ريحة شقتي

[شيخه وذوق]

مرحبا حبيباتي الكويتيات الي يعجبني ذوقهم بكل شي :rerrerek:

من الاخر انا احب شقتي دايم تكون معطره ومبخره واحب تكون ريحتها حلوه بسسسسسسسسسس مهما احط واتعب مايبين ساعه ساعتين بعدين تختفي جربت فواحات وعود مافيه فايده لو اطلع وارجع للبيت احس ماله ريحه ابد:rgewrg:
والي زاد الطين بله زوجييييييييييييييييييييي مره قالي الشقه الي تحتنا ريحتها دايم واصله لباب الشارع ليش بيتنا موكذا
وضااااااع وجهي
عاد انا سمعت ان فيه رشوش لبيت والمفارش وخلطات تصلح بالبيت وتكون ريحتها مركزه وماتروح
فتكفوووووووووووووووووووووووووووووووووووون
الي تعرف رشوش حلو وقوي تعطيني طريقته ومشكوريم مقدما معليش طولتها وهي قصيره

 

[غيمه ظميانه]

معطرات فراش المرشووود حيل قويه ريحتهم وثابته
انتي قبل تبخرين رشي المعطر حيييل عالزوليه وعالقنفات وعالستاير عقب بخري لمى تبخرين حاولي جنج تبخرين الستاره
خلي الدخان يدخل بقماش الستاره خصوصا لمى يكون المعطر للحين مانشف
جذي راح تقبت الريحه
وفي معطرات سيراميك بعد
وسلامتج

 

[مملكه الرشاقه]

حبيبتي الموضوع المفروض يكون بقسم ثاني مو هني

جربي الفراحات اللي تشتغل على طول او الاجهزه او الشموع وخلي الدرايش والابواب مسكره

 

[شيخه وذوق]

المرشود مو عندنا بالسعوديه للاسف

 

[al6aylaaa]

اااب

 

[Um Tuki]

غيري بخورج

جربي جبل علي ( الرصاصي ) ادري قديم بس ريحتة فضيعه و ثابته فالبيت ..

و هم راقية من الرصاصي ..

حلوين حيل

جربي البخور اللي يسوونه بالبيت بعد حلوو ..

 

[ذكرى الفجر]

اذا ماعندك رشوش رشي الغرفه بسبرايه مويه ع اساس تلصق ريححه البخور

 

[om MaRyooM]

لابد تروح الريحة

جربت وايد اشياء ووايد طرق لازم بعد جم ساعه تختفي الريحة
واحسن شي ان يكون التبخير بعد ما تنمسح الارضية يعني تكون مبللة للحين ماجفت ..علطول تبخرينها
تمسك شوي اكثر من 3ساعات تقريــبا




وهذي اللي ريحتها واصلة اخر الشارع تكون تبخر البيت مرتين او 3مرات باليوم

 

[الشوق يجيبك؟؟]

فعلا بخور راقية من الرصاصي يجنن وريحته تقعد يوم كامل وعنده مرشات حلوة عندك اكوا وبشرى يجنن
انا ماآخذ الامنه جربت كثير بس الرصاصي غير
كنت ساكنه مع اهل زوجي فوق وإذا نزلت يسألوني عن البخور ريحته واصلة عندهم​

 

[sunshine22]

المخلطات هي اللي تثبت الريحه

ومسحي بيبان شقتج بريفدور
وخففيه بماي ومسحي فيه الأرضيات مره بالاسبوع كافي انا اسوي جذي

وابخر وراها
واخر شي المرش المفضل عندج رشي منه كل صوب

انا اسوي هالحركه يوم الاحد وتقعد اسبوع كامل ثابته

 

[العمهوجه]

هلاا وغلا

عندج بخوور الحرمين هذا يهبل فضييع

وخلطة ليلة خميس من اجمل بعد عجييبه حلوه ومركززه وعندهم انواع بس انا ارشح لج ليلة خميس غررامي
وكوثر من الرصاصي حلووه حييل
وزيوت فوواحة عندج من زهور الريف كاميليا حلووه وفي شكثر انواع طبي وتخيري خخخخخ
وبودي شوب بعد حلوه زيوت الفواحات
وفيي شكثثر اشياء تجنن بس هذا اللي يحضرني الحيين

 

[شيخه وذوق]

مشكورااااااات حبيباتي ماقصرتو فديتكم والله بجرب كل الي قلتو

 

[Liv Tyler]

اشتري بخور الملكي اللي عمد القرشي يثبت حيل حتى مع السيراميك والرخام
وعندج رشوش اطيباب الخزامى اسمائهم "سارة, ديمة"
تجربة شخصية​

 

[شيخه وذوق]

اطيباب الخزامي عند القرشي برضو ولا من وين

 

[ٱستۆطنت خٱفقهْ]

^^

هذي معاناتي

لازم ابخر مرتين

وساعات قبل يجي زوجي اشب بخوري ❤❤
عساس يدخل والريحه بقوتها

 

[ساره الحلوة]

انا عندي فواحة واشتري لها عطور زيتية من سنتر بوينت حلوة وقوية وما تعور الصدر

 

[بنت النوخذا]

أجــمــل

عنده بخور عود معتق
يكون بغرشه فخار لونها ازرق فاتح
اذا تبينه يتم بالبيت سكري التكييف لانه يمتص الدخان
حطي في غرفه النوم و سكري الباب لمده عشر دقايق
بعدها طلعي المبخر وروحي للغرفه الثانيه و نفس الشئ بخري الغرف و سكري الباب لمده عشر دقايق
و بخري دواليب الملابس
بس طبعا ديري بالج من انه المبخر يكون تحته صينه صغيره حتي ما يطيح علي السجاد
و بالدولاب خلج يم الدولاب حتي لا يحترق لا قدر الله
((((( طبعا قبل هالشئ
البيت لازم يكون نظيف
تعرفين معطر الملابس ( كومفرت بعطر البخور او الزهور )
حطيه بسطل صير ماي لترين و فوقهم نص كوب كومفورت
هالخليط مسحي فيه الاثاث و السجاد والارض و الحوائط سوي هالشئ كل اسبوعين
وبعدها حطي رشــوش مال بيت و عقبه حطي البخور بالطريقه السابقه

بالحمام
جيبي صابونه لوكس صغيره و فتحيها
و خليها في مكان ما يوصله ماي
بتفوح ريحتها بالمكان لمده ثلاث ايام

نفس الشئ حطي صابونه صغيره قطعيها اربع قطه
وزعيها في دولاب الاحذيه
بس كل اسبوعين سوي هالشئ
و ســــــــــــــــــلامتج

 

[برد & سلام]

هلاا وغلا

عندج بخوور الحرمين هذا يهبل فضييع

وخلطة ليلة خميس من اجمل بعد عجييبه حلوه ومركززه وعندهم انواع بس انا ارشح لج ليلة خميس غررامي
وكوثر من الرصاصي حلووه حييل
وزيوت فوواحة عندج من زهور الريف كاميليا حلووه وفي شكثر انواع طبي وتخيري خخخخخ
وبودي شوب بعد حلوه زيوت الفواحات
وفيي شكثثر اشياء تجنن بس هذا اللي يحضرني الحيين

حبيبتي العمهوجة هذا البخور ماقلتي من وين ؟

ومشكورين بنات على المعلومات الحلوة

 

[Q 8 Y A t]

انا مثلج لاعت جبدي

اخذت كلللللل الرشوش اللي بالغرفة وحطيتهم مع بعض في فازة زجاجية

واخذت مرش صغير واحط فيه الخلطة وارش بين فترة وفترة

 

[Q 8 Y A t]

عود معطر خذا من عند الحرمين