*StYle]

يعطييج العافية صج وااو وايد فدتينا
كملي بلييز

الله يعافيج حبيبتي ..ان شاءالله تابعيني:tek:

 

[MiSs*StYle]

رد: رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

موضوعج وايد وايد حلو يعطيك العافيه

الاحلى مرورج حبيبتي الله يعافيج

 

[MiSs*StYle]

رد: رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

لا يوقف لا يوقف لا يوقف

كملي بعد اتحفينا

حياج الله حبيبتي نورتي

 

[saronapoop]

رد : ريـــحي بـــالج وخـــلي تقسيــــــمت مهـــرج علي...الجـــــزء الثاني

روعه روعه روعه موضوع مفيد وانا بصراحه استفدت من خبرتج فديتج ماقصرتي