ريحة الشقة

[Sa7aBa]

السلام عليكم بنات

بما اني بغربة فمظطرة اني ااقلم روحي. طريقتهم وياتهم
عندي مشكلة بالشقة اللي بروح لها
نظام التهوية زفففت عندهم وطبعا المطبخ مطل عالصالة يعني كلشي مبطل ع بعض
والدريشه مخلينها بس نقدر نبطلها 5 صانتي
لااا ومافي تكيييف تخيلوا
وبنشوف اذا يرضون نركب وحدة.. مادري شلون عايشين

المشكلة لمااطبخ شلون بالله بتروح الريحة شلوووون بهوي؟؟؟؟؟
خاصه انه عندهم مال الانذار ماقدر اكثر من البخور




شسوي:eh_s(16):

 

[الجوهرا]

حطي قليد ورشي خلطات بالبيت وانا مجربه لقليد روووووعه وخلي الدريشه مبطله 5صانتي العوض ولا القطيعه

 

[Winter Q8]

شبي شموع معطرة لما تطبخين ..
جدر ماي و فيه فانيليا سائلة و دارسين ..
تجنبي الأكلات المشويه على الشواية و حطيها بالفرن ..
و لما تخلصين الطباخ مسحي الأرضيات بديتول و معطر ارضيات و المرشات

 

[*kim*]

نفس معامات اختيي بفرنسا عليج بالمرشات والشموع المعطره وادحا تاخذين معاج فواحه ثغيره احسن

 

[قطوة@@]

و انتي تطبخين حطي بجدر ماي و فيه خل و هيل و دارسين و ليمون اسود راح تسحب الريحه
و حطي معطرات الجو
و الله يعينج عالغربه

 

[أم نواف غير]

ماشالله البنات ماقصرو

 

[ريماس عسل]

للرفع

 

[سلاسل ذهبيه]

ماقصرو البنات

 

[سوسو حبيبتى]

نفس المعاناه لماسافرت كندا


شوفي مالت الحريق تتقدري تتطفيه وانتى حاطه البخور او لو ماتقدرين حطي البخور بعيد عنه واول مايطلع صوت

جيبي اى شي وخليه يطلع هواء صوب الانذار بيسكت .

اشتري مروحه وخليها بالصاله وافتحي الدريشه المروحه هاتتطلع الهواء من البيت الى فيه ريحه طبخ

اشتري نوع شفاط يكون قوي

حاولي تتجنبي الاكلات الى تقلب ريحه البيت

حطي بكل مكان بالبيت شموع معطره وبخاخات الى ترش كل شوي بس راعي ان الريحه كلها تكون واحد او متناسقه

عشان لايصير لخبطه ف الريحه

اهم شي مسح الارضيات

امممم واايد افكار والله يعينك