ريحة نظااافة

[أميرة-]

السلام عليكم

بنات لا تضحكون علي

انا مشتركة بنادي ولاحظت مشالله اغلب البنات معانا بالنادي ريحة اجسامهم حلوة ريحة نظاافة حتى مع الكلاسات القوية اللي ادشها الريحة مشالله ريحة بودر على نظافة واستحي اسأل بس بعرف شلون اخلي جسمي جذي ريحته حلووة ريح نظافة ههههههههه

بنات انا ماستخدم العطور بشكل يومي لانه اخاف لما اطلع احد يشمني بس لما اتسبح احط ديودرنت وبودره ومرات ابخر شعري ولما اخلص شور ارطب جسمي بأي مرطب مرات جرجنز ومرات فير اند وايت او جونسن الترطيب اليومي بس وكل يوم اتسبح لاني كل يوم اروح النادي ��

كل وحده تقول لنا بليز شلون تعطر جسمها وشنو تستخدم بالتفصيل الممل بعرف حتى المنطقة الحساسة شلون تعطرونها وراي عرس لازم ادهر بعمري ☺ سي يو قيرلز

 

[عـيّــآره]

انا اموت واعرف سرر الفلبن << الفلبينيات ​

24 ساعه في ماك وكنتاكي وبرجر كنج مقزرين يومهم بين ​

الزيتوت وانواع الوجبات ​

وريحتهم كمفورت ؟؟؟ ​

اشلووون​

اي وحده فلبينيه معانا بالمنتدى تكشف لنا سرها ياليت​

:krkrkr:​

 

[<miss botamba>]

الريحه من الهدوم والجسم

الاثنين مايصير واحد منهم

هههه


انا هدومي اغسلهم بإيريال الاخضر او في واحد يديد وردي و نحط داوني الازرق نسيم الوادي ريحته اقوى من الكومفورت ويقعد بالهدوم حتى لو تعرقين فيهم لول بس انا ما اعرق حيل هههه فالنظريه ماتمشي على الي عرقهم قوي بس ساعات لمن اروح الممشى وامشي ساعه او ساعه ونص تفوح مني ريحه الداوني مو عرق




الجسم طبعا اول شي تسبحين وتتفركين عدل خصوصا الابط ويستحسن كل شاور تسويله سنفره وعادي اي نوع مايفرق

وبعد الشاور تحطين اي بودي سبراي هم عادي مايفرق انا احب اكثر شي فكتوريا سيكرت و باث اند بودي


الحين انيي حق الديودرانت في ماركه Lady Speed Stick اسمه powder fresh نادر هالريحه تتوفر بالجمعيات تلاقين الماركه بس هالريحه بسرعه تخلص تلاقينها بكارفور لدرجه اختي تشتري عادي درزن منه وتخشه لان ساعات ينقطع

وفي منه الرول السائل و في الشمع

وريحته نفس ريحه بودر اليهال

او


انا استخدم هذول

دوف الاوريجينال

نيفيا دراي كومفورت ال 48 ساعه وفي ال 24 ساعه

او هذا هم من نيفيا لتفتيح والتنعيم و مقاوم لتعرق 48 ساعه

وحتى انا ترا ما استخدم عطور بالطلعه نااادر بس اسبح و بودي سبراي يعني مجرد انا بس الي اشم ريحه جسمي وبس الي يسلم علي يشمني

وجذي تطلع ريحتى على قولتج ريحه النظافه

 

[baby lotion]

آوبا لعيونج

 

[قاهره عذالي]

ذكرتيني

في عطور ريحتها صابون ونظافه

عطر جوفان وايت مسك

عطر فيروز من رشة عطر

عطر حور من العبدالمحسن

عطر الور شانيل

هذول اللي الحين ببالي

 

[ام عبد العزيز م]

ماقصرو البنات

 

[Huda alotaibi]

لا ويع السر مو بالنيفيا هذا مال سيلانيه مقطعه بصل



السر هو الاستحمام اليومي وقليلا من مسك الغزال من القرشي

هذا هو سر النظافه غيره ما اعرف (((

ياحلاة الصيف مع المسك

 

[ترف بابا]

البودي سبراي وجسمج رطب - جربي زهور الريف

 

[نور الشهري]

up

up

للاستفاده

 

[Lovely_R]

اب اب

 

[عجينه]

السبوح اليومي خلطه صابونيه وسنفره
وشور جل على نكهات

غسول المنطقه الحساسة >> البابونج من الصيدليه او ستيل

ديودرنت>>> أنا استخدم من الصيدليه ماركه فيجي او بايوت

الترطيب اي كريم تحبينه+ بودره جونسن البنفسجي

الشعر لازم ابخره بعود او بخور اجمل بعد الشور

الملابس نظيفه مع استخدام الكومفورت او داوني المركز عجييييييييب الابيض والذهبي

وبالنهايه اي عطر تحبينه

وسلامتك

 

[do0ora]

اي وحده فلبينيه معانا بالمنتدى تكشف لنا سرها ياليت​

هههههههههههههههههههه

 

[sverige]

جربي
Clean
ريحهم قطن وصابون تجنننننن

 

[attoosh]

بالدرجه الاولى اهم شي النظافه مو العطور يعني لاز شور كل يوم اول ما تقعدين من النوم وقبل ما تنامين باليل واهم واحد اول ما تقعدين من النوم لان الجسم باليل تفتح المسام وتتنفس وتصير ريحت الجسم خمره اول ما تقعدين لا تقولين اسبح وانام ولما اقعد بس عطورات نوو لازم شور على السريع وبالنسبه للعطور لازم ديودرنت حلو ليدي سبيد ستك حلو عندج ريكسونا انا احبه بس يايوت ما ينفع لجونا مفعوله مو قوي مع ان طبي وريحته عجيبه بس مو حق الصيف بالشتا ممكن وهذا انا بعد مو من النوع اللي يعرق ولما تخلصين شور بودر وبودي لوشن وابتعدي عن العطورات القويه والحاره بالصيف لانها تقلب زفره يعني لازم تكونين حذره مع جونا حار حيل يعني دهن عود بخور عطورات قويه ما ينفع اهم شي النظافه وعندج بودي سبريه ملوت فيكتوريا سيكرت العنبر والازرق مادري شسمه عجيبين انا ساعات ارشهم على الهدوم من بره خصوصا حق النادي اخليه بجنطتي وكل ساع ارش وفكتوريا سيكرت احلى شي غيره ماركات احس يعطي ساعات دوا كحه وبس عطورات انا احب برادا اليديد خفيف وعنج مال نكست اسمه كشمير بس مو موجود إلا بالندن اذا عنج احد هناك وصيه وطبعا اسنانج دايما نظفيهم لانه ياثر على ريحتج العامه وسلامتج حبيبتي

 

[Huda alotaibi]

? الاستحمام
? مسك طهارة
❤ وضع عطر جنسي بعد شاور جيل ولوشن
وسلملي على نظافه ??

 

[Withered flower]

عطر جنسي؟؟
شهالخرابيط
البنت تتكلم عن النادي مو النوم والزوج

 

[يـاكـرهـي $:]

^ خخخخخ

اب ابي اعرف السسر ^_*

 

[oorccia]

النظافة

ومزبل العرق ريكسونا افضل مزيل عرق فيه بخاخ منه بس احسه قوي

وبعد الشاوره بودرة معطرة من نكتار وبخاخ جسم وشعرك حطي فيه خمريه احسن

 

[عزوتي خمس صقور]

خوش موضوع بغيت احط نفس الموضوع
بس سبقتيني
نبي افكار زياااده​

 

[امريكيه وافتخر]

? الاستحمام
? مسك طهارة
❤ وضع عطر جنسي بعد شاور جيل ولوشن
وسلملي على نظافه ??

شكو البنت تتكلم عن الطلعات بابا انتي فاهمه غلط