ريحة غرفتي خايسة :( ساعدوني مليييييت

[فلونة كويتية 80]

بنات ريحة غرفتي خايسة مادري شسوي كل يوم احط معطرات جو ماكو فايدة

المشكلة احنا بيتنا تكييف سنترال والحين بما انه دخل الشتاء سكرناه وهالمشكلة كل سنة تصيرلي

غرفتي تصير ريحتها مثل ريحة عطنة فاهمين علي؟

افتح الدريشة وارش معطرات حلوة بس ماكو فايده مع العلم غرفتي صغيرة وفيها دريشتين


بس مادري ليش هالريحه تصير فيها وافتشل وايد مرات ابوي يدخل غرفتي يقولي انتي شمسوية

انحرجت واااااااااايد بنات مافي حل؟ والعطنة اكثر شي تزيد لما أقعد من النوم وانا اسكر الدرايش بليل

بس هم لما ادخل غرفتي اشم الريحة لايعه جبدي ساعدووووني

للعلم انا مافيني غازات واعرف نفسي وما اعاني من اي امراض وغرفتي تتنظف على طول



:0bee2e8d89:


​

 

[kaify q8ya]

حبيبتي يمكن في حيوان ميت في غرفتج طير او فار اواي شي
حاولي تطلعين كل غرفتج اذا كانت مفروشه زل ييبي شركه تغسله يمكن منه الريحه
واذا سيراميك مسحي بديتول ومعطرات السيراميك وطلعي ملابسج من الكبت وهم مسحيه من داخل وعطريه
يمكن فراشج منكب عليه شي وخمر حاولي تشمسينه
لان الغرفه اذا فيها شي ماينفع تعطرينها ماكو فايده المهم انج تعرفين السبب وتزيلينه
وانشاءالله تصير ريحة غرفتج احلى من المسك
اي بعد تذكرت انتي تحطين جواتيج عزج الله بالغرفه ؟ اذا اي يمكن منهم
وقولي حق ابوج ان غرفتج فيها ريحه خل يساعدج لاتخلينه يشك فيك انج مسويه شي (الله يغربل بليسج)
اهم شي الشمس تدخل غرفتج

 

[فلونة كويتية 80]

هلا حبيبتي

غرفتي تتنظف كل يوم وما احط جواتي بغرفتي وغرفتي ارضيتها سيراميك وحريصة من ناحية البقع يعني الحمدلله كل شي مستتب وتمام

المشكله هذي تصيرلي كل شتا احس مافي شي يسحب الهوا واكثر شي تزيد ريحة العطنة لما اسكر الدرايش واكون نايمة واقعد من النوم

هني ريحة الغرفة تصير كلها ريحه انفاس مادري ما تحتمل وما اعتقد من حيوانات لا ماعندنا حيوانات بالبيت

 

[The Boutique]

اشتري من الغانم جهاز تعقيم الجو في اشكال واسعار من تشغلينه يعقم الجو ويقتل الميكروبات اللي تسبب الريحه
لان اعتقد سببها رطوبه الجو بعد بالشتا

 

[Blue Tulip]

انا اتوقع فار ولا طير ميت بدارج مثل ماقالت kaify q8ya بس انتي اتقولون دايما اتصيرلج بالشتا انزين قولي لامج ولا ابوج خليهم يشوفون شسالفه وانتي حاولي اتخلين الدريشه امبطله طول اليوم وكل ماطلعتي بطلي الدريشه ومسحي السراميك بديتول اكثر من مرة باليوم وحاولي ادورين مصدر الريحه وين بدارج
وان شاءالله تروح الريحه

 

[فلونة كويتية 80]

مشكوره يالغلا جم سعر جهاز التعقيم؟

 

[فلونة كويتية 80]

كيفي وكريستن راح اسوي اللي قلتوا عليه مع اني متأكدة من النظافة وان ماصار راح اخذ جهاز تعقيم شسوي بعد

والي عندها حلول او مرت بنفس التجربة تقولنا

 

[kaify q8ya]

حبيبتي يمكن في حيوان ميت في غرفتج طير او فار اواي شي
حاولي تطلعين كل غرفتج اذا كانت مفروشه زل ييبي شركه تغسله يمكن منه الريحه
واذا سيراميك مسحي بديتول ومعطرات السيراميك وطلعي ملابسج من الكبت وهم مسحيه من داخل وعطريه
يمكن فراشج منكب عليه شي وخمر حاولي تشمسينه
لان الغرفه اذا فيها شي ماينفع تعطرينها ماكو فايده المهم انج تعرفين السبب وتزيلينه
وانشاءالله تصير ريحة غرفتج احلى من المسك
اي بعد تذكرت انتي تحطين جواتيج عزج الله بالغرفه ؟ اذا اي يمكن منهم
وقولي حق ابوج ان غرفتج فيها ريحه خل يساعدج لاتخلينه يشك فيك انج مسويه شي (الله يغربل بليسج)
اهم شي الشمس تدخل غرفتج

 

[عذوق]

1- سلة املابس الوصخة خليها برا .
2- غيري الديباج دايم وخليه يتشمس .
3- إخذي شرشف عندج واترسيه من عطوراتج القديمة وعلقيه على الشماعه وخليه دايم .
4- بخري غرفتج دايم بالعود أو بالبان .
5- إمسحي أرضيه الغرفة دااايم بالمطهرات والديتول وافتحي الدرايش لما تمسحينها لين تنشف الغرفه ولما تمسحين الارضيه اخذي فوطه نظيفة جديدة مو قديمة .
6- إذا غرفتج فيها فرشه غيريها يمكن منها منكب شي ولا شي وانتي ما تدرين .

وإن شاءالله تروح الريحة


موفقه

 

[متكوده]

يمكن سقف غرفتج يخر ماي لما يطق مطر بالشتا؟

انا تصير فيني

جيكي على السقف

 

[فلونة كويتية 80]

لا الحمدلله مايخر السقف تمام

 

[همس البحر]

هلا حبيبتي اكيد غرفتج سجاد اذا سجاد معناها حايشتها رطوبه او منكت شي على السجاد ومليون بالاميه هذا السبب غيريه وراح تتاكيدن من كلامي

 

[فلونة كويتية 80]

غرفتي سيراميك وفيها قطعة سجاد متوسطة الحجم اصلي عليها ومافي عليها بقع او وصخ ومشكورة حبيبتي

 

[m001641]

يمكن خشب دارج قديم ترى مع الرطوبه يطلع ريحه

اذا يديد غيري الديباج والاسفنج اللي تنامين عليه

رتبي هدومج بالكبتات وحطي معطرات داخل علشان من تبطلين الكبت تطلع الريحه حلوة لي بره

تحصلين انواع وايد حلوه من سنتر بوينت حق الغرفه والملابس وغير الشموع اللي فيها عطر

ارضيه الغرفه كل يوم مسحيها بديتول ومعقمات والادوات اللي تستخدمينها بالتنظيف نظيفه ومافيها ريحه

عند الشايع عندهم بخور استعمال يومي اسمه ممسك رخيص كل يوم بخري فيه وصكي دارج
حتى اليوم اللي ماتبخرين فيه بتشمين الدار ريحتها حلوة

وبعدين نصيحه من اخت اذا دارج ريحتها مو حلوة ترى حتى ثيابج بالكبت بتاخذ من الريحه

وهذا بيأثر عليج حتى لو ماشميتي غيرج يشمه

وجيكي على السنترال يمكن داخله ميت قطو ولا شي وساعات لو تبطلين السنترال ومافيه غاز يطلع ريحه خايسه

اذا حاولتي باكثر من محاوله وماكو فايده طلبي من اهلج تغيرين دارج

اسفه على الاطاله

 

[فلونة كويتية 80]

ألف شكر يا حياتي تسلمون على النصايح جزاكم الله ألف خير

 

[شموخ شيوخ]

وعندج الجهاز اللي يبخ عطر وتقدرين توقتينه مثلا كل5دقايق يبخ عطر وجذي تتعطر دارج على طول

 

[شمس و قمر]

عادي حبيبتي ممكن مع الغمته ولمن تسكرين الدرايش والباب تطلع ريحة الخشب

الحل بسيط

روحي اي مكان يبيع المعطرات الالكترونيه

بس مو الي بالجمعيه ترى كلش ماتنفع

ممكن بالشايع

وطول الليل وانتي نايمه ومسكره الدرايش المعطره راح تبخ عطر

 

[فلونة كويتية 80]

مشكورين بنات على الافكار

 

[خضيرة]

غرفتج تقولين نظييفة فيها سيراميك والسقف مايخر وما فيها حيوان ميت وتبطلين الدرايش تتهوى وما فيج غازات وتحافظين على نظافتها عيل منين تيي الريحة اكيد فيها جنى

 

[توتاتوتا]

.. ان شاء الله تلقين الحل

احس من الخشب