ريحتها تحرجني

[على مودك]

مساء الخير
كويتيات جيتكم ومتاكده ان تفريج همي عندكم تكفون لاتسفهوني



صديقتي مرتيه ماشاء الله وريحتها تفوح عطورات بس مشكلتها ريحة فمها غير محببه ( ماجو ريحة الفم الصباح ولااذا تاخرت مااكلت) لا لا شي اقوى وهي من فتره سوت عملية لحميه وشالتها
بس مدري وش المشكله

اللي ابيه منكم ابي طريقه ذربه اعلمها تتعالج بدون مااحرجها تكفون ساعدوني ماابي تسمع كلام من احد​

 

[خطوتي حلمهم]

من جد مشكله اذ كلمتيها كلميها بجوال ولا كاتبيه في رساله حتي ماتنحرج قدامك وقولى لها بتلمح انه قريبه لك من قبل تعاني وعالجت طبعا بعد ماتلقين حل لها قولى لها

 

[حلمي وامالي]

الله يشفيها يارب

 

[ام لمى.]

سولفي معاها عن عملية اللحميه. كانك تستفترين ومن خلال السواليف حاولي توصلين لها.
الموضوع. ممكن من بعد العمليه. الرائحه

 

[حلمي وامالي]

المر عجيب يمكن لثتها ملتهبة

 

[Dr.Loloza]

و الله جد موقف محرج

 

[sho-sho_93]

هممممم دزيلها علبو برودكاست مثلا نصايح جذي جنج دازته حق كل الي تعرفينهم

 

[والدة أمجد]

قولي لها بطريقة مباشره

قولي لها انا اخاف الدكتور ناسي فيك شاش بعد العمليه

وهالشي خطر عليها

خليها تراجع الطبيب حق العمليه

واذا لا تروح تشوف حل عاد عند اي دكتور يمكن فيها ألتهابات

 

[كويتيه فرنسيه]

صج شي محرج حاولي ماتحرجينها

بس عطيها علجه وقولي تبين علج واساسا العلج يطير ريحة الحلج

 

[عتآق الخيل]

مسآ الانوآر
انا مع راي ام لمى
مع السوآليف وبأسلوب حلو هي يمكن تشتكي لك اساسا
بالعكس مادامكم خوآت لاتصعبين الامور
المهم الاسلوووب بالنهايه
الله يسعدكم عسوله .~

 

[M!SS.LOBY]

الله يشفيها

 

[.حــنــان.]

كلميها العمليه
و قولي بصراحه اول ما سويتيها حسيت بريحه بحلجج
يمكن سوو شي بالعمليه غلط !!! وانا خايفه عليج
روحي راجعي الدكتور و قوليله عن ريحه حلجج
لان قاريه ان من اسباب الريحه الخايسه بالحلج
تكون كيس صوب البلعوم اتوقع
واثناء الاكل يبقا بقايا من الاكل بهالكيس ويسبب ريحه بالحلج

 

[يجازيك بحبك]

الله يشفيها يارب

 

[Huda alotaibi]

بخاخ خاص حق الفم والاسنان
موجود بالصيدليات

رائحه الفم تدل ان هناك في مشاكل في المعده

يفضل ان تمضغ فص ثوم قبل النوم وبعدها تفريش

حيث انه يقوم على قتل البكتريا التي تنمو في الامعاء والمعده

 

[سندس 90]

الله يعينها
شوشو حلوه فكرتها

 

[يارب محتاجك انا]

الله يعينج الصراحه مجربته وشي لا يطاق مادري الناس ما تشم روحها بروحها والله شي غريب بس جايز في ناس مو منهم من مشاكل بالجسم خارجه عن سيطرتها لكن ايضا هالشي اشوفه ما يترقع الواحد ابدى ما عليه نفسسه و يدور له حلول ؟؟


الله يعينج


بالنسبة لي بعدت عن البنت لان جد مو هامها ولا استحت وانا صارت نفسيتي صفر (\

انتي حاولي معاها جايز تحس وتراكض لعمرها

 

[Patcholli]

يمكن عندها ضرس خربان او لثتها لمتهبه ..

ومادري انا اقول مدامها ماسألت عن ريحتها ماله داعي تقولين يمكن تدري ومفتشله ومو بيدها لاتزيدين عليها الاحراج
لو ريحة جسم جان قتلج كلميها يمكن ماتحس بس ريحة حلجها مستحيل انها ماتشمها او ماتدري لان سبحان الله الواحد يشم ريحة النفس

 

[Gatwa DaloO3a]

لا بصراحه لا تحرجينها !! تخيلي تجيك وحده تقولك لو سمحتي ريحت فمك خايسه !!

مهما كانت الطريقه ذربه بتضل فششششله و احراج !!!

وش تسوي بعد هي ..اذا اهلهاا ماكلموها ولا قالولها

 

[أم زيووون]

الله يشفيها انشاءالله

 

[الدنيا لحظه**]

ان اقولج شتسوين خلي بجنطتج علبه هيل ونعناع حلاو كل ماقعدتي معاها اكلي وعطيها ومن بين السوالف قولي وحده من البنات كانت تسولف ان واحد خله مرته والسبب ريحت حلجها عاد ابدي قولي اهم شي ريحه االحلج والتفريش والنافهه وانشالله سهالات