ريحه مستشفي الامومه الخايسه

[dew14]

السلام عليكم بنات الله يعافيكم شلون مستشفي الامومه انا رحت مراجعه عند الدكتور طلبه بس الريحه مو طبيعيه بالمستشفي عفيه بنات الغرف عندهم نفس الريحه ولا الغرف ما فيها ريحه وشلون كمامهم قوي ولا خواره خفيف وشكرا بنات عفيه الي اولدة بالمستشفي وجربت خل تقولي عساكم الجنه:yaaaaaarb:

 

[قمر 777]

اب اب اب

 

[Aloe Vera]

اخاف تتنسين ؟

انا ولا مرة رحت الامومة فا مادري عن الريحة

 

[Mrs.H]

انا رحت زيارة حق والدات.. وكانت الريحة حلوة والمستشفى نظيف.. يمكن كان طايح عندهم شي او تتنسين

 

[أأأميرة الورد]

انا والده بمستشفى الامومه

وقبل الولاده شكثر اراجع عندهم

ماعمري شميت الريحه الخايسه

بالعكس ريحه عطور وورد ومنظفات داخل الغرف

 

[music_teacher88]

كل تحاليلي عندهم بلعكس ريحه نظافه ومعطرات جو
اخاف تتنسين

 

[.:lady bug :.]

الي اعرفه محسن كمامه قوي حييل
اما الريحه مادري ۾‿ڼ زمان مو رايحه له

 

[نونا**]

مادري ماحسيت بس الصدمه ماعندهم حمامات نفس الاوادم حمامهم واحد بس ومشترك حريم رياييل تخيلوا!

 

[سيلينا]

جم مره اروح له ما فيه ريحه !!

يمكن تتنسين!

الي ولدوا فيه ما حسيتوا ان السسترات حدهم برود وما توقف معاج !

 

[حبيبي مالكني]

الظاهر تنسيتي بالمستشفى

 

[حمامة صالح]

انا ولا مرة رحت الامومة فا مادري عن الريحة

 

[dew14]

كل البنات الي جاوبو علي سؤالي عساكم الجنه ان شاء الله صج والله سستراتهم مو زينين انا والله رايحه الامومه علشان محسن طلبه ولا كله اروح السلام متعلمه عليه

 

[تووت ورمان84]

اختي المستشفى فعلاً فيه ريحة مجاري بس برا صوب المدخل

ومره رحت زياره حق والده بالممرات شميت نفس الريحه

اعتقد المستشفى عندهم مشكله بالمجاري الله المستعااان

 

[So MuCh PaIn]

انا اراجع عند د محسن خوووش دكتور
بس المستشفى ارف و حماماتهم عزكم الله ارف
و غرف الولاده كلش ما تسوى القيمة ووحده من الغرف الغنفة مبقعه
انا داشه الثامن بس من هالمراجعه راح اغيره

 

[ناتشوو]

ايه صح
انا مرة راجعت بالطوارئ
وفعلا حسيت بالريحة هناك بالانتظار

 

[زيووونتييي]

هههههههههه امبيه انتي مثلي أنا ولادتين عندهم وكل ما أروح مراجعه أتحلطم من ريحة الممرات وأقول حق ريلي وأمي أموت واعرف شنو المعقم الخايس اللي يستعملونه ووقت الولاده احرص على أمي تبخر الممر اللي في غرفتي مع انه الكل يقولي ماكو ريحه يتهيأ لج

كمام محسن عجييييييييييييب والغرف بالنسبة لي ما فيهم ريحه بالعكس وعلى طول البورترات يمرون وينظفون المستشفى نظيف وروعه توني والده عند محسن للمره الثانية الحمدالله صار لي 26 يوم من ولدت فتطمني والله يسهل عليج حبيبتي

 

[زيووونتييي]

منو قال سستراتهم مو زينيين بالعكس والله وهاذي شهاده بنسل عنها جدام ربي

سستراتهم رووووووووووووعه بالهم طويل واااايد يعني أنا عصبية وعلى أي شي اتنرفز والله يننتهم حتى أمي وخالتي وقت الولاده يقولون لي خفي عليهم حرام المهم مع كل عصبيتي والله يهبلون لا تعصب ولا حتى ترفع حاجبها بالعكس تبتسم وتهديني ولما ابجي تمسح دموعي ويمسحون على راسي ومعليش مدام ودونت كراي وعقب الولاده ما يخلونج ولا يقصرون معاج بشي وأول ما أطقين الجرس أيونج بسرعه لوول أنا خالتي قالتلي والله بينحاشون منج شكثر تنادين هم مع هذا ما يقولون شي تيي وتشوفج شتبين وتطلع

 

[Ro00os]

بولادتي وبمراجعاتي كلها ماعمري شميت ريحه خايسه بالعكس ريحة نظافه

 

[Ms.lool]

هههههههه بس قريت العنوان ضحكت لان انا وريلي دايما نتحلطم علئ ريحته تبط الجبد
ما احس ان ريحة طبيب او ريحة تعقيم

 

[عـــــروس]

عمري ما شميت فيه ريحه يا كثر ما راجعت عندهم وسستراتهم يهبلوووون
والكمام عجييييييب ما تحسين بشيء والحمامات مو مشتركه للاخت للي قالت مشتركه
في حريم وفي رياجيل وفي للموظفين