رياييلكم جذيه ولا بس ريلي !!!

[شواخي]

السلام عليكم بنات

شخباركم؟

مشتاقه لكم حيل

بنات انا الحمدلله متزوجه من سنه ونص تقريبا وعندي الحمدلله بنوته صغيره عسى الله يخلي لكم عيالكم

مشكلتي مع زوجي والدوام

انا الحمدلله زوجه اساعد زوجي وبالعكس احبه يشتغل بس

ما ادري شسالفته دايم مشغول باله ويا الدوام ولا يعطيني ويه

تخيلوا يقوم 5 ونص - 6

ويروح الدوام عال6 ونص اليييييين 5 العصر ولا ساعات يتآخر بعد

ذبحني .. وانا اسكت ولا احن ،،بس خلاص بنتفجر

لاتقولون لي استحملي

استحملت وايد ،، شغله البال المفروض اسبوع اسبوعين ،،اوكي شهر بس مو سنه ونص ...


اوكي الحمدلله انا اشتغل و الهي وقتي مع بنتي و الدوام واهلي ورفيجاتي ونروح السوق

بسخلاص حق كل شي لمت

الحمدلله الي اعرفه ماكو بنات فالدوام لانه في قلعه وادرين و يشتغل بالصحرا

مشكله انه ما يقربني طول الاسبووووووع !! الا يادوب بالويكند يخلص شغله اول مايقوم سريع سريع و يطلع حق ربعه يوم الجمعه الين الليل وانا جني لوح

ساعات نطلع اليمعه وساعات يوديني بالاسبوع مطعم ساعه وشوي ونرد

لما ايي من الدوام خلاص ياكل و يا يطلع ويا ربعه شوي ولا ينام !!!

ما يقعد وياي

واليوم غايب ،، و لبست له و وديت بنتي من الصبح عند الشغاله وماكو فايده فيه هالانسان !!! يقول لي تعبان !!

ماعرف انا والله حلوه وضعيفه !! و اهتم بنفسي والله

و لو اموت ما يفكر يلمسني بالليل !! لو ضمه عالاقل ،، و كله معطني ظهره

و اتيي ايام ادري ان وده !! بس ماعرف ليش !!!

والله بالعربي خلااااص لاعت جبدي !!!!